KALLATTIIN, Waraanni tibbanaa erga eegalee yeroo jalqabaaf Huutiin Iraaniin deeggaraman Israa'elitti dhukaasan

Haguuggii Tamsaasa Kallattii

1. Sa'aatii 7 duraZeleniskiin daawwannaa Baha Giddugalaatti taasisaa jiruun meeshaa farra diroonii dhiyeessuf walii gale

   

   Madda suuraa, Reuters

   Yeroo biyyoonni Galoo Galaanaa diroonii Iraaniin goolamaa jiranitti, Pirezidaantiin Yukireen Voloodmiir Zeleniskiin Baha Giddugalaatti daawwannaa taasisaa jira.

   Meeshaan farra diroonii Yukireen waraana Raashiyaa waliin gaggeessaa jirturratti itti dhimma baahaa jirtu Baha Giddugalaattis akkaan barbaadamaa jira.

   Zeleniskiin daawwannaa UAEfi Kaataritti taasisaa jiruun biyyoota kana waliin waliigaltee waraanaa waliif mallatteessaniiru.

   Waliigalteen isaaniis Yukireen ogeeyyii farra dirooniifi teeknolojii diroonii dhiyeessuu irratti kan xiyyeeffateedha jedhame.

   Biyyoonni Galoo Galaanaa dirooniwwan Iraan qolachuuf waraanichi akkuma eegaleen ijji isaanii gara Yukireen ilaale.

   Yukireen teeknolojii farra diroonii kalaquun adda waraanatti heddu itti milkaa'aa jirti. Biyyoonni Galoo Galaanas teeknolojii kana akka fayyadamaniif ogeeyyii diroonii 100 torban lama dura gara Baha Giddugalaatti erguu beeksksiftee turte.

   Iraan ibsa har'a baasteen, kuusaa farra diroonii Yukireen kan Abu Daabii jiru haleeluu ibsitus Yukireen soba jette.

2. Sa'aatii 8 duraUAEn Iraan har'a qofaa misaaa'eloota 20 fi dirooniwwan heddu natti dhukaaste jechuun himatte

   

   Madda suuraa, EPA

   Yunaayitid Arab Emireetis (UAE) Iraan har'a misaa'eloota baalistikii 20 fi dirooniwwan 37 itti dhukaasuu himatte.

   Ministeerri Ittisaa UAE misaa'elotaafi dirooniwwan Iraan irraa itti dhukaafaman qolachuu beeksise.

   Erga US-Israa'elifi Iraan gidduutti waraanni eegalee as misaa'elotaa baalistikii 398, misaa'ela kiruuzii 15 fi dirooniwwan 1,872 Iraanirraa gara UAEtti dhukaafamuu ministeerri ittisaa biyyatti beeksise.

   Haleellaa Iraa gaggeessaa jirtuun miseensota humna waraanaashee dabalatee hanga ammaa namoonni 11 du'uus beeksiste.

   The defence ministry says attacks have led to 11 deaths, including two members of the armed forces as well as a Moroccan civilian contracted by the armed forces.

   Magaala guddoo biyyattii Abu Daabii keessatti caccabaa misaa'elaan namoonni shan har'a miidhan qaamaa irra gaheera.

3. 28 Bitooteessa 2026'Huutiin Iraanirra goree lolatti seenuunsaa Israa'eliif mataa bowwoo ta'uun hin oolu'

   

   Madda suuraa, EPA

   Hidhattoonni Huutii ji'oota heddu booda yeroo jalqabaaf Israa'elitti dhukaasan.

   Waraanni US-Israa'elifi Iraan gidduutti erga eegalee yeroo jalqabaaf dhukaasuu isaati.

   Huutiin lolatti seenuun Israa'eliif mataa bowwoo dabalataa ta'uu akka hin oolle himu xinxaaltonni.

   Israa'el Iraanifi Hezbollaa waliin lola kallattii lamaan yeroo lolaa jirtutti Huutiin dabalamuunsaa adda waraanaa dabalataa akka banamu taasisa.

