Faransiiska oo wajahaya hubanti la'aan siyaasadeed kadib markii doorashadii baarlamaanka aaney cidna helin aqlabiyad

Dagaalka ayaa waxaa ku dhintay tiro badan oo ah miliiishiyaadkii iska soo horjeeday

Tebin toos ah

Saacad ka horTrump oo sheegay in iraan aan heshiis looga baahnayn
“Iiraan heshiis loogama baahno, maya,” ayuu Trump ku jawaabay su’aal saxaafadeed oo lagu weydiiyay xilli uu ak hadlayay xafiiskiisa Oval.
Trump wuxuu sheegay in Maraykanku ka bixi doono Iiraan marka la hubiyo in nidaamku “sanado badan” uusan dhisi karin hub nukliyeer.
“awoodi mayaan inay hub nukliyeer yeeshaan.”
Wuxuu sheegay in heshiisku “aan muhiim ahayn” marka uu Maraykanku ka baxayo Iiraan.
Kadib, Trump waxaa la weydiiyay hanjabaadihii dhawaan ee Iiraan ku wajahay shirkadaha tiknoolajiyadda ee Maraykanka, taasoo uu iska indha tiray. Wuxuu su’aal geliyay waxa Iiraan samayn karto, isagoo yiri ma isticmaali doonaan “qoriga bb-ga”?
Saacad ka horTrump oo ka hadlay waqtiga dagaalka Iiraan la soo afjarayo
Trump ayaa soo jeediyay in Maraykanku uu ka “bixi doono” Iiraan muddo “laba ama saddex toddobaad” gudahood.
Wuxuu sheegay inuu lahaa “hal ujeeddo” – in Iiraan aysan haysan hub nukliyeer, wuxuuna yiri taas waa la gaaray.
“Waxaan dhameynaynaa shaqada,” ayuu yiri, isagoo intaa ku daray in Maraykanku ka bixi doono “laba toddobaad gudahood, ama dhowr maalmood dheeri ah si shaqada loo dhammeeyo.”
“Waxaan rabnaa inaan burburino wax kasta oo ay haystaan – hadda waa suuragal inaan heshiis gaarno ka hor intaas.”
Wuxuu sidoo kale sheegay inay suurtagal tahay in heshiis la gaaro, balse “ma aha muhiim” haddii ay “imaadaan miiska…”
Saacad ka horTrump: “Wax kaliya oo aan u baahanahay waa inaan ka baxno Iiraan
Trump ayaa ka hadlay dhowr mowduuc mar uu daqiiqado ka hor ka hadlayay xafiiska Oval Office, waxaana saxaafaddu weydiisay su’aal ku saabsan kororka qiimaha gaaska gudaha Maraykanka iyo qorshihiisa uu ku dhimi lahaa.
“Wax kaliya oo aan u baahanahay waa inaan ka baxno Iiraan oo taas ayaan dhowaan samayn doonnaa,” ayuu yiri Trump. “Waxaan aad u dhow nahay inaan ka baxno.”
Trump wuxuu sheegay in isbeddelka maamulka uu ka dhacay Iiraan, isagoo sheegay in hoggaamiyeyaasha cusub ee Iiraan ay “yar yihiin kuwa xagjirka ah” isla markaana ay yihiin kuwo “macquul ah”.
Wuxuu intaa ku daray haddii France ama dal kale uu rabo shidaal, ay mari karaan Strait of Hormuz oo ay “naftooda iska xil saaraan.” Wuxuu sheegay in Maraykanku aysan wax lug ah ku lahayn arrintaas.
2 Saacadood ka horTaliyaaniga oo horey saldhigydaiisa ugu diiday Mareykanka oo war cusub soo saaray
Maanta galinkii hore, waxaa la sheegay in Talyaanigu uu diiday codsi ka yimid Maraykanka oo ahaa in la isticmaalo saldhigga diyaaradaha ee Sigonella ee Sicily dhowr maalmood ka hor, taasoo muujinaysa sida Rome uga taxadarto ka qaybgalka howlgalada milatari ee Bariga Dhexe.
Kadib wararkaasi, dowladda Talyaaniga ayaa hadda sheegtay bayaan ay ku leedahay in “dhammaan codsiyada isticmaalka saldhigyadeeda milatari lagu qiimeeyn doono mid mid, iyadoo si buuxda loo raacayo heshiisyada caalamiga ah ee jira iyo talooyinka baarlamaanka.”
