د عکسونو البوم: ننګرهار کې د نارنج ګل هار او بهار

د افغانستان په ختتځ ننګرهار ولایت کې له ۵۲ کلونو هر کال پسرلي مهال د نارنج ګل مېله په مشاعرو او خوښیو لمانځل کېږي. د سږنې مېلې انځورونه یې ازاد عکاس ذبیح الله عبدالرحیمزي را استولي دي.

د عکس تشریح، په افغانستان کې د هوا تودېده که څه هم د جګړو اندېښنې ډېرولی شي، خو تنکی پسرلی بیا د هېواد شاعران په دغه ډول مېلو او مشاعرو کې سره را یوځای کوي.
د عکس تشریح، په ننګرهار کې د نارنج ګل مشاعره له شاوخوا پنځو لسيزو راهيسې نمانځل کېږي او نورو ولايتونو هم ترې رنګ اخيستی.
د عکس تشریح، په ننګرهار کې د نارنج گل دوديزه کالنۍ مشاعره د گڼو شاعرانو، ليکوالانو او د شعر او ادب د مينه والو په گډون ترسره کېږي.
د عکس تشریح، دغه انځورونه له ننګرهار ولایته ازاد عکاس ذبیح الله عبدالرحیمزي بي بي سي پښتو وېبپاڼې ته راستولي دي.
د عکس تشریح، د پسرلي په زرغون موسم کې نارنج ګل مېلې او مشاعرې ته له کوزې پښتونخوا نه هم پښتانه شاعران او لیکوال راځي.
د عکس تشریح، تر ډېره له مشاعرې سره مېله او د موسیقۍ مېله هم مله وي.
د عکس تشریح، نارنج ګلونو لارې کوڅې په خپلو خوشبویو خوږې کړې وي.
د عکس تشریح، هرځای په شنو ونو کې ګلونه داسې نښتي وو ته وا لکه سپینې مچۍ چې د شاتو کڅوړې د وږو خاوندانو لپاره شکوي.
د عکس تشریح، نارنج ګل مشاعره د ښځینه شاعرانو او ادیبانو ونډه هم ځلېدونکې وي
د عکس تشریح، شاعران د نارنج ګل ستايي.