Hushpuppi: Babban dan damfarar da aka cafke a Dubai

Asalin hoton, Instagram- Hushpuppi

Lokacin karatu: Minti 1

'Yan sanda a Hadaddiyar Daular Larabawa sun cafke wani dan Najeriya da ya yi suna a shafin sada zumunta na Instagram Raymond Igbalodely da aka fi sani da Hushpuppi, kan zargin damfarar Dala miliyan 435.

'Yan sandan sun kuma cafke wasu mutum 11 'yan kungiyar a samamen da suka kira Fox Hunt 2 a samame 6 da suka kai a kasar.

Kusan mutane miliyan biyu akai amanna sun fada komar dan damfarar.

Hushpuppi na zaune ne a Dubai kuma yana takamar shi attajirin dan kasuwa ne.

'Yan sanda Dubai sun wallafa a shafinsu na Twitter yadda suka shafe watanni hudu sun gudanar da bincike a kansa.

Kauce wa X
Ya kamata a bar bayanan X?

Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.

Gargadi: Ana iya samun talla wanda ba na BBC ba ne

Karshen labarin da aka sa a X

Jami'an tsaro sun ce sun gano wannan gungun 'yan damfarar ta hanyar intanet da ke Dubai amma suna ayyukansu a kasashe da dama wajen hallata kudin haram da aikata zamba da dai sauraransu.

Ana zargin gungun da kutse a shafukan intanet na jama'a ta yadda za su kwashe kudin mutane zuwa na su asusun ajiyar.

Asalin hoton, Screenshot/Dubai Media Office Twitter video

Kawo yanzu babu karin bayani kan ranar da 'yan sanda a Dubai za su gurfanar da su a gaban kuliya.

Skip Wanda aka fi karantawa and continue reading
Wanda aka fi karantawa

End of Wanda aka fi karantawa