Waxaa sidoo kale bayaanka lagu sheegay in aysan wax xiisad ah ka dhex jirin la-hawlgalayaasha caalamiga ah, iyadoo xiriirka ay la leedahay Maraykanka ku tilmaantay “mid xooggan oo ku saleysan iskaashi buuxa oo wax ku ool ah,” isla markaana xaqiijisay in ay sii wadi doonto dhaqanka ku saleysan heshiisyada hadda jira iyadoo ilaalinaysa danaha qaranka.
2 Saacadood ka horHadal uu jeediyay madaxwaynaha Iran ayaa kor u qaadaya suuqyada Maraykanka
Hadalka uu dhawaan sheegay madaxweynaha Iran Masoud Pezeshkian ee ah in Iran ay leedahay "rabitaanka lagama maarmaanka ah" si ay u aragto inuu dagaalka soo afjarmo ayaa kor u qaaday suuqyada maaliyadeed ee Maraykanka.
Si kastaba ha ahaatee, jagada madaxweynaha ee Iiraan waa mid hoose oo ka tirsan nidaam muddo dheer ay maamulayeen culimada adag, waxaana sheegashada ah in ay jirto “irada” lagu soo afjari karo dagaalka ay la socotay shuruudo adag, gaar ahaan in la helo damaanad qaadyo ka hortagaya in colaadda ay dib u soo noqoto.
2 Saacadood ka horMadaxwaynaha Iiraan o ka hadlay waxa ay doonayaan si dagaalka loo joojiyo
Madaxweynaha Iiraan, Masoud Pezeshkian, ayaa sheegay in Iiraan ay leedahay “Shuruudo lagama maarmaanka ah” si loo soo afjaro dagaalka lala leeyahay Maraykanka iyo Israel, haddii shuruudo gaar ah la buuxiyo.
Hadalladan ayaa ka soo baxay wicitaan telefoon oo dhexmaray Pezeshkian iyo Madaxweynaha Guddiga Yurub, Antonio Costa, sida uu sheegay wakaaladda wararka ee dowliga ah ee Iiraan, IRNA.
Shuruudahaasi, ayuu Pezeshkian sheegay, waxaa ka mid ah “damaanad qaadyo khasab ah” oo looga hortago in mar kale ay dhacdo weerar mustaqbalka.
“Xilligan ma doonaynay xiisad ama dagaal midna,” ayuu yiri, isagoo intaa ku daray, “xalka lagu hagaajinayo xaaladda waa joojinta weerarradooda gardarada ah.”
Warar dheeraad ah
Wax ka ogow shanta marin ee ugu muhiimsan ganacsiga caalamiga ah
Xadgudubyada galmada waxay ka mid yihiin 'nolol maalmeedka' qaybo ka mid ah Suudaan
Dal Yurub ku yaalla oo hawadiisa u diiday dayaaradaha Maraykanka ee qaybta ka ah dagaalka Iiraan
3 Saacadood ka horFaahfaahin ka soo baxday weerar cuslaa oo lagu qaaday xarunta Niyukleerka Isfahan ee Iran
Qaar ka mid ah qaraxyadii ka dhacay meel u dhow Isfahan ee bartamaha Iiraan xalay ayaa ahaa kuwo aad u waaweyn oo xitaa laga arkayay sawirrada dayax-gacmeedka cimilada, kuwaas oo ogaan kara isbeddel degdeg ah oo ku yimaada heerka iftiinka meelaha ballaaran.
Qaybta xaqiijinta ee BBC ayaa falanqaysay sawirro laga helay Meteosat-12, kuwaas oo muujinaya daruuraha dul sabbaynaya magaalada bartamaha Iiraan ka hor inta uusan iftiin cad soo muuqan.
Sawirrada taxanaha ah waxay muujinayaan iftiinka saacadaha 22:30 iyo 22:40 waqtiga maxalliga ah, taasoo muujinaysa inay jireen dab ama qaraxyo isdaba joog ah oo socday ugu yaraan 10 daqiiqo.
Inkastoo iftiinka laftiisu u muuqdo mid yar, haddana dabka ama qiiqa sababay waa inuu ahaa mid aad u weyn si uu uga muuqdo sawirrada dayax-gacmeedka.
