၂၀၂၀ အတွင်း ကမ္ဘာတစ်လွှားက အလှုပ်ခတ်ဆုံး ဓာတ်ပုံများ

ကမ္ဘာအနှံ့က သတင်းဓာတ်ပုံသမားတွေရဲ့ အကောင်းဆုံးပုံတွေ ထဲက တချို့ကို ရွေးထုတ်တင်ပြထားပါတယ်။

ဓာတ်ပုံ ရင်းမြစ်, Tracey Nearmy / Reuters

ဓာတ်ပုံ ပုံစာ, သြစတြေးလျနိုင်ငံ မာရင်ဘူလာမှာ လက်သည်းတွေ မီးလောင်ခံထားရတဲ့ brushtail possum အကောင်လေး တစ်ကောင်ကို စေတနာ့ဝန်ထမ်းတစ်ယောက်က စောင့်ရှောက်ပေးနေပုံ။ ၂၀၁၉ ဇူလိုင်ကနေ ၂၀၂၀ မတ်လအထိ လောင်ခဲ့တဲ့တောမီးက မြေဧရိယာ ဟက်တာပေါင်း ၂၄ သန်းကို လောင်ကျွမ်းခဲ့ပါတယ်။ လူတွေလည်းသေဆုံးကြ၊ ဒဏ်ရာရကြ၊ အိမ်တွေလည်း ဆုံးကြရတဲ့ အပြင် သဘာဝ တောရိုင်း တိရစ္ဆာန်ကောင်ရေ သန်းပေါင်း ၃၀၀၀ လောက် သေကြေရတာ ဒါမှမဟုတ် သူတို့နေထိုင် ကျက်စားကြတဲ့ နေရာတွေကနေ ထွက်ပြေးခဲ့ရပါတယ်။

ဓာတ်ပုံ ရင်းမြစ်, Brendan McDermid / Reuters

ဓာတ်ပုံ ပုံစာ, အဓမ္မပြုကျင့်မှုစွဲချက်တွေ၊ လိင်ပိုင်းစော်ကားမှု စွဲချက်တွေကို ရင်ဆိုင်ဖို့ ဟာဗီ ဝိုင်းစတိန်း ဇန်နဝါရီလအတွင်းက နယူရော့ခ်က ရာဇဝတ်တရားရုံးကိုရောက်လာစဉ်။ တစ်ချိန်က ဟောလီးဝုဒ်မှာ တန်ခိုးအကြီးဆုံး လူတွေထဲက တစ်ယောက်ဖြစ်တဲ့ ရုပ်ရှင်ထုတ်လုပ်သူဟာ အပြစ်ရှိကြောင်း စီရင်ချက်ချမှတ်ခံရပြီး ထောင်ဒဏ် ၂၃ နှစ် ပြစ်ဒဏ်ကျသွားပါတယ်။

ဓာတ်ပုံ ရင်းမြစ်, Yara Nardi / Reuters

ဓာတ်ပုံ ပုံစာ, အီတလီ အယ်ပိုင်းကယ်ဆယ်ရေးအဖွဲ့ဝင်တွေ ဖေဖော်ဝါရီလအတွင်း မယ်ဂါ စီယာပီလာအရပ်က ရေခဲနေတဲ့ ရေတံခွန်တစ်ခုကို တက်ရောက်နေစဉ်။

ဓာတ်ပုံ ရင်းမြစ်, China Daily via Reuters

ဓာတ်ပုံ ပုံစာ, ဖေဖော်ဝါရီ လအတွင်း တရုတ်နိုင်ငံ ဝူဟန်မြို့က ဆေးရုံတစ်ခုရဲ့ အရေးပေါ်ကြပ်မတ်ကုသဆောင်မှာ ကိုဗစ် ၁၉ လူနာတွေကို ကျန်းမာရေးဝန်ထမ်းတွေက စောင့်ရှောက်ပေးစဉ်။ အဲဒီမြို့ သားငါးစျေးကနေ စတင်ပြန့်ပွားလာခဲ့တယ်လို့ ယူဆကြတဲ့ ဗိုင်းရပ်စ်ဟာ ကမ္ဘာ့ကပ်ကို ဖြစ်စေခဲ့ပြီး အကျပ်အတည်းအကြီးအကျယ်ဆိုက်ခဲ့ရပါတယ်။

