Hii ni tovuti ya maandishi pekee ambayo inatumia data kidogo. Tazama toleo kuu la tovuti likijumuisha picha na video zote.
Pata maelezo zaidi kuhusu toleo hili la linalotumia kiasi kidogo cha data
Ibada katika uwanja wa Windsor Castle ilikuwa hafla ya mwisho ya umma kabla ya Malkia kuzikwa karibu na mumewe, Mtawala wa Edinburgh.
Msafara huo unapoelekea kwenye Mall, hupita sanamu ambazo zilizinduliwa na Malkia kwa heshima ya wazazi wake wote wawili.
Mnara wa shaba kwa ajili ya babake Mfalme George VIuilizinduliwa mapema katika utawala wake, mwaka wa 1955.
Karibu ni mnara mwingine wa shaba ambao uliwekwa mwaka 2009 kama kumkumbuka Mama wa Malkia, aliyefariki mwaka 2002 akiwa na umri wa miaka 10.
Sio kwa mara ya kwanza katika kipindi cha siku 10 zilizopita, baadhi ya mitaa yenye shughuli nyingi zaidi katika mji mkuu huo imetulia huku watu waliokusanyika kutazama msafara huo wakitoa heshima zao kwa marehemu Malkia Elizabeth II.
Kengele kubwa inapigwa kila baada ya sekunde 60 huku msafara ukiendelea polepole katika mitaa ya London.
Awali, Mfalme Charles, Mkuu wa Wales, na Mwana wa Kifalme walipigwa picha wakitoa heshima walipokuwa wakipita katika makumbusho wa vita vya Cenotaph huko Whitehall.
Cenotaph ni mahali ambapo Huduma ya Kitaifa ya Ukumbusho hufanyika kila Novemba.
Mwanamfalme Harry hajavaa sare ya kijeshi katika hafla ya mazishi kwani yeye sio mfalme anayefanya kazi.
Msafara huu mkubwa zaidi utaelekea Wellington Arch, mojawapo ya eneo kubwa huko London.
Saa 13:00 za kuwasili kwa BST zimepangwa - na ramani yetu hapa chini inaonyesha njia itakayotumika.
Wanajeshi na polisi watajipanga njiani - pamoja na umati mkubwa wa watu.
Endelea kuwa nasi tunapokufahamisha kuhusu safari ya Malkia katika tukio hili muhimu.
Msafara mwingine sasa umeanza - tunatarajia kitu kikubwa zaidi kuliko gwaride lililoonekana hapo awali.
Kutakuwa na vikundi saba, kila kimoja kikijumuisha wanajeshi.
Wakati huu, Malkia Camilla, na Catherine, Mwanamfalme wa Wales, watafuata kwa gari moja kwa moja nyuma ya Mfalme na washiriki wengine wakuu, ambao watatembea tena nyuma ya jeneza.
Gari la pili litamchukua Meghan, Duchess wa Sussex, na Sophie, Countess wa Wessex.
Huku wanaojumuisha Polisi la Kifalme la Canada wanaongoza maandamano mbele kabisa.
Jeneza la Malkia limezungukwa tena na wabebaji na walinzi.
Wakati huo huo, viongozi wa dunia wanaelekea kwenye tafrija iliyoandaliwa na Waziri wa Mambo ya Nje James Cleverly.
Watu nje ya abbey wamekuwa wakifuatilia ibada ya mazishi.
Msimamizi wa Kundi la Makanisa Huru Helen Cameron anasifu ''kujitolea kwa wajibu'' kwa Malkia na ''huruma yake kwa raia wake’’.
Kiongozi wa Kanisa Katoliki la Roma nchini Uingereza na Wales, Kadinali Vincent Nichols, anatoa shukrani kwa ''miunganisho mingi ya umoja na kusaidiana alikoendeleza’’.
Askofu Mkuu wa York Stephen Cottrell anatoa shukrani kwa ''kujitolea bila kuyumba kwa Malkia kwa Injili’’.