Nooca sawirka ee ugu dhow ee laga helay Meteosat-12,ayaa daboolaya qiyaastii 1 kiiloomitir oo laba jibbaaran.
3 Saacadood ka horMadaxweynaha Suuriya ayaa sheegay in waddanku uusan ku biiri doonin dagaalka haddii aan la bartilmaameedsan
Madaxweynaha Suuriya, Axmed al-Sharaa, ayaa sheegay in Suuriya ay go’aansatay inay dhexdhexaad ka ahaato dagaalka lala jiro Iiraan, ilaa ay si toos ah u noqoto bartilmaameed.
Isagoo ka hadlayay kulan ka dhacay xarunta cilmi-baarista ee Chatham House ee London, madaxweynuhu wuxuu sheegay in faragelintii Iiraan ee Suuriya ay ka caawisay nidaamkii hore ee Bashar al-Assad inuu barakiciyo shacabka Suuriya.
“Wax dhibaato ah nagama hayno Iiraan ee Tehran,” ayuu yiri, “laakiin waxaan dhibaato ku qabnaa Iiraan ee Dimishiq (Damascus).”
Wuxuu intaa ku daray inaysan jirin wax xiriir ah oo dhex maray labada dal tan iyo markii dagaalku billowday, isla markaana aysan jirin xiriir diblomaasiyadeed oo u dhexeeya.
Al-Sharaa wuxuu sheegay in Suuriya ay doorbideyso xal wada-xaajood ah oo lala gaaro Iiraan, halkii ay ka sii socon lahayd colaadda, isla markaana ay ka fogaan doonto in lagu jiido dagaalka.
Wuxuu qirtay in xaaladda gobolka ay aad u kacsan tahay, isla markaana ay “suurtagal tahay” in Suuriya la beegsado.
“Uma diyaarsanin dagaal kale,” ayuu yiri, isagoo intaa ku daray in mudnaanta dowladdiisu ay tahay dib-u-dhiska iyo horumarinta Suuriya, iyo sidoo kale soo dhoweynta qaxootiga Suuriya ee dib u soo laabanaya.
4 Saacadood ka horDadka magaalada Tel Aviv oo ka sheekeeyay sida ay noolashoosa isu badashay
Dadka deggan Tel Aviv ayaa u sheegay BBC inay si joogto ah ugu qasbanaadeen inay galaan goobta gabaadka ah ee gantaalada looga gabado, iyadoo Iiraan ay sii waddo inay gantaallo ku riddo Israel.
Shimon Rosen ayaa sheegay inuu ku cararay goobta gabaadka ee weerarada lagaga dhuunto in ka badan 100 jeer bishan.
Qaybo ka mid ah burburka gantaal la qabtay ayaa ku dhacay saqafka dhismaha deriska la ah dhowr maalmood ka hor.
“Dabaqa ugu sarreeya gebi ahaanba wuu dumay,” ayuu yiri. “Markaan daaqadda ka eego, waxaan arkayaa darbi oo la qarxiyay.”
“Laakiin dadku wali waxay aadaan xeebaha, baararka iyo xafladaha,” ayuu intaa ku daray.
Hal bil oo ay digniinada gambaleelada socdeen habeenkii carruurtooda ka toosiyeen ayaa waalidiin badan “si weyn u daaliyay,” ayay tiri haweeney aan rabin in magaceeda la sheego.
Waxay sheegtay inay dhawaan isku aragtay meel baabuurta la dhigto oo hoos dhulka ah oo ku taal xarun ganacsi, intii lagu jiray digniin gantaal, halkaas oo ay aragtay teendhooyin la dhigtay.
Dad badan ayaa halkaas ku seexanaya habeen kasta si aysan mar kasta uga kicin marka alaarmigu dhawaaqo, ayay tiri.
Laakiin intii lagu jiray mid ka mid ah digniinaha badan ee gantaallada ee dhowaan dhacay, waxay dhoolla-caddaysay markii ay hoyga qaraxyada kula kulantay haweeney timaha ku duuban warqado silver ah, maadaama alaarmigu uu ka dhex galay ballan ay u tagtay salon si ay timaha u midabayso.
