Hotunan Afirka na mako: Daga ranar 25 - 3 ga watan Maris 2022

Wasu zababbun hotuna masu kayatarwa na Afirka da ma wasu yankunan na wannan makon:

Asalin hoton, AFP

Bayanan hoto, Dan kasuwa Teddy Kossoko na nazarin motsi na gaba da ya dace ya yi, a lokacin da yake wani wasan chess a kasar Jamhuriyar Tsakiyar Afirka ranar Talata.

Asalin hoton, AFP

Bayanan hoto, Kashegari an yi bikin zagayowar ranar yakin Adwa a birnin Addis Ababa na Habasha...

Asalin hoton, AFP

Bayanan hoto, Nasarar da Sarki Menelik na Biyu ya samu a yakin da aka yi a 1896 wanda dakarunsa suka fatattaki sojojin Italiya, matakin da ya hana kasar mamaye Habasha kuma ya haifar da kasar kamar yadda muka san ta

Asalin hoton, Getty Images

Bayanan hoto, Sai dai daga baya an aikata ta'asa karkashin mulkin Sarki Menelik na Biyu yayin da ya ke fadada kasar zuwa yankunan da ke kudanci, wanda yasa ba kowane dan Habasha ne ke yabawa da bikin ba.

Asalin hoton, EPA

Bayanan hoto, Ranar Talata wasu 'yan Ghana da suka tserewa yakin da ake yi a Ukraine sun kudundune a gaban wuta a garin Medyka da ke kan iyakar kasar da Poland, wurin da ma'aunin sanyi ke kai wa kasa da sifili a daidai wannan lokacin na shekara

Asalin hoton, Getty Images

Bayanan hoto, Wannan karamar yarinyar 'yar Najeriya tare da mahaifiyarta sun isa birnin Przemyśl, birnin da wasu masu tsattsauran ra'ayi da ake kira "ultras" suka muzgunawa 'yan jaridan BBC. An ci mutuncin 'yan Afirka masu yawa ta hanyar nuna musu bambancin launin fata a hannun jami'an da ke kula da kan iyakokin Ukraine wadanda suke hana su tsallakawa - sai dai Ukraine da Poland sun musanta haka.

Asalin hoton, Reuters

Bayanan hoto, Wannan dan kasar Marokon, dalibi Abdullah Elkobbi na fatan samun damar shiga Poland tare da kyanwarsa a ranar Lahadi

Asalin hoton, Reuters

Bayanan hoto, Ranar Talatar wasu mata suka yi bikin tallata kayayyakin sanya wa a Abidjan, babban birnin kasuwanci na kasar Kwaddibuwa.

Asalin hoton, Getty Images

Bayanan hoto, Kashegari mai wakar gambara "Ivorian Doll" ta halarci bikin bayar da lambar yabo ta mawaka mai suna NME Awards a birnin Landan na Birtaniya.

Asalin hoton, Getty Images

Bayanan hoto, Ana nuna wani mutum-mutumi da aka hada da sharar robobi a taron kula da yanayi na Majalisar Dinkin Duniya a Kenya a wannan ranar.

Asalin hoton, Reuters

Bayanan hoto, Lokacin hutu ya yi a unguwar masunta ta Makoko da ke gabar tekun Legas babban birnin kasuwancin Najeriya a ranar Asabar

Asalin hoton, Getty Images

Bayanan hoto, Wata mummunar gobara ta raba daruruwan mutane da muhallansu a matsugunin Kibera da ke Nairobi, babban birnin kasar Kenya ranar Talata. An ba wasunsu agajin abinci da muhallai da kuma kudi.

Asalin hoton, AFP

Bayanan hoto, A ranar Lahadi kuma, 'yan kallo sun hallara a gefen titunan birnin Kigali domin kallon gasar tseren keke ta Ruwanda wato Tour du Rwanda.

Dukkan hotunan suna da haƙƙn mallaka.