Msururu wa viongozi wa kanisa sasa wanasali katika ibada.
Kiongozi mkuu wa Kanisa la Scotland, Msimamizi wa Mkutano Mkuu wa Iain Greenshields, anaanza, akitoa shukrani kwa ''maisha marefu na utawala’’ wa Malkia na ‘’zawadi zake za hekima, bidii na huduma’’.
Justin Welby anazungumza juu ya wito wa Kibiblia wa kutumikia badala ya kuhudumiwa.
‘’Watu wa huduma ya upendo ni wachache katika nyanja yoyote ya maisha. Viongozi wa huduma ya upendo bado ni wachache,’’ anasema.
‘’Lakini katika hali zote wale wanaohudumu watapendwa na kukumbukwa wakati wale wanaongangania mamlaka na mapendeleo wanasahauliwa.’’
Anaendelea kwa kusema ‘’alikuwa mwenye furaha, alikuwepo kwa wengi, akigusa maisha ya wengi.’’
‘’Tunaomba hasa kwa ajili ya familia yake yote, kuomboleza kama kila familia kwenye mazishi - ikiwa ni pamoja na familia nyingi duniani kote ambazo zimepoteza mtu hivi karibuni - lakini katika kesi ya familia hii kufanya hivyo ni katika kuangaziwa’’.
Anaakisi taarifa ya Malkia wakati wa virusi vya corona ambayo ilimalizika na maneno ya wimbo maarufu wa Vera Lynn: ‘’Tutakutana tena.’’
Askofu Mkuu wa Canterbury anamalizia mahubiri yake kwa kusema ‘’sote tunaweza kushiriki tumaini la Malkia ambalo katika maisha na kifo lilihamasisha uongozi wake wa utumishi’’.
‘’Huduma katika maisha, matumaini katika kifo.
‘’Wote wanaofuata mfano wa Malkia, na msukumo wa imani na imani kwa Mungu, wanaweza kusema naye: ‘’Tutakutana tena.’’
Askofu Mkuu wa Canterbury, Justin Welby, ameanza mahubiri yake.
“Mfano wa viongozi wengi ni kuinuliwa kimaisha na kusahaulika baada ya kifo,” anasema.
“Mfano kwa wote wanaomtumikia Mungu - maarufu au wasiojulikana, wanaoheshimiwa au kupuuzwa - ni kwamba kifo ni mlango wa utukufu”.
Anaendelea: “Marehemu Malkia alitangaza katika sherehe yake ya kuzaliwa ya miaka 21 kwamba maisha yake yote atajitolea kulitumikia taifa na Jumuiya ya Madola.
"Ni mara chache sana ahadi kama hiyo imetekelezwa vizuri."
Viongozi wachache wamepokea kumiminiwa kwa upendo ambao sisi tumeona tangu kifo cha Malkia, anaongeza.
"Mfano wa marehemu Mkuu hakuwekwa kwa nafasi yake au matarajio yake bali ni nani alifuata.
"Najua Malkia anashiriki imani sawa katika Yesu Kristo kama mama yake.’’
Kiongozi wa Westminster, David Hoyle, anaongoza mazishi.
Lakini ni Askofu Mkuu wa Canterbury, Justin Welby, ambaye atatoa mahubiri na pongezi - wakati wa sherehe Malkia amekabidhiwa kwa Mungu.
Maombi yatatoka kwa Askofu Mkuu wa York, Kardinali Askofu Mkuu wa Westminster, Msimamizi wa Mkutano Mkuu wa Kanisa la Scotland na Msimamizi wa Makanisa Huru.
Waziri Mkuu Liz Truss na Katibu Mkuu wa Jumuiya ya Madola Patricia Scotland wamepangwa kutoa masomo ya leo - kutoka kwa maandiko.
Na itakuwa kwa kiongozi wa Westminster kutamka baraka.