4 Saacadood ka horMaraykanka iyo Iran oo fariimo is dhaafsanaya
Wasiirka arrimaha dibadda ee Iiraan, Abbas Araghchi, ayaa u sheegay warbaahinta Al Jazeera in waxa hadda socda aysan ahayn “wadahadallo rasmi ah,” balse ay yihiin “is-weydaarsi fariimo si toos ah ama iyada oo loo marayo” saaxiibbada Iiraan ee gobolka.
Araghchi wuxuu sheegay inuu fariimo ka helo ergayga gaarka ah ee Maraykanka u qaabilsan Bariga Dhexe, Steve Witkoff, “si toos ah sidii hore,” balse taasi aysan ka dhignayn in wadahadallo ay socdaan.
Sidoo kale, Araghchi wuxuu sheegay in Iiraan aysan weli ka jawaabin qorshaha 15-qodob ee uu Maraykanku soo jeediyay. Tani waxay imanaysaa inkastoo war ay daabacday wakaaladda wararka Tasnim News Agency—oo xiriir la leh Ilaalada Kacaanka ee Iiraan—ay 26-kii Maarso ku sheegtay, iyadoo soo xiganaysa “ilo xog-ogaal ah,” in Iiraan ay jawaab ka bixisay qorshaha iyada oo soo bandhigtay shuruudo u gaar ah.
Araghchi wuxuu sheegay in “shuruudaha Iiraan ee lagu joojinayo dagaalka ay cad yihiin,” isagoo adkeeyay in Iiraan ay rabto in la hubiyo inaysan mar kale dhicin weerarro, isla markaana ay hesho magdhow ku saabsan khasaaraha ka dhashay colaadda.
Wuxuu sidoo kale sheegay in Iiraan aysan aqbali doonin oo keliya xabbad-joojin, balse ay rabto “in dagaalka si buuxda loo soo afjaro, ma aha oo keliya gudaha Iiraan balse guud ahaan gobolka.”
5 Saacadood ka horIran oo sheegtay in mid ka mid ah shirkadaha ugu waaweyn ee dawooyinka la 'burburay'
Garabka maalgashiga ee Hay’adda Caymiska Bulshada ee Iiraan (SHASTA), oo bixisa adeegyada caafimaadka iyo gunnooyinka hawlgabka, ayaa bayaan ku sheegtay in mid ka mid ah warshadaha ugu waaweyn ee dawooyinka dalka “la burburiyay, isla markaana khadka wax-soo-saarkiisa uu waxyeelo soo gaartay.”
Bayaan ay soo saareen, oo lagu daabacay warbaahinta Iiraan, SHASTA waxay arrintan ku tilmaantay “fal arxan darro ah oo uu geystay cadowgu,” waxayna sheegtay in “si cad loo bartilmaameedsanayo nolosha iyo caafimaadka shacabka Iiraan.”
Wasiirka arrimaha dibadda ee Iiraan Abbas Araghchi ayaa ku eedeeyay Israel inay “si furan oo aan xishood lahayn u duqeynayso shirkadaha dawooyinka,” wuxuuna sheegay in ciidamada qalabka sida ee Iiraan ay “si adag u ciqaabi doonaan kuwa weerarka geysta,” isagoo qoraal ku daabacay baraha bulshada X.
Warbaahinta Iiraan iyo wasiirkii hore ee arrimaha dibadda Javad Zarif ayaa magacaabay shirkadda la beegsaday inay tahay Tofigh Daru Research and Engineering Company.
Shirkaddan waa xubin ka tirsan SHASTA, waxayna ku taallaa meel ay Ciidamada Difaaca Israel (IDF) hore uga soo saareen digniin daadgureyn ah oo ku qoran luqadda Faaris ee akoonkooda X.
Ciidamada Israel (IDF) ayaa sheegay inay “wali hubinayaan” sheegashada Iiraan ee ah in la weeraray shirkaddan.
Warar dheeraad ah
Wax ka ogow shanta marin ee ugu muhiimsan ganacsiga caalamiga ah
Xadgudubyada galmada waxay ka mid yihiin 'nolol maalmeedka' qaybo ka mid ah Suudaan