   Kuni ammoo humni waraanaa Israa'el kallattii heddutti akka dhifamu godha. Bara 2023 yeroo Hamaasifi Israa'el gidduutti waraanni baname, Huutiin Hamaas irra goruun Israa'elitti dhukaasaa ture.

   Haleellaan misa'aelaafi dioonii Huutiin gaggeessu Israa'el irra miidhaa cimaa geessisuu baatullee, sochii daldalaa Galaana Diimaa irratti danqee ture.

   Hidhattoonni Huutii akkuma Israa'elitti misaa'ela dhukaasuu beeksisan dooniwwan Israa'el waliin hidhata qaban Galaana Diimaa irratti ni haleelu taanan, Israa'eliif yaaddoo dabalataati

   Gama biraan ammoo Iraan Ulaan Hormuuz cufuu hordofee Saawudii Arabiyaan boba'aashee Galaana Diimaa gabaa addunyaaf dhiyeessa jirti.

   Dooniwwan keessumaa gara Eshiyaa deemaan, karaa Yaman imaluunsaanii dirqama. Huutiin haleellaa Israa'el irratti gaggeessun alatti, Galaana Diimarratti haleellaa gaggeessa taanan gabaan boba'aa addunyaa caalmatti olka'uun waan hin oolledha jedhamee sodaatama.

4. 28 Bitooteessa 2026Waraanni Baha Giddu Galaa mariin akka xumuramuuf jaarsoliin araaraa Paakistaanitti wal-gahuufi

   

   Madda suuraa, Reuters

   Waraanni US-Israa'elifi Iraan gidduutti gaggeeffamaa jiru mariin furmaata akka argatuuf biyyoonni tattaaffii jaarsummaa taasisaa jiran Paakistaanitti wal-gahuufi.

   Paakistaan minisiirota dhimma alaa Saawudii Arabiyaa, Turkiifi Masirii keessummeessuun tattaaffiin marii nagaa akka gaggeeffamu beeksifte.

   Marii taasifamuuf jedhu ilaalchisee Ministiirri Muummee Paakistaan Shehbaaz Shariif Pirezidaantii Iraan Masuud Pezeekshiyaan waliin dubbachuu mirkaneessan.

   Mariin kunis borii jalqabee guyyoota lamaaf akka gaggeeffamu kan ibsite yoo ta'u, magaalaa Islaamaabaaditti wal-gahuun mariin bal'aan ni gaggeefame jedhame.

   Ministiirri dhimma alaa Paakistaan Ishaaq Daar fuula X gubbaatti akka barreessanitti, "naannichatti muddama halate qabbaneessuuf mariin bal'aan ni taasifama" jedhan.

   Masiriin maricharratti akka hirmaattu mirkaneessuun, ministiira dhimma alaashee Islaamaabaaditti erguu beeksifte.

   Waraanni Baha Giddu Galaa erga eegalee, mariin akka gaggeeffamuuf biyyoota adda dureen yaalii gochaa turan keessaa Paakistaan tokkoodha.

   Jalqaba torban kanaa USfi Iraan gidduu waliin dubbii karaa al-kallattii gaggeeffamaa akka jiru ibsitee turte.

   Doonaald Tiraamp gamasaan Iraan US waliin marii gaggeessaa akka jirtu ibsuun, haleellaa silaa wiirtuwwan anniisaa Iraanirratti gaggeeffamuuf ture guyyaa 10 achi butuu beeksise.

   Iraan garuu mariin US waliin gochaa jirtu homaatuu akka hin jirre guyyoota darban ibsaa turte.

5. 28 Bitooteessa 2026US doonii guddicha xayyaarota waraanaa baatu dabalataan Baha Giddu Galaatti ergite

   

   Madda suuraa, Getty Images

   Amerikaan doonii waraanaa xayyaarota waraanaa fe'u dabalataan Baha Giddu Galaatti ergite.

   Dooniin waraanaa xayyaarota waraanaa fe'u USS George HW Bush jedhu gara Baha Giddu Galaatti qajeeluu CBS News qondaalota US irraa odeeffadhe jechuun gabaase.