Pia unaweza kusoma:
Vikosi vya Ukraine vinasema kuwa vimedhibiti tena ukingo wa mashariki wa Mto Oskil, unaoonekana kuwa eneo la vita na wanajeshi wa Urusi kaskazini-mashariki mwa Ukraine.
Jeshi la Urusi limekaribia kuondolewa kabisa katika eneo la Kharkiv na kiongozi wa eneo hilo alisema walengwa wafuatao watakuwa jirani ya Luhansk.
Rais Volodymyr Zelensky alisema mashambulizi yanayofuata yalikuwa yanapangwa.
Wakati huo huo, Urusi ilishutumiwa kulenga kinu cha nyuklia kusini.
Mwendesha mtambo wa nyuklia wa Ukraine Enerhoatom alisema roketi ilitua mita 300 (1,000ft) kutoka kwa vinu vya nyuklia kwenye kinu cha pili kwa ukubwa nchini humo katika mkoa wa Mykolayiv, na kuharibu majengo na kuzima sehemu ya kituo cha umeme kwenye uwanja huo.
Shambulio hilo halijathibitishwa kivyake, ingawa kampuni ilichapisha picha za mlipuko karibu na tovuti.
Kiwanda kikubwa zaidi cha nyuklia cha Ukraine - na Ulaya - huko Zaporizhzhia kimekuwa kikiwaka moto mara kwa mara tangu kilipokaliwa na majeshi ya Urusi mwanzoni mwa vita na Umoja wa Mataifa umetoa wito wa eneo hilo kutambuliwa kuwa salama ili kukilinda.
Soma zaidi:
Mathias Pogba amezuiliwa na kuwekwa chini ya uchunguzi rasmi kuhusiana na njama ya kutaka kumnyanganya pesa kaka yake, mchezaji wa kimataifa wa Ufaransa Paul.
Watu wengine wanne pia wamewekwa chini ya uchunguzi rasmi juu ya madai hayo na shirika la uhalifu, vyanzo vya mahakama viliambia mashirika ya habari ya Reuters na Agence France-Presse.
Wakili wa Mathias Pogba, Yassine Bouzrou, alisema mteja wake hana hatia.
Aliliambia shirika la utangazaji la Ufaransa BFMTV: ‘’Tutapinga uamuzi huu.’’
Mathias Pogba, 32, amekiri kuwa alikuwa nyuma ya video ambayo ilionekana mtandaoni mwezi uliopita ikiahidi ‘’ufichuzi’’ kuhusu kiungo huyo wa kati wa Juventus mwenye umri wa miaka 29.
Waendesha mashtaka wa Ufaransa walifungua uchunguzi wa kimahakama mapema mwezi huu baada ya mchezaji wa zamani wa Manchester United Paul kusema alikuwa analengwa na unyanganyi na vitisho kutoka kwa genge lililopangwa.
Aliwasilisha malalamishi kwa waendesha mashitaka wa Turin mnamo tarehe 16 Julai akidai alikuwa mlengwa wa njama ya ulaghai ya euro 13m (£11.29m).
Mshindi wa Kombe la Dunia akiwa na Ufaransa mwaka 2018, Pogba alihamia Juventus kwa uhamisho wa bure msimu huu baada ya kuondoka Manchester United.
Mathias Pogba pia ni mchezaji wa kulipwa ambaye amewahi kuchezea Guinea na alichezea vilabu kote Ulaya vikiwemo Crewe, Wrexham, Crawley na Partick Thistle.
Soma zaidi:
Brazil inasema kuwa inapiga marufuku uuzaji wa iPhones ambazo hazijumuishi adapta ya umeme.
Katika taarifa siku ya Jumanne, Wizara ya Sheria na Usalama wa Umma ya Brazili ilisema imeitoza faini kampuni ya Apple faini ya reais milioni 12.275 (£2.04m).
Shirika la wateja la Brazil Senacon lilisema uamuzi wa Apple wa kutojumuisha adapta za umeme na iPhone mpya unawabagua watumiaji kwa kuuza ‘’bidhaa isiyokamilika’’.
