ટ્વિટર: ઍલન મસ્ક કંપનીમાં કર્મચારીઓની છટણીનો બચાવ કેમ કરે છે?
ઇમેજ સ્રોત, Getty Images
ટ્વિટરના નવા માલિક ઍલન મસ્ક કહે છે કે તેમની પાસે કંપનીના કર્મચારીઓની છટણી કરવા સિવાય "કોઈ વિકલ્પ નહોતો", કારણ કે કંપની દરરોજ 4 મિલિયન ડૉલર વધુની ખોટ કરી રહી છે.
ઍલન મસ્કે 44 અબજ ડૉલરના સોદામાં ટ્વિટર ખરીદ્યાના એક સપ્તાહ બાદ ટ્વિટરના અડધોઅડધ કર્મચારીઓની છટણી કરી છે.
ટ્વિટરનો સ્ટાફ તેમની બરતરફી વિશે વાત કરવા માટે પ્લેટફૉર્મનો ઉપયોગ કરી રહ્યો છે.
એવી ચિંતાઓ છે કે ટ્વિટર સામગ્રીની મધ્યસ્થતાને હળવી કરી શકે છે, જોકે ઍલન મસ્કે જણાવ્યું હતું કે કંપનીની નીતિઓ "સંપૂર્ણપણે યથાવત" રહેશે.
શુક્રવારે અહેવાલો આવ્યા કે વિશ્વભરમાં ટ્વિટરના હજારો કર્મચારીઓને નોકરીમાંથી પાણીચું આપવામાં આવી રહ્યું છે, હાનિકારક સામગ્રીને દૂર કરવા માટે જવાબદાર કર્મચારીઓના ભાવિ પર પ્રશ્નો પૂછવામાં આવ્યા હતા.
ઑનલાઇન સલામતી જૂથો અને કૅમ્પેનરોએ ભીતિ વ્યક્ત કરી હતી કે ઍલન મસ્ક મધ્યસ્થતાની નીતિઓમાં છૂટછાટ આપી શકે છે, જે પ્લેટફૉર્મ પરથી હેટ-સ્પિચ અને ખોટી માહિતીને દૂર કરવાની ટ્વિટરની અસરકારકતામાં ઘટાડો કરશે.
નોકરીકાપ અનિવાર્ય?
આ લેખમાં X દ્વારા પૂરું પાડવામાં આવેલું કન્ટેન્ટ છે. કંઈ પણ લોડ થાય તે પહેલાં અમે તમારી મંજૂરી માટે પૂછીએ છીએ કારણ કે તેઓ કૂકીઝ અને અન્ય તકનીકોનો ઉપયોગ કરી શકે છે. તમે સ્વીકારતા પહેલાં X કૂકીઝ નીતિ અને ગોપનીયતાની નીતિ વાંચી શકો છો. આ સામગ્રી જોવા માટે 'સ્વીકારો અને ચાલુ રાખો'ના વિકલ્પને પસંદ કરો.
X કન્ટેન્ટ પૂર્ણ
ભૂતપૂર્વ અમેરિકી રાષ્ટ્રપતિ ડોનાલ્ડ ટ્રમ્પ સહિતના વિવાદાસ્પદ વ્યક્તિઓના કાયમી ટ્વિટર પ્રતિબંધને પણ દૂર કરી શકાય છે. આ ફેરફારો યુએસની વચગાળાની ચૂંટણીના થોડા સમય પહેલાં આવ્યા છે અને આ ચૂંટણીમાં ભ્રામક પ્રચારમાં વધારો થવાની અપેક્ષા છે.
End of સૌથી વધારે વંચાયેલા સમાચાર
તમારા કામની સ્ટોરીઓ અને મહત્ત્વના સમાચારો હવે સીધા જ તમારા મોબાઇલમાં વૉટ્સઍપમાંથી વાંચો
વૉટ્સઍપ ચેનલ સાથે જોડાવ
Whatsapp કન્ટેન્ટ પૂર્ણ
શુક્રવારે ઍલન મસ્કની ટિપ્પણીઓ દ્વારા આ ચિંતાઓને વેગ મળ્યો હતો, જેમાં "અમેરિકામાં વાણીસ્વાતંત્ર્યને કચડી નાખવાનો પ્રયાસ કરતા" "એક્ટિવિસ્ટ જૂથો" પર ટ્વિટરની "આવકમાં મોટા પાયે ઘટાડો"નો દોષ મઢવાનો પ્રયાસ કરવામાં આવ્યો હતો.
ટ્વિટરના સેફ્ટી ઍન્ડ ઇન્ટેગ્રિટીના વડા યોએલ રૉથે જણાવ્યું હતું કે "ફ્રન્ટ-લાઇન રિવ્યૂ"માં કામ કરતા 2,000થી વધુ મૉડરેટરમાંથી મોટા ભાગના પ્રભાવિત થયા નથી.
