Dafydd Meredydd

Wedi’i benodi’n Bennaeth Gwasanaethau Cymraeg yn BBC Cymru Wales yn 2021, mae cyfrifoldebau Dafydd yn cynnwys Radio Cymru, Radio Cymru 2 a Cymru Fyw.

Dechreuodd ei yrfa yn BBC Cymru yn y ‘90au cynnar fel ymchwilydd gyda Radio Cymru, cyn mynd ymlaen i arwain rhai o dimau’r orsaf fel cynhyrchydd ac uwch gynhyrchydd. Gan fynd o dan yr enw “Daf Du”, ymddangosodd hefyd fel cyflwynydd ar radio a theledu Cymraeg am bron i 3 degawd. Wedi mynychu Ysgol Brynrefail, Llanrug, cyn astudio Ffiseg y Planedau a'r Gofod ym Mhrifysgol Aberystwyth, mae Dafydd bellach yn byw yng Nghaerdydd gyda’i deulu.