   Dooniin waraanaa xayyaarota waraanaa gosa garaa garaa baatu kun jalqaba ji'a kanaarraa kaasee shaakala waraanarra kan ture yoo ta'u, amma dooniwwan waraanaa US Baha Giddu Galaatti waraana irratti hirmaataa jiranitti dabalamuufi jedhame.

   Dooniin kun xayyaarota waraanaa 80 ol kan baatu yoo ta'u, dooniwwan waraanaa biroo haleellaa misaa'elaa gaggeessaniin dabaalamee kan deemudha.

   US dooniwwan waraanaa xayyaarota waraanaa fe'an Abraham Lincoln fi Jerald Ford jedhamaniifi dooniwwan haleellaa gaggeessan biroo Baha Giddu Galaatti erguun haleellaa Iraan irratti gaggeessaa jirti.

   Dooniwwan waraanaa biroo haleellaa misaa'elaa gaggeessan lama: USS Donald Cook fi USS Mason jedhaman waraana Baha Giddu Galaatti gaggeeffamaa jiru irratti hirmaachuuf torban kana US irraa ka'uun ibsame.

   USS Abraham Lincoln: Dooniin waraanaa guddichi Ameerikaan gara Iraanitti butte maal qabateera?

6. 28 Bitooteessa 2026Buufannni Xayyaaraa Idiladdunyaa Kuweet diroonin haleelame

   

   Madda suuraa, Getty Images

   Kuweet buufata xayyaaraa idiladdunyaa isheerratti haleellaan diroonii gaggeeffamuu beeksifte.

   Miidiyaan biyyattii KUNA jedhamu akka gabaasetti, haleellaan diroonii buufata xayyaaraa biyyattiirratti qiyyaafatame gaggeeffame.

   Haleellaa kanaan namarra miidhaan qaqqabe hin jiru jedhame.

   Kuweet biyyoota Baha Galoo Galaanaa haleellaa Iraanif saaxilaman keessaa tokkoodha.

   Buufanni xayyaaraa biyyattii haleelamuun kun kan jalqabaa miti. Roobii darbes kuusaan boba'aa buufata xayyaarichaa keessatti argamu diroonii Iraaniin haleelamuu biyyattiin ibsitee turte.

   Gama biraan ammoo Iraan har'a buufata waraanaa US Saawudii Arabiyaa jirurratti haleellaa gaggeessiteetti.

   Haleellaa buufata waraanaa Piriins Sultaan irratti gaggeeffameen loltoonni US 12 madaa'uu miidiyaaleen Ameerikaa gabaasan.

7. 28 Bitooteessa 2026Huutiin Israa'elitti misaayela dhukaasuu mirkaneesse

   

   Madda suuraa, Almasirah

   Gareen hidhataa Yaman Iraaniin deeggaramu Huutiin erga waraanni US-Israa'eliifi Iraan eegalee yeroo duraaf gara Israa'elitti dhukaasuu beeksise.

   Dubii himaan waraana Huutii Yaahiyaa Saaree haleellaawwan misaayelaa hedduu buufataalee waraanaa Israa'elirratti xiyyeeffatan'' raawwatamuu mirkaneesse.

   Haleellaan kun haleellaa Iraan, Libaanos, Iraaqiifi Filisxeem keessatti raawwatamaniif deebii kennuufi.

   Haleellaan Huutii kun hanga weerarri adda hundaan baname xumuramutti itti fufa jedhe dubbii himaan kun.

   Israa'el misaayela Yamanirraa dhukaafame qolachuu beeksisteetti.

8. 28 Bitooteessa 2026Huutiin waraanatti seenuun addi waraanaa biraa akka banamu gochuu mala

   

   Madda suuraa, Reuters

   Waraanni US-Israa'el fi Iraan gidduutti gaggeeffamu erga eegalee yeoo jalqabaaf Huutii Yaman Istraa'elitti dhukaasuu beeksise.

   Halkan edaa dubbi himaan Himaan waraana Huutii, Yaahyaa Saree, akeekkachiisa kenneen qaamoleen biroo USfi Israa'elitti dabalamuun Iraan haleelu taanan Huutinis waraanatti akka seenu beeksisee ture.