ဓာတ်ပုံ ရင်းမြစ်, Stephanie Lecocq / EPA-EFE

ဓာတ်ပုံ ပုံစာ, ကိုရိုနာဗိုင်းရပ်စ် ကမ္ဘာ့ကပ်ဆိုက်ချိန် ဘယ်လ်ဂျီယံနိုင်ငံ ဘရပ်ဆဲလ်က အရေးပေါ် ကြပ်မတ်ကုသဆောင်မှာ သူနာပြု တစ်ယောက် အလုပ်ကနေ ခဏတာနားနေစဉ်။

ဓာတ်ပုံ ရင်းမြစ်, Willy Kurniawan / Reuters

ဓာတ်ပုံ ပုံစာ, အင်ဒိုနီးရှားနိုင်ငံ ဂျကာတာမှာ ကိုရိုနာဗိုင်းရပ်စ်ကြောင့် ဆုံးပါးသွားတဲ့သူတွေကို မြှုပ်နှံရာ သင်္ချိုင်းတစ်ခုဆီကို နောက်ထပ်ရောက်လာတဲ့ အခေါင်းတစ်ခု။ ဧပြီလနှောင်းပိုင်းအထိ ကမ္ဘာတလွှားမှာ ကိုရိုနာဗိုင်းရပ်စ်ကြောင့် သေဆုံးရသူ ၂ သိန်းကျော်သွားကြောင်း ဂျွန်ဟော့ပ်ကင်း တက္ကသိုလ်က ထုတ်ပြန်ခဲ့။

ဓာတ်ပုံ ရင်းမြစ်, Al Bello / Getty Images

ဓာတ်ပုံ ပုံစာ, နယူးရော့ခ်ပြည်နယ်၊ ဝန်တာမြို့မှာ ကိုရိုနာဗိုင်းရပ်စ်ကူးစက်မှုကို ကာကွယ်တားဆီးရင်း သားအမိ ၂ ယောက် ပလတ်စတစ်စတွေ အကာအရံထားကာ ပွေ့ဖက်နှုတ်ဆက်ကြပုံ။ ကမ္ဘာတလွှားနိုင်ငံတွေမှာ ရောဂါမပြန့်ပွားရေးအတွက် လော့ခ်ဒေါင်းတွေ ချ၊ လူတစ်ယောက်နဲ့ တစ်ယောက် ခပ်ခွာခွာနေကြရတဲ့ စည်းမျဉ်းတွေ ချ စသဖြင့် လုပ်ကြရပါတယ်။

ဓာတ်ပုံ ရင်းမြစ်, Fredrik Lerneryd / Getty Images

ဓာတ်ပုံ ပုံစာ, ကင်ညာနိုင်ငံက ဆမ်ဘူရု ကောင်တီမှာ မေလတုန်းက လူတစ်ယောက် ကျိုင်းကောင်တွေကို ခြောက်လှန့်ထုတ်စဉ်။ ဘီလျံပေါင်းများစွာ အရေအတွက်ရှိတဲ့ ကျိုင်းကောင်တွေဟာ အရှေ့အာဖရိကနိုင်ငံတွေက သီးနှံတွေကို ဖျက်ဆီးခဲ့ပါတယ်။

ဓာတ်ပုံ ရင်းမြစ်, Joe Raedle / Getty Images

ဓာတ်ပုံ ပုံစာ, တက်ဆက်ပြည်နယ် ဟူစတန်မြို့မှာ ဂျော့ ဖလွိုက်အမှတ်တရ ဂုဏ်ပြုရေးဆွဲထားတဲ့ နံရံဆေးရေးပန်းချီရှေ့မှာ လူတစ်ယောက် ဒူးထောက် ဆုတောင်းနေစဉ်။ မင်နီယာပူးလစ်မှာ မေလအတွင်းက မစ္စတာဖလွိုက်ဟာ သူ့ရဲ့ လည်ပင်းပေါ်ကို ရဲတစ်ယောက်က ၉ မိနစ်နီးပါးကြာ ဒူးထောက်ထိုင်ကာ ဖိထားခဲ့တဲ့အတွက် သေဆုံးခဲ့ရပြီး ဒီအဖြစ်က အမေရိကန် တစ်နိုင်ငံလုံးမှာ ဆန္ဒပြတာတွေကို ဖြစ်စေခဲ့ပါတယ်။

