ကိုယ်ဝန်ဖျက်မှု ပိတ်ပင်တဲ့ ဥပဒေကို ပိုလန် အောက်လွှတ်တော် ပယ်ချ

ပိုလန် နိုင်ငံမှာ အမျိုးသမီးတွေအတွက် ကိုယ်ဝန်ဖျက်ချမှုကို လုံးဝနီးပါး ပိတ်ပင်ပြီး ဖျက်ချသူကို ထောင်ဒဏ်ပေးမယ် ဆိုတဲ့ ဥပဒေကြမ်းကို ပိုလန် အောက်လွှတ်တော်က ပယ်ချလိုက်ပါတယ်။

ဒါဟာ အာဏာရတာ တနှစ်ရှိပြီဖြစ်တဲ့ ပိုလန် ဥပဒေနဲ့ တရားရေး ပါတီအတွက် ပထမဆုံး ဆုံးရှုံးမှု တခု ဖြစ်ပါတယ်။

ဒီဥပဒေကြမ်းဟာ ပြည်သူတင်ပြတဲ့ အစီအစဉ် အဖြစ် စတင် ခဲ့ပေမယ့် နိုင်ငံတဝန်းမှာ အမျိုးသမီးတွေက ဒီဥပဒေကို သိန်းနဲ့ချီပြီး ဆန္ဒပြခဲ့ကြပါတယ်။

အဲဒီ့နောက်ပိုင်းမှာတော့ အစိုးရဝန်ကြီးတွေက ဒီဥပဒေကြမ်းနဲ့ ခပ်ကင်းကင်းနေခဲ့ကြပါတယ်။