   Humni Waraanaa Israa'el Sambata ganama ibsa baaseen, misaa'eloonni Yaman irraa itti dhukaafamuu mirkaneesse.

   Huutiin Iraan irra goruun waraana kanatti makamuun, Galaana Arabaa irratti addi waraanaa biraa akka banamu taasisa yaaddoo jedhu uumee jira.

   Iraan Ulaa Hormuuz cufuun gabaan boba'aa addunyaafi dhiyeessii meeshaalee biroo akkuma danqite, Huutunis Galaana Diimaa irratti bidiruuwwan daldalaa danquu danda'a yaadoo jedhu uumera.

   Waraana Hamaas fi Israa'el gidduutti gaggeeffama ture hordofee, Huutiin Galaana Diimaa irratti dooniwwan Israa'el wajjin hidhata qabu jedhe haleelaa turuun imala danquunsaa ni yaadatama.

   Israa'el fi Hamaas gidduutti waliigalteen dhukaasa dhaabuu taasifamuu hordofee, haleellaa Galaana Diimaa irratti gaggeessu dhaabuu ibsee ture.

   Amma Iraan irra goruun Israa'el haleeluu beeksisuun alatti, Ulaa Galaana Diimaa irratti haleellaa gaggeessuuf karoora qabaachuu waan ibse hin qabu.

9. 28 Bitooteessa 2026'Haakaroonni' hidhata Iraan qabu jedhaman imeelii daayireektara FBI cabsan

   

   Madda suuraa, Getty Images

   'Haakaroonni' saayibarii Iraan waliin hidhata qabu jedhaman imeelii dhuunfaa daayireektara Biiroo Qorannoo Yakka Federaalaa (FBI) cabsuun seenuu gabaasaalen ibsan.

   Dayaireektara FBI kan ta'e Kaash Paateel imeeliin dhuunfaasaa haakaroota Iraan waliin hidhata qabu jedhamaniin jalaa cabuu CBS News gabaase.

   FBI ibsa baaseen, imeeliin dhuunfaa gaggeessaa isaa 'haakarootaan' yaaliin cabsuu irratti gaggeeffamuu amanuun tarkaanfii barbaachisaa fudhachuu beeksise.

   Imeelii dhuunfaa Kaash Paatel 'haakaroonni' Iraanin hidhata qaban cabsan jedhame keessatti "icciitiin mootummaa balaarra buusu hin jiru" jedhe FBI ibsa baase keessatti.

   Hojii yakka saayibarii kanaaf dhaabbanni "Handala HackTeam" jedhamu raawwachuu isaa ibseera.

   Dhaabbanni kun Ministeera Tikaafi Nageenya Iraan waliin hidhata qabaachuu isaa Ministeerri Haqaa US ibse.

   Dhaabbata Handala HackTeam jedhamu eenyu akka ta'eefi [qaama gaggeessu] nama odeeffannoo kenneef beenyaan dolaara miliyeena 10 akka kennamu FBI ibse.

10. 28 Bitooteessa 2026Abu Daabiitti misaayelli qolatamuu booda namootni shan miidhaman

    Magaalaa guddoo Yunaayitiid Arab Emireets kan taate Abuu Daabiitti haleellaan misaayelaa Iraan raawwatte qolatamuu booda namoota shanirra miidhaan gahe.

    Namootni miidhaman shanan lammiilee Indiyaa zoonii dinagdee Kaalifa (KIZAD) jedhamutti yoo ta'u, caccabaa misaayelichaan miidhaman jechuu gabaasni Abuu Daabii Miidiyaa Ofis himeera.

11. 28 Bitooteessa 2026Erga waraanni eegalee yeroo duraaf Yamanirraa misaayelli itti dhukaafamuu Israa'el beeksifte

    

    Madda suuraa, Anadolu via Getty Images

    Humni ittisaa Israa'el erga waraanni eegalee yeroo duraaf misaayelli Yaman irraa itti dhukaafamauu beeksise.

