Sarah Last

Mae Sarah yn gyfrifol am arwain strategaeth pobl yn BBC Cymru Wales ac am weithio mewn partneriaeth ag uwch arweinwyr, i gyfrannu at gyfeiriad strategol y busnes i’r dyfodol. Mae ei meysydd arbenigol yn cynnwys dylunio, newid a thrawsnewid sefydliadol, rheoli talent ac adnoddau, a datblygu arweinyddiaeth.

Ymunodd Sarah â thîm Adnoddau Dynol y BBC yn 2011, yn dilyn swyddi gyda Capita a Choleg Brenhinol Cerdd a Drama Cymru. 

Daw Sarah yn wreiddiol o Bort Talbot, a mynychodd Ysgol Gyfun Sandfields. Astudiodd y Gymraeg ym Mhrifysgol Abertawe ac aeth ymlaen i gael ei haelodaeth o’r Sefydliad Siartredig ar gyfer Datblygiad Proffesiynol (CIPD) ym Mhrifysgol Morgannwg yn 2013. Mae Sarah bellach yn byw yng Nghaerdydd gyda’i theulu.