Moja kwa moja, Makubaliano ya kusitisha mapigano kati ya Israel na Lebanon yaongezwa kwa wiki tatu

Moja kwa moja

Na Martha Saranga

1. Dakika 20 zilizopitaUsitishaji mapigano Lebanon si wa uhakika kwa 100% - Israel

   

   Chanzo cha picha, Getty Images

   Balozi wa Israel katika umoja wa mataifa anasema hana uhakika kuhusu hatua ya kusogezwa mbele usitishaji mapigano kama itakomesha mzozo kati ya Israel na kundi la Hezbollah linaloungwa mkono na Iran nchini Lebanon.

   "Serikali ya Lebanon haidhibiti Hezbollah," Danny Dannon anasema katika mahojiano na CNN.

   "Hezbollah inatuma makombora kujaribu kuhujumu usitishaji mapigano, na Israel - tunapaswa kulipiza kisasi. Kila wakati tunapoona tishio, tunachukua hatua."

   Maoni yake yanakuja baada ya mabalozi wa Israeli na Lebanon nchini Marekani kukutana katika Ikulu ya White House ambapo Trump alitangaza kuongeza wiki tatu za usitishaji mapigano baada ya siku 10 za sasa.

   "Hayana uhakika wa 100%," anasema akimaanisha makubaliano mapya.

   "Natumai ... kuona kwamba jeshi la Lebanon linaweza kutekeleza usitishaji huu wa mapigano."

   Unaweza kusoma pia:

   Unachopaswa kujua kuhusu mzozo kati ya Israel na Hezbollah

   Israel na Hezbollah: Athari ya uvamizi wa kijeshi wa Israel kwa pande zote mbili

2. Saa 1 iliyopitaPapa alaani mauaji ya waandamanaji nchini Iran, asisitiza msimamo wake dhidi ya vita

   

   Chanzo cha picha, Getty Images

   Kiongozi wa kanisa katoliki duniani Papa Leo siku ya Alhamisi alilaani vikali mauaji ya waandamanaji nchini Iran, kufuatia ukosoaji kutoka kwa rais wa Marekani Donald Trump wiki iliyopita kwa madai kuwa hakuchukua msimamo huo wazi alipokuwa akizungumzia vita vinavyohusisha Marekani na Israel dhidi ya Iran.

   Akiwa papa wa kwanza kutoka Marekani, Leo pia alilaani vifo vya raia wengi katika mzozo huo na kueleza masikitiko yake kuhusu kuvunjika kwa mazungumzo ya amani kati ya Marekani na Iran.

   Alitoa kauli hizo akiwa ndani ya ndege akirejea Roma baada ya ziara yake barani Afrika.

   “Ninalaani vitendo vyote visivyo vya haki. Ninalaani kuuawa kwa watu,” alisema papa alipokuwa akijibu swali la waandishi wa habari kuhusu ripoti za kuuawa kwa waandamanaji nchini Iran.

   Aliongeza kusema kuwa pale ambapo serikali au taifa linachukua maamuzi yanayosababisha vifo vya watu bila haki, hatua hiyo inapaswa kulaaniwa wazi.

   Hapo awali, Aprili 12, Trump alimshambulia Papa Leo kupitia mitandao ya kijamii akimuita “asiyefaa,” baada ya kiongozi huyo wa kanisa Katoliki kuonekana kukosoa vikali vita vya Iran pamoja na sera za kupinga uhamiaji za rais huyo.

   Katika chapisho lingine siku mbili baadaye, Trump alihoji ikiwa kuna mtu angemfahamisha Papa Leo kuhusu vifo vya waandamanaji nchini Iran.

   Unaweza kusoma pia:

   Mambo matatu ambayo ni kiini cha mzozo wa Trump na Papa Leo XIV

   Papa atoa kipaumbele kwa Afrika ambako Ukatoliki unakuwa kwa kasi zaidi

3. Saa 1 iliyopitaIran haijazuiwa kushiriki Kombe la Dunia - Marekani

   

   Chanzo cha picha, Getty Images

   Waziri wa mambo ya nje wa Marekani, Marco Rubio, amesema hakuna mamlaka yoyote ya Marekani iliyowaambia wanamichezo wa Iran kuwa hawaruhusiwi kushiriki mashindano ya kombe la dunia FIFA yatakayofanyika nchini humo msimu huu wa joto.

   Amesema kumekuwa na uvumi kuwa Iran huenda isishiriki na kwamba Italia inaweza kuchukua nafasi yao, lakini akaongeza kuwa ikiwa Iran haitashiriki, huo utakuwa uamuzi wao wenyewe.

   Rubio alieleza kuwa tatizo si wanamichezo wa Iran, bali ni baadhi ya watu wanaoweza kuandamana nao.

   “Wasichoweza kufanya ni kuingiza magaidi wa IRGC nchini kwetu na kujifanya waandishi wa habari au wakufunzi wa michezo,” alisema.

   Unaweza pia kusoma:

   Ufahamu Mlango Bahari wa Malacca na umuhimu wake kwa biashara ya kimataifa

   Jinsi Iran Ilivyogeuza Mlango wa Hormuz kuwa silaha yenye nguvu zaidi duniani

4. Saa 1 iliyopitaMakubaliano ya kusitisha mapigano kati ya Israel na Lebanon yaongezwa kwa wiki tatu

   

   Chanzo cha picha, Getty Images

   Rais wa Marekani Donald Trump amesema kuwa makubaliano ya kusitisha mapigano kati ya Israel na Lebanon yamesogezwa mbele kwa muda wa wiki tatu, lakini akasisitiza kuwa hatakimbilia kufikia makubaliano yoyote na Iran.

   Katika tangazo lake, Trump amesema kuwa mkutano huo ulihudhuriwa pia na Makamu wa Rais JD Vance pamoja na Waziri wa Mambo ya Nje Marco Rubio, na ulifanyika kwa mafanikio makubwa. “Marekani itashirikiana na Lebanon ili kuisaidia kujilinda dhidi ya Hezbollah,” aliandika Trump.

   Amesema ilikuwa “heshima kubwa” kushiriki katika mkutano huo wa kihistoria, na akaongeza kuwa anatarajia kuwapokea waziri mkuu wa Israel Benjamin Netanyahu pamoja na rais wa Lebanon Joseph Aoun katika siku zijazo.

   Trump alizungumza na vyombo vya habari akiwa katika Ofisi yake kwa mara ya pili siku hiyo, akiwa ameambatana na Vance, Rubio, pamoja na mabalozi wa Marekani nchini Lebanon na Israel, na pia mabalozi wa mataifa hayo mawili nchini Marekani.

5. Saa 1 iliyopitaHabari karibu na katika matangazo yetu ya habari za moja kwa moja