તેણે કહ્યું કે "સંખ્યાબળમાં ઘટાડા"ની ટ્વિટરના ટ્રસ્ટ અને સેફ્ટી વિભાગમાં કામ કરતા લગભગ 15% લોકોને અસર થઈ છે - જેની સરખામણીમાં સમગ્ર કંપનીમાં 7,500 જેટલા કર્મચારીઓને છૂટા કરવામાં આવ્યા છે, એટલે કે 50% જેટલા સ્ટાફની છટણી કરવામાં આવી છે.
યુએસ પ્રમુખ જો બાઇડને શુક્રવારે ટેકઓવર અંગે પોતાની ચિંતા વ્યક્ત કરતાં કહ્યું હતું કે, "ઍલન મસ્ક બહારથી કંઈ લાવે છે અને સમગ્ર વિશ્વમાં જૂઠ ફેલાવે છે. આપણે બાળકો પાસેથી કેવી રીતે અપેક્ષા રાખી શકીએ કે બાળકો તેમાં છુપાયેલા જોખમને સમજી શકશે?"
અગાઉ શુક્રવારે સ્ટાફને મોકલવામાં આવેલા એક આંતરિક ઇમેલમાં જણાવાયું હતું કે "કંપનીની સફળતાને આગળ વધારવા માટે કમનસીબે મોટા પાયે નોકરીમાં કાપ અનિવાર્ય છે."
સ્ટાફે ટ્વિટર પર પુષ્ટિ કરી કે તેઓ વર્ક લેપટૉપ અને મૅસેજિંગ સિસ્ટમ સ્લેકમાંથી લૉગ આઉટ થઈ ગયા છે.
ઘણા કર્મચારીઓએ ખુલાસો કર્યો કે તેઓને પ્લેટફૉર્મ પરની પોસ્ટમાં વિશ્વભરમાં કરવામાં આવેલા કર્મચારી કાપને ચિત્રિત કરવામાં આવ્યો હતો અને માર્કેટિંગથી લઈને એન્જિનિયરિંગ સુધીના વિભાગોમાં છટણી કરવામાં આવી હતી.
તેમાં કૉમ્યુનિકેશન્સ, કન્ટેન્ટ ક્યુરેશન અને પ્રોડક્ટ ડૅવલપમૅન્ટ કર્મચારીઓનો સમાવેશ થાય છે.
નોકરીમાં કાપના સમાચારની રાહ કર્મચારીને નવાઈ લાગી કે કોણ કેટલું ટકશે, બ્રિટનનાં ભૂતપૂર્વ વડાં પ્રધાન લિઝ ટ્રસની જેમ.
મોટી કંપનીઓએ જાહેરાત ખર્ચ અટકાવ્યો
ઇમેજ સ્રોત, EPA/ALEXANDER BECHER
ફોક્સવેગન, જનરલ મોટર્સ અને ફાઇઝર સહિતની અનેક મોટી બ્રાન્ડ્સે ટ્વિટર સાથેનો જાહેરાત ખર્ચ અટકાવ્યો છે.
હાલમાં ટ્વિટરની લગભગ તમામ આવક જાહેરાતોમાંથી આવે છે અને ઍલન મસ્ક વિવિધ રીતે ખર્ચ ઘટાડવા અને પ્લેટફૉર્મ પરથી નાણાં કમાવાની રીતો શોધી રહ્યા છે, જેમાં નવીન યોજના યૂઝર્સને વેરિફાઈડ બ્લૂ ટિક માટે માસિક સબ્સ્ક્રિપ્શન ફી વસૂલવાની યોજનાનો સમાવેશ થાય છે.
તેમણે એવો પણ પ્રસ્તાવ મૂક્યો કે જેઓ દર મહિને 8 ડૉલરની ફી ચૂકવે તેમના તેમના ટ્વીટ્સને જવાબો, ઉલ્લેખો અને શોધમાં બૂસ્ટ મળશે.
ટ્વિટર પર કેટલાક લોકો દ્વારા ટીકા કરવામાં આવી રહી છે કે કંપની એક દ્વિ-સ્તરીય સિસ્ટમ બનાવી રહી છે જે પૈસા ચૂકવવા તૈયાર લોકોને લાભ કરશે.
ટ્વિટરના કર્મચારીઓએ ગુરુવારે એક કેસ દાખલ કર્યો હતો જેમાં દલીલ કરવામાં આવી હતી કે કંપની ફેડરલ અને કૅલિફોર્નિયાના કાયદાનું ઉલ્લંઘન કરીને 60 દિવસની નોટિસ આપ્યા વિના ભારે નોકરીકાપ મૂકી રહી છે.
નવાજૂની
બીબીસી વિશેષ
સૌથી વધુ વંચાયેલી સ્ટોરીઝ
આ કન્ટેન્ટ ઉપલબ્ધ નથી