Dal Yurub ku yaalla oo hawadiisa u diiday dayaaradaha Maraykanka ee qaybta ka ah dagaalka Iiraan
5 Saacadood ka horDalalka Yurub oo baaq u diray Israa'iil
Wasiirrada arrimaha dibadda ee 10 dal oo Yurub ah ayaa soo saaray bayaan wadajir ah oo ay ku dalbanayaan in Israel ay ka fogaato inay sii “ballaariso colaadda Lubnaan, iyagoo ka codsaday inay ixtiraamto “midnimada dhuleed” ee dalkaas.
Bayaanku wuxuu cambaareeyay weerarrada Hezbollah ee ka dhanka ah Israel oo lagu taageerayo Iiraan, wuxuuna sheegay inuu taageerayo isla markaana dhiirrigelinayo dowladda Lubnaan inay “soo celiso madaxbannaanideeda” guud ahaan dalka.
Waxa kale oo uu ku baaqay “wadahadal siyaasadeed oo toos ah” oo dhex mara Lubnaan iyo Israel, iyagoo sheegay in dhammaan dhinacyadu ay “si degdeg ah u dejiyan xiisadda.”
Dalalka saxiixay bayaanka waxaa ka mid ah Belgium, Croatia, Qubrus, Fransiiska, Gariiga,Taliyaaniga, Malta, Netherlands,Burtaqiiska, UK, iyo madaxa siyaasadda arrimaha dibadda ee Midowga Yurub Kaja Kallas.
Israel ayaa dirtay ciidamo dhulka ah koonfurta Lubnaan 2-dii Maarso, sidoo kalena waxay wadday weerarro ballaaran oo dalka oo dhan ah. Waxay sheegtay inay isku dayayso inay ilaaliso bulshooyinka ka dhanka ah weerarrada Hezbollah, oo ah koox hubaysan oo ay taageerto Iiraan.
Sida ku cad heshiiskii xabbad-joojinta ee soo afjaray dagaalkii 2024, Hezbollah waxaa la rabay inay hubka dhigto oo ay ka baxdo meelaha ay ka joogto koonfurta.
Warar dheeraad ah:
Wax ka ogow shanta marin ee ugu muhiimsan ganacsiga caalamiga ah
Xadgudubyada galmada waxay ka mid yihiin 'nolol maalmeedka' qaybo ka mid ah Suudaan
Dal Yurub ku yaalla oo hawadiisa u diiday dayaaradaha Maraykanka ee qaybta ka ah dagaalka Iiraan
6 Saacadood ka horIraan oo shaacisay tallaabada ay qaadi donto haddii mar dame la beegsado hogaamiyayaashooda
Ilaalada Kacaanka ee Iiraan ayaa Talaadadii ku dhawaaqay inay bartilmaameedsan doonaan shirkado waaweyn oo tiknoolajiyadeed oo Maraykan ah sida Apple, Google, Meta iyo Tesla, haddii hoggaamiyeyaal kale oo Iiraani ah la “khaarijiyo”.
Shirkadaha la xusay waxaa ka mid ah kuwa waaweyn ee tiknoolajiyadda – iyo qaar ka mid ah shirkadaha ugu qiimaha badan adduunka – sida Microsoft, Apple, Google, Meta, Tesla, iyo Nvidia.
Ilaalada Kacaanka ayaa bayaan ku sheegay: “Laga bilaabo 8:00 fiidnimo Arbacada, 1-April, shirkadahani waa inay fishaan in laamaha ay leeyihiin la burburin doono khaarijin kasta oo ka dhacda gudaha Iiraan.”
Bayaanku wuxuu sidoo kale lagu xusay liis ka kooban 18 shirkadood oo ay sheegeen inay “ku lug leeyihiin” khaarijinta, isagoo intaa ku daray: “Waxaan kula talineynaa shaqaalaha hay’adahan inay si degdeg ah uga baxaan goobahooda shaqo si ay naftooda u ilaashadaan.”
6 Saacadood ka horGoorta uu Turkiga qodista shidaalka ka bilaabayo Soomaaliya oo la shaaciyay
6 Saacadood ka horRai'sul wasaaraha canada oo si kulul uga hadlay duullaanka Israa'iil ee Lubnan
