කැස්ත්‍රෝ: විප්ලවීය නායකයාගේ දිවිමග සේයා රූ

අනූ වසරක ජීවිත කතාවක පනස් වසරක දේශපාලන මතක සටහන් රැගත් සේයා රූවලියකි මෙහි දැක්වෙන්නේ.

ඡායාරූප මූලාශ්‍රය, AFP

ඡායාරූප ශීර්ෂ වැකිය, කැස්ත්‍රෝ සිය විප්ලවීය සගයා චේ ගෙවාරා සමග

ඡායාරූප මූලාශ්‍රය, AP

ඡායාරූප ශීර්ෂ වැකිය, තරුණ කැස්ත්‍රෝ: 1926 වසරේ උපත ලද ෆිදෙල් කැස්ත්‍රෝ ගේ පියා ධනවත් උක් වගා හිමිකරුවෙකි. කැස්ත්‍රෝ තරුණ වියේදීම විප්ලවීය දේශපාලන ව්‍යාපාරයට එක්විය.

ඡායාරූප මූලාශ්‍රය, AP

ඡායාරූප ශීර්ෂ වැකිය, අසාර්ථක කුමන්ත්‍රණ ප්‍රයත්නයකින් අනතුරුව දෙවසරක් සිරගත කෙරුණු කැස්ත්‍රෝ රටෙන් පිටව මෙක්සිකෝවට ගියේය. 1956 සිය රට බලා නැවත පැමිණි ඔහු බැටිස්ටා පාලනය පෙරලා 1959 වසරේදී කියුබාවේ පාලන බලය දිනා ගත්තේය.

ඡායාරූප මූලාශ්‍රය, AP

ඡායාරූප ශීර්ෂ වැකිය, 1961 - කැස්ත්‍රෝ පාලනය පෙරලා දැමීමට ‘Bay of Pigs’ කරා ළඟා වූ 1500 පමණ කියුබානුවන්ට එරෙහිව කැස්ත්‍රෝ සටන් වැදුනි. එම කණ්ඩායමට ඇමරිකානු රහස් ඔත්තු අංශවල සහයෝගය ලැබුණි.

ඡායාරූප මූලාශ්‍රය, AP

ඡායාරූප ශීර්ෂ වැකිය, 1962 - කියුබාවේ ස්ථාපිත කොට තිබූ සෝවියට් මිසයිල ඉන් ඉවත් කරන ලෙස එවකට ඇමරිකානු ජනාධිපති කෙනඩි අනතුරු ඇඟවිය.

ඡායාරූප මූලාශ්‍රය, AFP

ඡායාරූප ශීර්ෂ වැකිය, සෝවියට් නායක නිකිතා කෘශොෆ් සහ කැස්ත්‍රෝ විසින් කියුබාවේ ස්ථාපිත කොට තිබූ මිසයිල ඉවත් කරගනු ලැබිණි.

ඡායාරූප මූලාශ්‍රය, AP

ඡායාරූප ශීර්ෂ වැකිය, 1962 - ෆිදෙල් කැස්ත්‍රෝ බේස්බෝල් ක්‍රීඩාව කෙරෙහි විශේෂ ලැදිකමක් දැක්විය.

ඡායාරූප මූලාශ්‍රය, AFP

ඡායාරූප ශීර්ෂ වැකිය, කියුබාවේ බොහෝ ලිබරල්වාදීන් විසින් කැස්ත්‍රෝ සලකනු ලැබුවේ පීඩාකාරී ඒකාධිපති පාලකයකු ලෙසය.

ඡායාරූප මූලාශ්‍රය, Other

ඡායාරූප ශීර්ෂ වැකිය, කෙසේනමුත් කියුබානු ජනතා සහාය ලබා ගැනීමට සමත්වූ කැස්ත්‍රෝ ලොව දීර්ඝතම කාලයක් බලයේ සිටි රාජ්‍ය නායකයන් අතුරින් අයෙකි.

ඡායාරූප මූලාශ්‍රය, Reuters

ඡායාරූප ශීර්ෂ වැකිය, 2006 වසරේදී සෞඛ්‍ය හේතු මත කැස්ත්‍රෝ ජනාධිපති ධුරයේ වැඩකටයුතු සිය බාල සොහොයුරු රාවුල් කැස්ත්‍රෝ වෙත පැවරූ අතර වසර දෙකකට පසු ජනාධිපති ධුරයෙන් ඉවත් විය.

ඡායාරූප මූලාශ්‍රය, AP

ඡායාරූප ශීර්ෂ වැකිය, 2015 - කියුබාවේ සංචාරයක නිරත වූ ශුද්ධෝත්තම ෆ්‍රාන්සිස් පාප්වහන්සේ සහ කැස්ත්‍රෝ හමුව