    ''Humni Ittisaa Israa'el (IDF) Yamanirraa misaayela gara daangaa Israa'elittti dhukaafamuu adda baasneerra, sirni ittisa qilleensaa haleellaa kana qolachuuf hojjechaa jira'' jedhe waajirichi ibsa Telegram gubbaa baaseen.

    Ibsa kana daqiiqaa 15 boodammoo iddoowwan dahannoo keessaa bahee socho'uuf yaaddoon akka hin jirre beeksise.

    Dubbii himaan hidhattoota Yaman keessa jiraniifi Iraaniin deeggaraman, Huutii Iraan haleeluun yoo itti fufe waraana Baha Gidduugalaatti akka makamu beeksisee ture.

    Dubbii himaan waraana Huutii Yaahiyaa Saaree ammoo ibsa Telegiraam gubbaa baaseen sababoota gurguddoo armaan gadiif qubni keenya qaataa harkisee kallattiin waraana keessa galuu dandeenya jedhe;

    • Biyyi biraan US fi Israa'elitti dabalamee Iraan yoo waraane
    • Galaanni diimaa Ameerikaa fi Israa'el Rippaablika Islaamaa Iraan fi biyya Musliimaa kamuumiidhuuf faayidaarra yoo oole
    • Iraanirratti haleellaan raawwatamu yoo itti fufe

    Ibsi Huutii kun Ameerikaa fi Israa'el weerara Rippaablika Islaamaa Iraan, Filisxeemifi Gaazaa, Iraaq fi Libaanos keessatti raawwataniif deebii ta'a jedha.

12. 28 Bitooteessa 2026Haaldureewwan Iraan lafa keesse maali?

    

    Madda suuraa, Getty Images

    Karoora nagaa abbaa qabxii 15 Pirezidant Tiraamp waraana dhaabuuf qopheessan Iraan diduu miidiyaan mootummaa Iraaniin Piress TV 'n gabaaseera.

    Qondaala ''siyaasa-nageenya olaanaa'' hin beekamnee waabeffachuun akka gabaasetti, Iraan beenyaa waraanaa dabalatee haal-dureewwan shan waraana kana dhaabuuf filatte ibsiteetti.

    Haaldureewwn Iraan kun kaayyoo nagaa abbaa qabxii 15 Tiraamp qopheessaniifi aangawoonni US erga mirkaneessanii miidiyaan Israa'el Channel 12 gabaase waliin wal hin fakkaatan ykn wal faallessu.

    Karoorri nagaa Tiraamp 15'n waraana dhaabuuf baasaniifi Iraan mormitu maali?

13. 28 Bitooteessa 2026Iraan buufata waraanaa US Saawd Arabiyaa jiru haleelte

    

    Madda suuraa, X/mamlekate

    Akka miidiyaaleen US gabaasanitti haleellaa Iraan buufata waraanaa Ameerikaa Saawdi Arabiyaa Priinsi Sulxaanitti raawwatteen loltootni 12 miidhamaniiru.

    Michuun BBC, CBS akka gabaasetti haleellaa kanaan jalqaba kan miidhaman loltoota 10 turan booda 12 ta'an.

    Warreen miidhaman keessaa yoo xiqqaate lamaan isaaniirra miidhaa guddaan qaqqabeera.

    Loltootni kun wayita haleellaan Iraan kun raawwatu gamoo rukutame keessa turan.

    Iraan buufata waraanaa US kan misaayela tokkoofi dirooniiwwan baayyeen rukutte jedhameera. Odeeffannoo kana maddeen maqaansaanii hin dhahamnetu Niwwyoork Times fi Wall Street Journal hime.

    Pentagoon fi gidduugalli ajaja waraanaa US waayee haleellaa kanaa ammatti ibsa hin kennine.

    Odeeffannoo kana waliin walqabatan:

    Biyyoota Galoo Galaanaa maaltu haaloo bahuuf isaan kakaasuu danda'a?

    Dandeettii fageenya misaa'elaa

14. 28 Bitooteessa 2026Tamsaasa kallattii

    Ashamaa! tamsaasni kallattii Bitootessa 28/2026 eegaleera.

    Odeessalee haaraa Baha Giddugaleessaafi guutuu addunyaa isin biraan geenya.