ဓာတ်ပုံ ရင်းမြစ်, Damir Sagolj / Getty Images

ဓာတ်ပုံ ပုံစာ, ဘော့စနီးယား ဟာဆီဂိုးဗီးနားက မော့စ်တာမှာ ၄၅၄ ကြိမ်မြောက် ရိုးရာ ဒိုင်ဗင်ထိုးပွဲ ကျင်းပစဉ် ပြိုင်ပွဲဝင် တစ်ဦး စတာရီ မို့စ် တံတား ခေါ် တံတားဟောင်း ပေါ်ကနေ မြစ်ထဲကို ဒိုက်ထိုးချစဉ်

ဓာတ်ပုံ ရင်းမြစ်, Brandon Bell / Getty Images

ဓာတ်ပုံ ပုံစာ, အမေရိကန်နိုင်ငံ၊ ဝစ်ကွန်ဆင်ပြည်နယ်၊ ကန်နိုရှာမှာ လူတွေ လက်မြှောက်ပြီး လုံခြုံရေးတပ်ဖွဲ့ဝင်တွေ ရှိရာကို လာနေစဉ်။ လူမည်း အမျိုးသားတစ်ယောက်ဖြစ်တဲ့ ဂျက်ကော့ ဘလိတ်ကို ရဲက သေနတ်နဲ့ အကြိမ်ကြိမ်ပစ်ခတ်ခဲ့ပြီးတဲ့နောက် ဆန္ဒပြပွဲတွေ ဖြစ်ခဲ့ပါတယ်။

ဓာတ်ပုံ ရင်းမြစ်, Mohamed Azakir / Reuters

ဓာတ်ပုံ ပုံစာ, ဘေရွတ်ဆိပ်ကမ်းနားမှာ ပေါက်ကွဲမှုဖြစ်ခဲ့ပြီးတဲ့နောက် ပွင့်ထွက်သွားတဲ့ ကုန်လှောင်ရုံတစ်ရုံနားမှာ လက်ဘနွန် စစ်သားတစ်ယောက် ဖြတ်လျှောက်နေစဉ်။ အမိုနီယမ်နိုက်တြိတ် တန် ၃၀၀၀ လောက် ထည့်လှောင်ထားတဲ့ ဂိုဒေါင် သြဂုတ်လ ၄ ရက်နေ့က ပေါက်ကွဲခဲ့လို့ လူ ၂၀၀ ကျော်သေဆုံးခဲ့ပြီး လူပေါင်း ၅၀၀၀ လောက်ဒဏ်ရာရခဲ့ပါတယ်။

ဓာတ်ပုံ ရင်းမြစ်, Vasily Fedosenko / Reuters

ဓာတ်ပုံ ပုံစာ, မင့်စ်မြို့က ဆန္ဒပြပွဲအတွင်း ဘယ်လာရုစ် ရဲတပ်ဖွဲ့ဝင်တစ်ယောက်ကို အမျိုးသမီးတစ်ယောက်က ပွေ့ဖက်ထားစဉ်။ သြဂုတ်လ ၉ ရက်နေ့ကကျင်းပခဲ့တဲ့ သမ္မတ ရွေးကောက်ပွဲမှာ နှစ်ပေါင်းများစွာ အာဏာကိုင်လာတဲ့ သမ္မတ လူကာရှန်ကို ပြန်အရွေးခံရတာဟာ မဲမသမာတွေ လုပ်ခဲ့တာကြောင့်လို့ လူထုက စွပ်စွဲကာ ဆန္ဒပြပွဲတွေ ဖြစ်လာခဲ့ပါတယ်။

ဓာတ်ပုံ ရင်းမြစ်, Philip Pacheco / Getty Images

ဓာတ်ပုံ ပုံစာ, စက်တင်ဘာလအတွင်း က ဆန်ဖရန်စစ္စကိုမှာ တောမီးကြောင့် ကောင်းကင်က လိမ္မော်ရောင်တောက်နေစဉ်။ ကာလီဖိုးနီးယားပြည်နယ်အတွင်း ဧက သန်းပေါင်းများစွာ ကျယ်ဝန်းတဲ့ သစ်တောဧရိယာကို တောမီးလောင်ခဲ့ပါတယ်။