Ra’iisul Wasaaraha Kanada Mark Carney ayaa cambaareeyay waxa uu ugu yeeray “Duullaal sharci-darro ah” oo ay Israel ku soo qaaday Lubnaan. Waxa uu ka hadlayay magaalada Quebec, isagoo u sheegay wariyeyaasha: “Waa duulaan sharci-darro ah, waa duullaan lagu duulay Lubnaan, waa xadgudub ku dhan ah madaxbannaanida dhulka ay leeyihiin.”
“Aragtida ficilka ah, dowladda Lubnaan waxay mamnuucday Hezbollah, waxayna isku dayaysaa inay tallaabo ka qaaddo Hezbollah iyo hawlgalladooda argagixiso iyo khatarta ay ku hayaan Israel,” ayuu intaa ku daray. “Taasi waa sababta la sheegayo in loogu duudlay, sidaas darteed waan cambaareyneynaa.”
Arrintan ayaa imanaysa xilli Wasiirka Difaaca Israel Israel Katz uu sheegay in dalka uu sii wadi doono la wareegidda amniga qaybaha koonfureed ee Lubnaan xitaa ka dib marka dagaalka hadda socda ee ay kula jiraan Hezbollah uu dhammaado. Mas’uuliyiinta Israel ayaa sheegaya in ciidamo dhulka loo diray Lubnaan si loo ilaaliyo bulshooyinka waqooyiga Israel ee weerarada Hezbollah.
6 Saacadood ka horTirada dhimashada Lubnaan oo gaartay 1,268 – warbaahinta dowladda
Tirada dhimashada Lubnaan ayaa gaartay 1,268 tan iyo 2-dii Maarso, sida ay sheegtay Wakaaladda Wararka Qaranka ee ay dowladdu maamusho.
Iyadoo soo xiganeysa wasaaradda caafimaadka ee dalka, waxay intaas ku dartay in 3,750 kale ay ku dhaawacmeen isla muddadaas.
Israa'iil ayaa tan iyo markii uu dagaalka billowday si joogto ah duqeymo ka wadday Beyruut iyo Koonfurta Lubnaan, iyadoo sheegtay inay beegsanayso goobaha xiriirka la leh kooxda Xisbullah ee ay Iiraan taageerto.
Tan iyo markii ciidamada dhulka ay u soo dhaqaaqeen dalka, Israa'iil ayaa sheegtay in sagaal ka mid ah askarteeda lagu dilay Lubnaan.
Warar dheeraad ah:
Wax ka ogow shanta marin ee ugu muhiimsan ganacsiga caalamiga ah
Xadgudubyada galmada waxay ka mid yihiin 'nolol maalmeedka' qaybo ka mid ah Suudaan
Dal Yurub ku yaalla oo hawadiisa u diiday dayaaradaha Maraykanka ee qaybta ka ah dagaalka Iiraan
6 Saacadood ka horKu dhowaad 1,000 askari oo UK ah ayaa hadda la geeyay gobolka Khaliijka
Xoghayaha Difaaca UK John Healey, oo booqasho ku joogay Khaliijka ayaa sheegay in ku dhowaad 1,000 askari oo UK ah la geeyay gobolka - tiradaas oo ay ku jiraan kuwa loo diray Qubrus.
Healey ayaa sidoo kale ku dhawaaqday wax ku biirinta difaaca hawada dheeraadka ah ee xulafada gobolka.
Waxa uu intaa ku daray in Iran ay "ballaarisay" weerarradeeda gobolka, uuna filayo in dagaalku sii socdo "muddo toddobaadyo ah".
Intii uu ku guda jiray booqashadiisa, waddamada Khaliijku waxay ku nuuxnuuxsadeen muhiimadda ay leedahay in la furo marin biyoodka Hormuz, ayuu hadalkiisa sii raaciyay.
Isbahaysigu waxay eegeen doorashooyin kala duwan si ay u furaan marinka maraakiibta muhiimka ah, ayuu yiri, isaga oo intaa ku daray inay u baahan tahay jawaab caalami ah - oo uu ku jiro Maraykanka.
Healey ma uusan bixin waqti cayiman ama faahfaahin dheeraad ah - laakiin wuxuu sheegay in iskahorimaadka ay tahay in "la joojiyo".
Warar dheeraad ah:
Wax ka ogow shanta marin ee ugu muhiimsan ganacsiga caalamiga ah