Kampuni hiyo iliiambia Reuters katika taarifa kwamba itafanya kazi na mamlaka ya Brazil ‘’kusuluhisha wasiwasi wao,’’ lakini ikaongeza kuwa hapo awali ilishinda maamuzi kadhaa ya mahakama nchini Brazil kuhusu suala hilo.
‘’Tuna uhakika kwamba wateja wetu wanafahamu chaguzi mbalimbali za kuchaji na kuunganisha vifaa vyao,’’ Apple ilisema.
Faini na kupiga marufuku uuzaji wa iPhones bila adapta za umeme za USB zilitangazwa siku moja kabla ya Apple kuonyesha bidhaa zao za iPhone 14, 14 Pro na Apple Watch Ultra.
Shirika la ulinzi wa watumiaji la São Paulo liliitoza Apple faini ya £2m mwaka jana, ikisema uuzaji wa iPhone 12 na kila modeli tangu wakati huo, unakiuka sheria za watumiaji kwa sababu hazija na chaja.
Soma zaidi:
Mwanamfalme wa Saudi Arabia Mohammed Bin Salman hatarajiwi tena kuhudhuria mazishi ya Malkia, chanzo cha Ofisi ya Mambo ya Nje ya Uingereza kimesema.
Chanzo hicho kilichonukuliwa na Reuters, kilisema mabadiliko hayo yalifanywa na Wasaudi.
Mashirika ya kutetea haki za binadamu yamekosoa uamuzi wa kumualika Mwanamfalme, ambaye ndiye mtawala mkuu wa Saudi Arabia.
Mwanamfalme huyo anayejulikana kwa jina la ‘’MBS’’, ameshutumiwa na idara za kijasusi za nchi za Magharibi kwa kuamuru kuuawa kwa mwandishi wa habari wa Saudi Jamal Khashoggi mnamo 2018. Hata hivyo, anakanusha shtaka hilo.
Lakini ameonekana kama mtu wa kawaida katika nchi za Magharibi na hajawahi kwenda Uingereza tangu mauaji ndani ya Ubalozi mdogo wa Saudia mjini Istanbul, mwandishi wa usalama wa BBC Frank Gardner anasema.
Vyanzo vilivyo karibu na Ubalozi wa Saudia vilithibitisha hapo awali kwamba Mwanamfalme huyo angezuru London wikendi hii.
Lakini Turki al-Faisal, mfalme mwingine mwandamizi wa Saudi, anatarajiwa kuhudhuria mazishi badala yake, chanzo cha Ofisi ya Mambo ya Nje kilisema.
Mashirika ya haki za binadamu yalisema mwaliko huo kwa Mohammed Bin Salman uliwakilisha kuficha rekodi mbaya ya haki za binadamu ya Saudia.
Mwaliko kwa Uchina pia ulisababisha utata, kwa sababu ya jinsi ilivyochukulia Waislamu wa Uyghurs huko Xinjiang.
Soma zaidi:
Mmoja wa waimbaji maarufu wa Urusi, Alla Pugacheva, ametoa wito kwa mamlaka ya Urusi kumtangaza ‘’wakala wa kigeni ‘’, kwa mshikamano na mumewe anayepinga vita sana Maxim Galkin.
Nyota wa showbiz pia, aliitwa ‘’wakala wa kigeni’’ siku ya Ijumaa baada ya kulaani mashambulizi ya Urusi dhidi ya Ukraine.
Kwenye mtandao wa kijamii Pugacheva alimwita mumewe ‘’mzalendo wa kweli wa Urusi asiyelaghaiwa, ambaye anataka ... kumaliza tabia ya vijana wetu kufa kwa malengo ya uwongo’’.
Amekuwa nyota mkubwa kwa miongo kadhaa.
Alisema ‘’malengo ya uwongo’’ ya Kremlin huko Ukraine ‘’yanafanya nchi yetu kuwa isiyopendeza na maisha ya raia wetu kuwa magumu sana’’.