ဓာတ်ပုံ ရင်းမြစ်, Tom Brenner / Reuters

ဓာတ်ပုံ ပုံစာ, ဖလော်ရီဒါ ပြည်နယ် ဂျက်ဆင်ဗေးလ်မှာ သမ္မတ ထရမ့် သမ္မတ ရွေးကောက်ပွဲအတွက် မဲဆွယ်စဉ်။ ရွေးကောက်ပွဲမတိုင်မီ တစ်လလောက်အလိုမှာ သူနဲ့ သူ့ဇနီး မယ်လာနီယာ တို့ ဗိုင်းရပ်စ်ပိုးကူးစက်ခံထားရတာကို စစ်ဆေးတွေ့ရကြောင်း သမ္မတ ထရမ့်က ထုတ်ဖော်ပြောခဲ့ပါတယ်။

ဓာတ်ပုံ ရင်းမြစ်, Fayaz Aziz / Reuters

ဓာတ်ပုံ ပုံစာ, ပါကစ္စတန်နိုင်ငံ ပက်ရှဝါမှာ ကျောင်းထဲဝင်မယ့် ကျောင်းသူတွေကို အပူချိန် တိုင်းနေပုံ။ ကမ္ဘာ့ကပ်အတွင်း လော့ခ်ဒေါင်းချပြီးတဲ့နောက် ကျောင်းတွေ ပြန်ဖွင့်ဖို့ အစိုးရက ခွင့်ပြုခဲ့ပါတယ်။

ဓာတ်ပုံ ရင်းမြစ်, Byron Smith / Getty Images

ဓာတ်ပုံ ပုံစာ, ဂရိနိုင်ငံ လက်စ်ဘို့ကျွန်းက မိုရီယာ စခန်းမှာ မီးတွေလောင်ကျွမ်းစဉ်။ ဒီစခန်းဟာ ရွှေ့ပြောင်းဝင်ရောက်သူတွေ ခိုလှုံရာ ဂရိက စခန်းတွေထဲ အကြီးဆုံးစခန်းဖြစ်ပြီး ဒီမီးကြောင့် ထောင်နဲ့ ချီတဲ့ လူတွေ နေစရာ ပျောက်ဆုံးသွားပါတယ်။

ဓာတ်ပုံ ရင်းမြစ်, Kim Hong-Ji / Reuters

ဓာတ်ပုံ ပုံစာ, တောင်ကိုရီးယား၊ ဟန်နန်က ပန်းရောင် မြက်တောထဲ အောက်တိုဘာတုန်းက အမျိုးသမီး တစ်ယောက် ဆယ်ဖီဆွဲနေစဉ်။

ဓာတ်ပုံ ရင်းမြစ်, Jim Bourg / Reuters

ဓာတ်ပုံ ပုံစာ, သမ္မတရွေးကောက်ပွဲမှာ အနိုင်ရပြီဆိုတဲ့ သတင်းကြေညာချက်ကို ဒလာဝဲလ် ပြည်နယ်၊ ဝယ်မင်တန်မြို့က လူထုအခမ်းအနားမတစ်ခုမှာ ရောက်နေတဲ့ သမ္မတလောင်း ဂျိုးဘိုင်ဒန် ကြားလိုက်ရစဉ်။ နိုဝင်ဘာလက ရွေးကောက်ပွဲမှာ ဒီမိုကရက်ပါတီက သမ္မတလောင်း ဂျိုးဘိုင်ဒန်က သမ္မတ ရွေးချယ်တင်မြှောက်ရေးအဖွဲ့ဝင်မဲ ၃၀၆ မဲ ရခဲ့ကာ ရီဘတ်ပလီကန် ဒေါ်နယ်ထရမ့်က ၂၃၂ မဲ ရခဲ့ပါတယ်။

