د پاکستان د بهرنیو چارو وزارت وايي، له پاکستانه د دفاع وزیر په مشرۍ یو لوړپوړی پلاوی به نن په دوحه کې د
افغان طالبانو له استازیو سره خبرې وکړي.
ددغه وزارت ویاند په یوه خبرپاڼه کې
ویلي "د دغو خبرو اصلي تمرکز به پر هغو عاجلو
اقداماتو وي چې له افغانستان څخه د پاکستان پر ضد سرحدي "ترهګري" پای
ته ورسوي او د پاکستان او افغانستان تر منځ د پولې په اوږدو کې سوله او ثبات بېرته
راولي".
په خبرپاڼه کې راغلي، چې "پاکستان د شخړې د سختېدو غوښتونکي نه دی، خو له افغان طالب
چارواکو غواړي چې خپلو نړیوالو ژمنو ته درناوی وکړي او د پاکستان قانوني امنیتي
اندېښنې د ترهګرو د اډو پر وړاندې په د
منلو وړ ګامونو اخیستو سره حل کړي.
دا خبرې یوه ورځ وروسته له هغه کېږي چې پاکستان
یوځل بیا د افغانستان پکتیکا ولایت کې پر ولسي وګړو بمبار کړی او لس تنه یې وژلي
دي چې ډېر یې د شوي اوربند ماتولو هڅه ګڼي.
د پاکستان دولتي ټلویزیون ویلي، "د دفاع وزیر خواجه
محمد اصف او د څارګرې
ادارې مشر جنرال عاصم ملک نن دوحې ته د طالبانو له افغان
استازیو سره د خبرو لپاره روان دي."
د افغان طالبانو یو حکومتي چارواکي هم د خبرو تائید وکړ
چې دا خبرې به ترسره شي.
د افغان طالبانو د حکومت ویاند ذبیحالله مجاهد پر ایکس لیکلي، د دفاع وزیر ملا محمد یعقوب مجاهد په
مشرۍ د طالبانو پوځي لوړپوړی پلاوی نن دوحې ته
روان شو.
یوه ۴۸ ساعته اوربند نژدې یوه اونۍ اوږدوې وینې تويوونکې سرحدي نښتې ودرولې چې دواړو لورو ته یې د پوځیانو او ملکي وګړو په ګډون لسګونه تنه ووژل او ټپیان کړل.
خو د جمعې په ورځ ناوخته افغانستان پاکستان تورن کړ چې اوربند یې مات کړی او ویجاړوونکې پايلې یې درلودې.
یو لوړپوړي طالب چارواکي، چې د نوم نه ښودلو په شرط یې اېاېفپي خبري اژانس سره خبرې کولې، وویل: "پاکستان اوربند مات کړی او دپکتیکا ولایت کې یې په درېیو سیمو بمباري کړې" او زیاته کړه "افغانستان به غچ واخلي."
د یوه ولایتي روغتون یوه چارواکي د نوم نه ښودلو په شرط اېاېفپي ته وویل، په دغو بریدونو کې لس ملکیان وژل شوي او ۱۲ نور ټپیان شوي دي او وژل شویو کسانو کې دوه ماشومان هم شته.
په پاکستان کې یوه لوړپوړي امنیتي چارواکي ادعا کړې چې ځواکونو یې د افغانستان سرحدي سیمو کې"دقیق هوایي بریدونه" وکړل چې "د حافظ ګل بهادر ډلې په نښه کولو متمرکز وو- دا یوه سیمهییزه ډله ده او د تحریک طالبان پاکستان (ټيټيپي) سره تړاو لري."
نه د پاکستان د بهرنیو چارو وزارت، نه هم د اطلاعاتو وزیر او پاکستاني رسنیو ارګون کې د کرېکټ لوبغاړو په ګډون د ولسي وګړو د وژل کېدو په اړه کومه یادونه کړې ده.