Xadgudubyada galmada waxay ka mid yihiin 'nolol maalmeedka' qaybo ka mid ah Suudaan
Dal Yurub ku yaalla oo hawadiisa u diiday dayaaradaha Maraykanka ee qaybta ka ah dagaalka Iiraan
7 Saacadood ka horDagaalka Iiraan: Seddex cashar oo Trump uu ka baran karo taariikhda
7 Saacadood ka horMaxay ka dhigan tahay samir la'aanta ka muuqata qoraallada Trump?
Donald Trump qoraalladiisa ah in xulafada, oo ay ku jirto Britain, ay tahay inay "tagaan Marinka, oo ay iska qaataan" batroolka Iran waxaa laga yaabaa inay soo jiidato qaar ka mid ah taageerayaashiisa aadka u qayliya, balse xilli lagu jiro dagaalka aan dhammaadkiisa la arkin, taasi macno badan ma samaynayso.
Haddii aan loo qaadan in madaxweynuhu ula jeedo in bahwadaagta reer galbeedku ay gacanta ku dhigaan shidaalka Iran – iyadoo lala wareegayo maraakiibta ama qaybo ka mid ah kaabayaasha saliidda ee Iran – markaas wuxuu ku celcelinayaa dalab uu muddoba samaynayay: oo ah in la gaaray waqtigii ay waddamadu gacan ka geysan lahaayeen hawlgal wehel-u-noqosho ah oo ka dhaca Marinka Hormuz.
Dhibaatadu waxay tahay in dalal yari ay rumeysan yihiin madaxweynaha markuu leeyahay "qaybtii adkayd waa la soo afjaray". Ma jirto cid weli u diyaarsan inay caqabad ku noqoto awoodda ay Iran ku haysato marinkaas.
Xataa maraakiibta dagaalka ee Maraykanku ma samayn tan. Maaddaama uu madaxweynuhu sidoo kale sheegayo in wadahadallada Iran ay si fiican u socdaan – taas oo markale, ay jirto caddeyn yar oo loo hayo – ma jirto rabitaan ah in laga hordhaco natiijada iyadoo la fulinayo hawlgal ciidan oo khatar ah.
Codka sii kordhaya ee samir la'aanta ah ee qoraallada Donald Trump ee baraha bulshada (saaka oo uu ku weeraray Faransiiska inuu yahay "mid aad u caawinaad yar") waxay muujinaysaa inuu ogsoon yahay inuu ku jiro xaalad cakiran.
Warar dheeraad ah:
Wax ka ogow shanta marin ee ugu muhiimsan ganacsiga caalamiga ah
Xadgudubyada galmada waxay ka mid yihiin 'nolol maalmeedka' qaybo ka mid ah Suudaan
Dal Yurub ku yaalla oo hawadiisa u diiday dayaaradaha Maraykanka ee qaybta ka ah dagaalka Iiraan
8 Saacadood ka horWax ka ogow shanta marin ee ugu muhiimsan ganacsiga caalamiga ah
Dagaalka Iran ayaa hakad geliyay suuqyada tamarta iyo badeecadaha. Labadii toddobaad ee u dambeeyay, Iran waxay weerartay in ka badan 20 markab, iyadoo si hufan u xidhay marin biyoodka Hormuz, oo qayb muhiim ah ka ahaa sahaydeeda saliidda.
Madaxweynaha Mareykanka Donald Trump ayaa xulafada Yurub ku cadaadiyay inay garab siiyaan, isagoo ka digay in haddii aan la taageerin dadaallada Mareykanka uu "aad u xun yahay mustaqbalka NATO".
Iran, si kastaba ha ahaatee, waxaa ka go'an inay xannibto marin-biyoodka.
Hakadka ku yimid saadka waddamada Khaliijka ayaa sababay in qiimaha saliidda ceyriin uu sare u kaco. Dagaalka ka hor qiimihii shidaalka halkii barmiil waxa uu ahaa $70, balse bil gudaheed waxa uu kor u dhaafay $100.
Badeecooyin badan oo kala duwan, laga soo bilaabo alaabooyinka la isticmaalo iyo alaabta ceeriin ee beeraha, ayuu sidoo kale saameeyay dagaalka.
Sii akhri....

