Ushobora gusiganwa na Eliud Kipchoge wanditse amateka muri 'marathon'?

Ahavuye isanamu, AFP

Insiguro y'isanamu, Eliud Kipchoge

Kuri uyu wa gatandatu, Umunya-Kenya Eliud Kipchoge yabaye uwa mbere ku isi wirutse 'marathon' (kilometero 42) mu gihe kitageze ku masaha abiri, abigeraho habura amasegonda 20.

Ntabwo ariko uyu muhigo we uzafatwa nk'uw'isi mu buryo busanzwe kuko bitari mu irushanwa rihuriwemo na bose kandi akaba yakoresheje itsinda ry'abirukankanaga nawe 42 bakuranwa byo kumutera akanyabugabo.