Galkin, mcheshi, mtangazaji wa TV na mwimbaji, alitaka ‘’mafanikio kwa nchi yake, amani na uhuru wa kujieleza’’, aliongeza.
Soma zaidi:
Afisa mkuu wa afya wa China amewaonya wenyeji dhidi ya kuwagusa wageni, siku moja baada ya China kurekodi maambukizi yake ya kwanza ya homa ya nyani.
Katika chapisho kwenye mtandao wa Weibo, mtaalam mkuu wa magonjwa katika Kituo cha Kudhibiti na Kuzuia Magonjwa cha China (CDC) Wu Zunyou alishauri dhidi ya "kugusana ngozi kwa ngozi na wageni".
Chapisho hilo lilizua utata, na wengine wakitaja kama ubaguzi wa rangi.
Sehemu ya Maoni kwenye chapisho asili tangu wakati huo imezimwa kwenye jukwaa.
"Ili kuzuia uwezekano wa maambukizo ya homa ya nyani kama sehemu ya maisha yetu ya afya, inashauriwa 1) usigusane moja kwa moja na wageni kwa ngozi," alisema Bw Wu kwenye ukurasa wake wa Weibo Jumamosi.
Aidha, Bw Wu pia alitoa wito kwa wenyeji kuepuka kugusana ngozi kwa ngozi na wasafiri wa hivi majuzi ambao walikuwa wamerejea kutoka nje ya nchi katika muda wa wiki tatu zilizopita, na pamoja na wageni.
Alichapisha maoni hayo siku moja baada ya mji wa kusini-magharibi wa Chongqing kuripoti kisa cha kwanza cha homa ya nyani kutoka kwa mtu aliyewasili kutoka nje ya nchi. Haijabainika ikiwa mtu huyo alikuwa raia wa China au mgeni.
Chapisho hilo, ambalo lilisambazwa sana kwenye mitandao ya kijamii mwishoni mwa juma, liliibua maoni muhimu sana.
"Huu ni ubaguzi wa rangi kiasi gani? Vipi kuhusu wale kama mimi ambao wamekuwa wakiishi China kwa karibu miaka kumi? Hatujaona familia zetu kwa miaka 3-4 kutokana na mipaka kufungwa," aliandika mtumiaji kwenye mtandao wa Weibo, ambaye. alionekana kuwa mgeni.
Uchina imeweka baadhi ya hatua kali zaidi za Covid ulimwenguni tangu kuanza kwa janga hilo, ambazo zimejumuisha kufungwa kwa haraka, kufungwa kwa mipaka, upimaji wa lazima na vizuizi vya kusafiri.
Virusi vya homa ya nyani ambavyo huambukizwa kwa kuwasiliana kwa karibu na watu walioambukizwa, wanyama au vitu vilivyoambukizwa, kwa kawaida husababisha dalili kama vile homa, maumivu ya kichwa na vipele.
Kumekuwa na kesi zaidi ya 60,000 zilizothibitishwa na baadhi ya nchi zisizo za ugonjwa zimeripoti vifo vyao vya kwanza vinavyohusiana na homa hiyo.
Soma zaidi:
Ethan Nwaneri mwenye umri wa miaka 15 amekua mchezaji mwenye umri mdogo zaidi katika historia ya ligi ya Uingereza kwenye mchezo wa ushindi wa 3-0 wa Arsenal dhidi ya Brentford.
Kiungo mshambuliaji wa Uingereza, ambaye alizaliwa Machi 2007, alichukua nafasi ya Fabio Vieira kwa washika mitutu wa London dakika za lala salama kwenye Uwanja wa Brentford Community.
Akiwa na umri wa miaka 15 na siku 181, Nwaneri alishinda rekodi iliyokuwa ikishikiliwa na Harvey Elliott.
Kiungo wa kati wa Liverpool Elliott alikuwa na umri wa miaka 16 na siku 30 alipoichezea Fulham mnamo 2019.
