د ۲۰۱۹ کال د ښکلا ملکه

د امریکا جارجیا ایالت په ایټلانټا ښار کې سږ کال د ښکلا ملکې نوم د سوېلي افریقا زوزي بیني ټنزي ته ور کړل شو.

نوموړې د سوېلي افریقا دریمه مېرمن ده چې د ښکلا ملکې تاج ور په سر کېږي.

له دې مخکې پر ۱۹۷۸ او ۲۰۱۷ کال د دې هېواد دوو نورو مېرمنو دا نوم ګټلی و.

د سیالۍ وروستي پړاو کې نوموړې د مکسیکو له سوفیا ایراګون او د پورټو ریکو له میډینسن انډرسن سروه سیالي درلوده.

۲۶ کلنه زوزي بیني ټنزي د سوېلي افریقا د ختیځې سیمې سولو ده.

مور پلار یې د زکړو برخه کې کار کوي.

دوه خوندې لري چې دا پکې منځوۍ ده.

نوموړې خپله د ټولنیزې فعالې په توګه د جنسي تېریو خلاف بوخته ده.

له تاج په سرولو وروسته هغې د نسلي امتیاز او تعصب په هکله خبرې وکړې او ویې ویل، داسې نړۍ کې لویه شوې چې د دې په څېر، رنګ، د دې په څېر وېښتان او د دې په څېر پوټکي لرونکې نجونې ښکلې نه بلل کېږي.

اوس د دې وخت دی چې دا شیان ختم شي، زه غواړم چې ماشومان ما وویني، زما مخ وګوري، هغه کې خپل انځور وګوري.

۔