Cikin Hotuna: Kannywood a makon jiya

Ga hotunan wasu abubuwan da suka faru a masana'antar Kannywwood da muka zabo muku daga makon da ya gabata:

Asalin hoton, @officialkannywoood

Bayanan hoto, Taron shugabanni da Kwamitin Amintattun kungiyar masu shirya fina-finai a Arewacin Najeriya ya amince da a hada kai, a yi magana da murya daya domin kawo gyara da ci gaban Kannywood da kuma cimma manufofin masana'antar fim da masu sana'a ar a yankin.

Asalin hoton, @kannywoodcelebrities

Bayanan hoto, A nan wasu jarumai ne da suka fito a matsayin sojoji dauke da manyan bindigogi bayan sun diro daga jirgin yaki a wani sabon fim da ake kan dauka, wanda Yakubu Mohammed, Usman Uzee da Funky Mallam da sauransu suka fito a ciki.

Asalin hoton, @kannywoodcelebrities

Bayanan hoto, Sabon fim din barkwanci mai suna 'Ajebon Ghetto', na Adam A. Zagno

Asalin hoton, @kannywoodcelebrities

Bayanan hoto, Ana ci gaba da daukar shirin 'Kwana Casa'in' Zango na uku wanda ake sa ran fara nunawa a cikin watan Afrilu mai kamawa.

Asalin hoton, @officialkannywood

Bayanan hoto, Ana ci gaba da daukar shirin 'Kwana Casa'in' Zango na uku wanda sa ran fara nuna shirin a cikin watan Afrilu mai kamawa.

Asalin hoton, @kannywoodcelebrities

Bayanan hoto, Kamfanin FKD mallakin Ali Nuhu ya cika shekara 20 da kafawa. An yi ta taya FKD murnar daga ciki da wajen Kannywood, yayin da kamfanin ya ce nan gaba zai sanar da ranar shagalin bikin cikarsa shekara 20.

Asalin hoton, @kannywoodcelebrities

Bayanan hoto, Abba El-Mustapha a lokacin daukar sabon fim da zai fito nan gaba, mai suna "Ba amo", wanda Naziru Danhajiya ya shirya, da kuma Ali Gumzak a matsayin Darekta.

Asalin hoton, @kannywoodcelebrities

Bayanan hoto, Shin Daushe ya koma sana'ar tukin babbar mota ne, ko kuma dai fasinja ne shi a wannan rokar? Me ya sami madubin motar?

Asalin hoton, @kannywoodcelebrities

Bayanan hoto, Ali Nuhu ya yi maraba tare da godiya ga manyan baki kuma abokan sana'arsa wato Umar M. Shareef da Classiq a sadda suka je yin siyayya a shagonsa.

Asalin hoton, @instagram

Bayanan hoto, Wurin daukar wani sabon fim mai suna "Hikima", wanda Alhaji Shehe ya shirya, Hafizu Bello kuma ke a matsayin darekta.

Asalin hoton, @kannywoodcelebrities

Bayanan hoto, A makon da ya gabata ne aka yi bikin zagayowar ranar auren tauraron Kannywood Ishaq Sidi Ishaq da mai dakinsa.

Asalin hoton, @kannywoodcelebrities

Bayanan hoto, Wa ya gane mai wainar nan? Ko za ku tuna a fim din da ta yi tuyar waina?