KAI TSAYE, Labaran wasannin BBC Hausa na 7 zuwa 11 ga watan Afrilun 2026

Wannan shafi ne da ke kawo muku labaran wasannin BBC Hausa daga ranar Talata 7, zuwa Asabar 11 ga watan Afrilun 2026.

Taƙaitattu

Ƴan wasan gaba da suka fi ƙwazo da zura ƙwallo a wannan ƙarni
Fitattun ƙasashen da ba za su buga kofin duniya ba a 2026
Ina Salah zai koma idan ya bar Liverpool?
Me ya sa Arsenal ta gaza lashe Kofin Carabao duk da ƙoƙarinta a bana?
Barcelona 0-2 Atletico Madrid, Paris Saint-Germain 2-0 Liverpool
Real Madrid 1-2 Bayern Munich, Sporting 0-1 Arsenal
Maguire ya sanya hannu kan sabon kwantaragi a Manchester United
A wannan mako ake yin karawar kwata-fainal na Champions League

Rahoto kai-tsaye

Muhammad Abdu, Haruna Kakangi

Sa'o'i 2 da suka wuceAN TASHI WASA, Barcelona 0-2 Atletico Madrid
Aikin gama ya gama!
Atletico ta bi Barcelona ta doke har cikin tsakiyar gidanta Camp Nou, karon farko tun 2006.
Sau biyu Atletico na yin waje da Barcelona a karawarsu biyu ta kifa ɗaya ƙwale a baya.
Ga shi yanzu suna son su yi na uku.
Asalin hoton, Getty Images
Sa'o'i 2 da suka wuceAN TASHI WASA, Paris St-Germain 2-0 Liverpool
Shi ke nan! PSG ta yi nasara a kan Liverpool hankali kwance.
In ban da Allah ya kiyaye da ƙwallayen da za a ɗura wa Liverpool sai sun fi haka.
Hari uku kacal Liverpool ta kai a yau, kuma cikin ukun babu wani mai kyau.
Wannan ne karon farko da ta gaza kai farmakin cin ƙwallo a wasan Champions League tun bayan karawarta da Atalanta a Nuwamban 2020.
Asalin hoton, Getty Images
Sa'o'i 2 da suka wuceVAR: BABU FENARITI, Paris St-Germain 2-0 Liverpool
Gaskiya yau Ibrahim Konate yana da sa'a.
Duk da cewa Ibrahim Konate ya ɗan taɓa shi kaɗan amma bai kai a bayar da fenariti ba.
Saboda haka babu fenariti.
Sa'o'i 2 da suka wuceVAR na duba yiwuwar fenariti ga PSG, Paris St-Germain 2-0 Liverpool
Nuno Mendes ya sheƙo a guje da ƙwallo ta gefen hagu, ana tunanin Ibrahim Konate ya ture shi har ƙasa.
Ana duba bidiyon VAR domin tantance gaskiya.
Sa'o'i 2 da suka wuceAn kusa tashi wasa!, Paris St-Germain 2-0 Liverpool
An shiga minti uku na ƙarshe.
Sa'o'i 2 da suka wuce, Barcelona 0-2 Atletico Madrid
Yamal ya burge!
Lamine Yamal ya shiga ya fita ta tsakankanin defendun Atletico amma a ƙarshe ƙwallon ta ƙwace masa.
Kash!
Sa'o'i 2 da suka wuceAna ta canje-canjen ƴan wasa, Barcelona 0-2 Atletico Madrid
Atletico Madris ta maye gurbi Guiliano Simeone da Nicolas Gonzalez, Thiago Almanda kuma ya maye gurbin Antoine Griezmann.
Sa'o'i 2 da suka wuceƘWALLO A RAGA: Barcelona 0-2 Atletico Madrid, Minti na 70
Alexander Sorloth ya zura ƙwallo ta biyu a ragar Barca.
Gaskiya Atletico sun shanye matsi sosai daga Barcelona bayan dawowa hutun rabin lokaci, amma lallai sun yi amfani da damarsu.