Nwaneri alichukua nafasi ya Vieira, ambaye alikuwa amefunga bao la tatu, baada ya dakika 91 na sekunde mbili. Alihusika kwa dakika tatu na sekunde 42 kabla ya mchezo kumalizika baada ya dakika 94 na sekunde 44.
Ndiye mchezaji wa kwanza chini ya umri wa miaka 16 kucheza kwenye Premier League.
"Tuna nafasi ya kuleta wachezaji wachanga," alisema meneja wa Arsenal Mikel Arteta kabla ya mchezo.
"Sisi tuna upungufu sana na fursa huja wakati masuala yanapotokea."
Nwaneri amecheza mechi kadhaa akiwa na wachezaji wa chini ya miaka 18 wa Arsenal na aliichezea England timu ya chini ya miaka-16 alipokuwa na umri wa miaka 14.
Nwaneri ni nani?
Nwaneri alizaliwa tarehe 21 Machi 2007 punde tu baada ya Uwanja wa Emirates, uwanja wa nyumbani ambao Arsenal walihamia baada ya kuondoka Highbury, ulifunguliwa mwaka 2006.Amevutia haraka wakati akiwa na The Gunners.Akiwa na umri wa miaka 14, aliweka alama yake ya kwanza kwa vijana wa chini ya miaka 18 kwa bao dhidi ya Reading na kufuatiwa na maonyesho kadhaa ya kuvutia macho.
Alitarajiwa kutumia msimu huu na Vijana wa U-18 lakini alipandishwa haraka hadi Vijana wa U-21.Mnamo tarehe 8 Agosti, alifunga katika ushindi wa 3-0 baada ya kuingia kama mbadala wa England katika mchezo wa Vijana wa U-17 dhidi ya Visiwa vya Faroe.
Majeraha ya nahodha Martin Odegaard na Oleksandr Zinchenko yalimfanya Arteta akose nafasi ya kiungo dhidi ya Brentford."Ilikuwa hisia safi," aliongeza kocha wa Arsenal alipoulizwa kuhusu wakati alipoamua kumtuma Nwaneri.
Mashabiki wa Arsenal sasa watakuwa na matumaini kwamba anaweza kuendeleza maendeleo yake na kufuata mastaa kama Emile Smith Rowe na Bukayo Saka ili kuwa nyota mchanga katika klabu hiyo.
Soma zaidi:
Baada ya siku kadhaa za kuaga, mwili wa marehemu Malkia Elizabeth II utaanza safari yake ya mwisho baada ya saa chache kama sehemu ya mazishi makubwa ya serikali.
Mwili utasafirishwa kwanza hadi Westminster Abbey kwa ibada ya kidini mbele ya maelfu ya watu, na kisha kuelekea kasri la Windsor kwa ibada ya ki familia na watu wa karibu zaidi, hatimaye, maziko ya kibinafsi.
Itakuwa siku ya hisia mbalimbali ikiwemo huzuni kubwa, Hali ambayo haijashuhudiwa tangu mazishi ya mwisho ya kitaifa, yale ya Winston Churchill, karibu miaka 60 iliyopita.
Umbali mfupi, kutoka Westminster Abbey, milango itafunguliwa kwa wageni kuanza kuwasili kabla ya ibada ya kidini mapema leo.
Wakuu wa nchi kutoka kote ulimwenguni wamekuwa wakiwasili kuungana na washiriki wa familia ya Kifalme kukumbuka maisha na huduma ya Malkia.
Wanasiasa wakuu wa Uingereza na mawaziri wakuu wa zamani pia watakuwepo.
Wanachama wa familia za kifalme kutoka kote Ulaya, ambao wengi wao walikuwa ndugu wa damu wa Malkia wanatarajiwa - Mfalme Philippe wa Ubelgiji na Malkia Mathilde na Mfalme Felipe wa Uhispania na Malkia Letizia watakuwa huko.Pia viongozi mbalimbali kutoka Afrika tayari wamewasili.