ဓာတ်ပုံ ရင်းမြစ်, Eva Plevier / Reuters

ဓာတ်ပုံ ပုံစာ, နယ်သာလန်နိုင်ငံ၊ စပစ်ကန်နစ်ဆီမြို့မှာ ရထားတစ်စီး အရံအတားတစ်ခုကို တိုက်ကာ လမ်းချော်ထွက်လာပြီး ဝေလငါး ရုပ်တုနဲ့ တိုက်မိကာ ရပ်သွားစဉ်။ ဝေလငါး ရုပ်တုကြောင့် ၃၂ အမြင့်တံတားကနေ အောက်က ချောင်းထဲကို ရထားထိုးမကျသွားခဲ့ပါဘူး၊ ရထားမောင်းသမားလည်း ဒဏ်ရာ တစ်စုံတစ်ရာမရဘဲ ရထားကနေ ဆင်းနိုင်ခဲ့ပါတယ်။

ဓာတ်ပုံ ရင်းမြစ်, Eloisa Lopez / Reuters

ဓာတ်ပုံ ပုံစာ, ဖိလစ်ပိုင် ဆန် မက်တီရိုမှာ တိုင်ဖွန်း ဗမ်ကို တိုက်ခတ်ပြီးတဲ့နောက် ရေကြီးတာခံလိုက်ရတဲ့ သူ့အိမ်ကို ပြန်ရှင်းနေတဲ့ လူတစ်ယောက် ခဏနားနေစဉ်။ နိုဝင်ဘာလက တိုက်ခဲ့တဲ့ မုန်တိုင်းဟာ ဒီနှစ်အတွင်း ဖိလစ်ပိုင်ကိုတိုက်ခဲ့တဲ့ ၂၁ လုံးမြောက် မုန်တိုင်းပါ။ လူတွေလည်း ဒါဇင်နဲ့ချီ သေဆုံးခဲ့ရပါတယ်။

ဓာတ်ပုံ ရင်းမြစ်, Toya Sarno Jordan / Reuters

ဓာတ်ပုံ ပုံစာ, အမျိုးသမီးတွေကို အကြမ်းဖက်တာတွေအပေါ် မက်ဆီကို စီတီးမှာ ဆန့်ကျင်ဆန္ဒပြစဉ်မှာ ဆန္ဒပြသူတစ်ယောက်က အဓိကရုဏ်းရဲ တစ်ယောက်က ခေါင်းဆောင်းမျက်နှာ အကာကို ဆေးနဲ့ချယ်နေစဉ်

ဓာတ်ပုံ ရင်းမြစ်, Byron Smith / Getty Images

ဓာတ်ပုံ ပုံစာ, အိမ်နီးချင်း ဆူဒန်နိုင်ငံက စခန်းဆီ ပို့ပေးမှာကို စောင့်နေတဲ့ အီသီယိုပီးယားနိုင်ငံ၊ တီဂရေးဒေသက ဒုက္ခသည်တွေ။ နိုဝင်ဘာ ၄ ရက်က စပြီးဖြစ်ခဲ့တဲ့ အီသီယိုပီးယား အစိုးရတပ်ဖွဲ့တွေနဲ့ တီဂရေး ပြည်သူ့ လွတ်မြောက်ရေး လက်နက်ကိုင်အဖွဲ့တို့အကြား တိုက်ပွဲတွေအတွင်း အရပ်သားတွေ ရာနဲ့ချီသေဆုံးခဲ့ကာ လူ ၅၀၀၀၀ လောက် ဆူဒန်ကို ထွက်ပြေးခဲ့ကြပါတယ်။

ဓာတ်ပုံ ရင်းမြစ်, Morgan Sette / AFP

ဓာတ်ပုံ ပုံစာ, ဂျပန်နိုင်ငံရဲ့ ဟာရာဘူဆာ ၂ အာကာသစူးစမ်းလေ့လာရေးယာဉ်က ဂြိုဟ်တုယာဉ်ငယ်တစ်ခု သြစတြေးလျတောင်ပိုင်းကို ကျလာစဉ်(နောက်ပိုင်းမှာ လေထီးဖွင့်ပြီး ကျလာတာဖြစ်တဲ့အတွက် မြေပြင်ကို ကောင်းမွန်စွာကျခဲ့)။ ဒီဇင်ဘာလအတွင်းက ကမ္ဘာမြေကိုဆင်းလာတဲ့ ဒီယာဉ်ငယ်မှာ ဥက္ကာခဲတစ်ခုထဲက ကျောက်တွေအတော်များများကို သယ်လာနိုင်ခဲ့ပါတယ်။

ဓာတ်ပုံအားလုံးမှာ မူပိုင်ခွင့် သတ်မှတ်ထားပါတယ်။