Kana amfani da shafin BBC mai bayyana rubutu kawai (babu hoto) domin rage cin data. Idan ana so a ga hotuna da bidiyo sai a koma babban shafinmu.
Wannan shafi ne da ke kawo muku labaran wasannin BBC Hausa daga ranar Talata 7, zuwa Asabar 11 ga watan Afrilun 2026.
Muhammad Abdu, Haruna Kakangi
Aikin gama ya gama!
Atletico ta bi Barcelona ta doke har cikin tsakiyar gidanta Camp Nou, karon farko tun 2006.
Sau biyu Atletico na yin waje da Barcelona a karawarsu biyu ta kifa ɗaya ƙwale a baya.
Ga shi yanzu suna son su yi na uku.
Shi ke nan! PSG ta yi nasara a kan Liverpool hankali kwance.
In ban da Allah ya kiyaye da ƙwallayen da za a ɗura wa Liverpool sai sun fi haka.
Hari uku kacal Liverpool ta kai a yau, kuma cikin ukun babu wani mai kyau.
Wannan ne karon farko da ta gaza kai farmakin cin ƙwallo a wasan Champions League tun bayan karawarta da Atalanta a Nuwamban 2020.
Gaskiya yau Ibrahim Konate yana da sa'a.
Duk da cewa Ibrahim Konate ya ɗan taɓa shi kaɗan amma bai kai a bayar da fenariti ba.
Saboda haka babu fenariti.
Nuno Mendes ya sheƙo a guje da ƙwallo ta gefen hagu, ana tunanin Ibrahim Konate ya ture shi har ƙasa.
Ana duba bidiyon VAR domin tantance gaskiya.
An shiga minti uku na ƙarshe.
Yamal ya burge!
Lamine Yamal ya shiga ya fita ta tsakankanin defendun Atletico amma a ƙarshe ƙwallon ta ƙwace masa.
Kash!
Atletico Madris ta maye gurbi Guiliano Simeone da Nicolas Gonzalez, Thiago Almanda kuma ya maye gurbin Antoine Griezmann.
Alexander Sorloth ya zura ƙwallo ta biyu a ragar Barca.
Gaskiya Atletico sun shanye matsi sosai daga Barcelona bayan dawowa hutun rabin lokaci, amma lallai sun yi amfani da damarsu.
Lafari Jose Maria Sanchez Martinez ya soke fenaritin da ya bayar da kuma katin gargaɗi da ya bai wa Ibrahim Konate.
Ko haka zai bai wa Liverpool ƙwarin gwiwa?
Lafari ya je duba bidiyo domin tantance gaskiya
Ibrahim Konate ne ya yi sulu ya ɗebe Zaire-Emery ta baya, nan take lafari ya nuna fenariti.
Da alamu abubuwa na ƙara dagule wa Liverpool.
Khvicha Kvaratskhelia ya ja ƙwallo ta tsakiyar difendu ya jefa ƙwallo a raga.
Wannan zai sa PSG ta numfasa!
A cikin minti biyu da suka wuce ana ta gwagwagwa tsakanin waɗannan ƙungiyoyi biyu.
Ana kai ruwa rana.
PSG ta ɓaras da kyawawan damarmaki guda uku zuwa huɗu kuma tabbas za su ɗora wa kansu laifin rashin ƙara yawan ƙwallaye.
Rashfaord ya samu wata ƙwallo amma sai ya buga ta a gefen raga.
Da wuya Barcelona ta sake samun wata dama mai kyau kamar wannan.
Duk da cewa ƴan wasan Liverpool sun ɗan fara da kuzari amma ƴan PSG sun sake karɓe fozeshon inda suke shafa ƙwallo a ɓarayin Liverpool.
Liverpool kan ɗan taɓa ƙwallo lokaci zuwa lokaci amma suna yin kuskure da yawa.
A Camp Nou ma an take wasa bayan dawowa daga hutun rabin lokaci.
An sake take wasa tsakanin PSG da Liverpool bayan dawowa hutun rabin lokaci.
Steven Gerrard: Ina ganin kamar Liverpool ta yi abin da za ta iya a farkon lokaci amma ya kamata su ƙara ƙokari.
Barcelona ta yi wasa iyakar wasa amma ƙwallo ta ƙi shiga, daɗin-daɗawa kuma aka kori ɗan wasanta Pau Cubarsi, kuma Julian Alvarez ya zura mata ƙwallo,
Kai, abin ya yi yawa!
Liverpool za ta ji babu daɗi an tafi hutun rabin lokaci tana ƙasa, to amma ƙwallo ɗaya ce kawai, akwai sauran lokacin wasa.