Asalin hoton, Getty Images
Sa'o'i 2 da suka wuceVAR: BABU FENARITI, Paris St-Germain 2-0 Liverpool
Asalin hoton, Getty Images
Bayanan hoto, Ibrahim Konate
Lafari Jose Maria Sanchez Martinez ya soke fenaritin da ya bayar da kuma katin gargaɗi da ya bai wa Ibrahim Konate.
Ko haka zai bai wa Liverpool ƙwarin gwiwa?
Sa'o'i 2 da suka wuceVAR, Paris St-Germain 2-0 Liverpool
Lafari ya je duba bidiyo domin tantance gaskiya
Sa'o'i 2 da suka wucePSG TA SAMU FENARITI, Paris St-Germain 2-0 Liverpool
Ibrahim Konate ne ya yi sulu ya ɗebe Zaire-Emery ta baya, nan take lafari ya nuna fenariti.
Da alamu abubuwa na ƙara dagule wa Liverpool.
Sa'o'i 2 da suka wuceƘWALLO A RAGA: Paris St-Germain 2-0 Liverpool, Minti na 65
Asalin hoton, Getty Images
Khvicha Kvaratskhelia ya ja ƙwallo ta tsakiyar difendu ya jefa ƙwallo a raga.
Wannan zai sa PSG ta numfasa!
Sa'o'i 2 da suka wuce, Paris St-Germain 1-0 Liverpool
A cikin minti biyu da suka wuce ana ta gwagwagwa tsakanin waɗannan ƙungiyoyi biyu.
Ana kai ruwa rana.
Asalin hoton, Getty Images
Sa'o'i 3 da suka wuce, Paris St-Germain 1-0 Liverpool
PSG ta ɓaras da kyawawan damarmaki guda uku zuwa huɗu kuma tabbas za su ɗora wa kansu laifin rashin ƙara yawan ƙwallaye.
Sa'o'i 3 da suka wuceRashford ya ɓaras da dama mai kyau, Barcelona 0-1 Atletico Madrid
Rashfaord ya samu wata ƙwallo amma sai ya buga ta a gefen raga.
Da wuya Barcelona ta sake samun wata dama mai kyau kamar wannan.
Sa'o'i 3 da suka wuce, Paris St-Germain 1-0 Liverpool
Duk da cewa ƴan wasan Liverpool sun ɗan fara da kuzari amma ƴan PSG sun sake karɓe fozeshon inda suke shafa ƙwallo a ɓarayin Liverpool.
Liverpool kan ɗan taɓa ƙwallo lokaci zuwa lokaci amma suna yin kuskure da yawa.
Sa'o'i 3 da suka wuceAN DAWO WASA, Barcelona 0-1 Atletico Madrid
A Camp Nou ma an take wasa bayan dawowa daga hutun rabin lokaci.
Asalin hoton, Getty Images
Sa'o'i 3 da suka wuceAN DAWO WASA, Paris St-Germain 1-0 Liverpool
An sake take wasa tsakanin PSG da Liverpool bayan dawowa hutun rabin lokaci.
Steven Gerrard: Ina ganin kamar Liverpool ta yi abin da za ta iya a farkon lokaci amma ya kamata su ƙara ƙokari.
Sa'o'i 3 da suka wuceHUTUN RABIN LOKACI: Barcelona 0-1 Atletico Madrid, Barcelona 0-1 Atletico Madrid
Barcelona ta yi wasa iyakar wasa amma ƙwallo ta ƙi shiga, daɗin-daɗawa kuma aka kori ɗan wasanta Pau Cubarsi, kuma Julian Alvarez ya zura mata ƙwallo,
Kai, abin ya yi yawa!
Asalin hoton, Getty Images
Sa'o'i 3 da suka wuceHUTUN RABIN LOKACI: PSG 1-0 Liverpool, Paris St-Germain 1-0 Liverpool
Liverpool za ta ji babu daɗi an tafi hutun rabin lokaci tana ƙasa, to amma ƙwallo ɗaya ce kawai, akwai sauran lokacin wasa.