Faransiiska oo wajahaya hubanti la'aan siyaasadeed kadib markii doorashadii baarlamaanka aaney cidna helin aqlabiyad

Tebin toos ah

Saacad ka horTrump oo sheegay in iraan aan heshiis looga baahnayn

Saacad ka horTrump oo ka hadlay waqtiga dagaalka Iiraan la soo afjarayo

Saacad ka horTrump: “Wax kaliya oo aan u baahanahay waa inaan ka baxno Iiraan

2 Saacadood ka horTaliyaaniga oo horey saldhigydaiisa ugu diiday Mareykanka oo war cusub soo saaray

2 Saacadood ka horHadal uu jeediyay madaxwaynaha Iran ayaa kor u qaadaya suuqyada Maraykanka

2 Saacadood ka horMadaxwaynaha Iiraan o ka hadlay waxa ay doonayaan si dagaalka loo joojiyo

3 Saacadood ka horFaahfaahin ka soo baxday weerar cuslaa oo lagu qaaday xarunta Niyukleerka Isfahan ee Iran

3 Saacadood ka horMadaxweynaha Suuriya ayaa sheegay in waddanku uusan ku biiri doonin dagaalka haddii aan la bartilmaameedsan

4 Saacadood ka horDadka magaalada Tel Aviv oo ka sheekeeyay sida ay noolashoosa isu badashay

4 Saacadood ka horMaraykanka iyo Iran oo fariimo is dhaafsanaya

5 Saacadood ka horIran oo sheegtay in mid ka mid ah shirkadaha ugu waaweyn ee dawooyinka la 'burburay'

5 Saacadood ka horDalalka Yurub oo baaq u diray Israa'iil

6 Saacadood ka horIraan oo shaacisay tallaabada ay qaadi donto haddii mar dame la beegsado hogaamiyayaashooda

6 Saacadood ka horGoorta uu Turkiga qodista shidaalka ka bilaabayo Soomaaliya oo la shaaciyay

6 Saacadood ka horRai'sul wasaaraha canada oo si kulul uga hadlay duullaanka Israa'iil ee Lubnan

6 Saacadood ka horTirada dhimashada Lubnaan oo gaartay 1,268 – warbaahinta dowladda

6 Saacadood ka horKu dhowaad ​​1,000 askari oo UK ah ayaa hadda la geeyay gobolka Khaliijka

7 Saacadood ka horDagaalka Iiraan: Seddex cashar oo Trump uu ka baran karo taariikhda

7 Saacadood ka horMaxay ka dhigan tahay samir la'aanta ka muuqata qoraallada Trump?

8 Saacadood ka horWax ka ogow shanta marin ee ugu muhiimsan ganacsiga caalamiga ah

6 Saacadood ka horKu dhowaad 1,000 askari oo UK ah ayaa hadda la geeyay gobolka Khaliijka