Ụbọchị ise kachasị mkpa n'oge obubu ọnụ 'lent' na uru ha bara

Aha onyonyo, Ụbọchị ise kachasị mkpa n'oge obubu ọnụ 'lent'
Ụbọchị ise kachasị mkpa n'oge obubu ọnụ 'lent' na uru ha bara

Mmemme 'lent' bụ oge ndị ụka Kraist ji ebu ọnụ, na-ekpe ekpere mkpụrụ ụbọchị iri anọ tupu e mee emume 'Easter'.

Ihe mbụ e ji amalite oge 'lent' bụ Ash Wednesday, oge ahụ ka a na-egbu ntụ n’ihu iji cheta na mmadụ bụ aja na ọ bụkwa n'aja ka mmadụ ga-ala.

Malite ụbọchị Ash wednesday rue ụbọchị iri anọ, ka a na-ebu ọnụ na-ekpe ekpere dịka Jịsọs Kraịst siri mee ya n'oge ọ nọ n’ụwa.

Ọ kụrụ ọnụ n'ụbọchị iri anọ, e mee mmemme ụka nkwụ bụ 'Palm Sunday'.

Skip content and continue reading

End of content

Ụka 'Palm Sunday' bu oge Jisọs Kraịst si n'ọzara banye na Jerusalem, ụmụnwaanyi Izrel na ndị na-eso ụzọ ya jiri ọmụ nkwụ na-atọ n’ala, na-eti "Hossanna kachasị elu”

Nke na-esote ụka nkwụ a bụ izuụka dị nsọ nwere 'Holy Thursday' bụ ụbọchi e ji agọzi mmanụ nsọ 'Chrism', saa ụmụ azị iri na abụọ ukwu ma cherezie nderi uchicho oge ndịagha ga-abịa kpụrụ Kraịst.

Ụbọchị 'Good Friday' dị mkpa nke ukwuu n’ihi na ọ bụ ụbọchi ahụ ka ndị Pharisee na ndị saducee kpara nkata kpụrụ Jịsọs Kraịst ma tinye n'aka Eze Pailate bụ onye mara ya ikpe ọnwụ, e wee kpọgide ya n’obe na Golgota.

Ụbọchị ụka 'Easter Sunday' bụ mmemme mbilite n’ọnwụ Jisọs Kraist. Ndị okpukperechi Kraist na-enwe aṅụri maka na Jisọs Kraịst si n'ọnwụ bilie.

Kirie nkọwa a n'uju: