پاکستان اور انڈیا سمیت دنیا بھر میں عید الاضحٰی کی تصاویر

پیر کو پاکستان اور انڈیا میں عید منائی جا رہی ہے اور لوگ نماز عید کے بعد قربانی کرنے میں مصروف ہیں۔

پاکستان میں عید قربان کے اجتماعات کے لیے خصوصی انتظامات کیے جاتے ہیں۔

پاکستان کی بعض مساجد میں عید کے موقع پر خواتین کے لیے خصوصی انتظامات کیے جاتے ہیں۔

دلی میں کشمیری خواتین عید کا خطبہ سنتے ہوئے۔

پرانی دلی کی شاہی مسجد میں عید کا بڑا اجتماع

اتوار کو بھی کئی ملکوں میں عید الاضحٰی منائی گئی

مناسکِ حج کے بعد دنیا بھر میں مسلمان عیدالاضحٰی کے اجتماعات میں حصہ لے رہے ہیں۔ اس برس 20 لاکھ سے زیادہ مسلمانوں نے فریضۂ حج ادا کیا۔

آبادی کے لحاظ سے انڈونیشیا دنیا کا سب سے بڑا اسلامی ملک ہے، جہاں دنیا بھر کے مسلمانوں کا 12.7 فیصد مسلمان بستے ہیں۔ اس کے بعد پاکستان 11 فیصد اور انڈیا 10.9 فیصد آبادی کے ساتھ بالترتیب دوسرے اور تیسرے نمبر پر ہیں۔

کئی دوسرے اسلامی ملکوں کی طرح انڈونیشیا میں بھی خواتین عید کی نماز مساجد اور عیدگاہوں میں جا کر باجماعت ادا کرتی ہیں۔

فلسطینی مسجد الاقصٰی میں عیدالاضحٰی کی نماز ادا کر رہے ہیں۔ مسلمانوں کے لیے مسجدِ الحرام اور مسجدِ نبوی کے بعد مسجدِ الاقصٰی تیسرا سب سے زیادہ مقدس مقام ہے۔ مسلمانوں کے عقیدے کے مطابق پیغمبرِ اسلام یہیں سے معراج پر گئے تھے۔

آج یہودیوں اور مسلمانوں کے مقدس تہوار ایک ساتھ واقع ہونے کی وجہ سے بیت المقدس میں دونوں مذاہب کے ماننے والوں کے درمیان کشیدگی کے بعد فلسطینیوں کے خلاف اسرائیلی پولیس کی کارروائی۔

لیبیا کے متحارب گروہوں نے عید الاضحٰی کے موقع پر تین دن کے لیے جنگ بندی کا اعلان کیا ہے۔

اقوام متحدہ نے اس عارضی جنگ بندی کا خیرمقدم کیا ہے۔ سنہ 2011 میں کرنل قذافی کی ہلاکت کے بعد سے لیبیا خانہ جنگی کا شکار ہے۔

افغانستان کے صوبہ خوست میں عید کے موقع پر سکیورٹی کے انتظامات۔ افغانستان میں قیام امن کے لیے افغان طالبان اور امریکہ کے مابین دوحہ مذاکرات کے کئی دور ہونے کے بعد بات چیت کے نتیجہ خیز ہونے کی امید بندھ چلی ہے۔

مصر کے علاقے جیزہ میں خواتین اور مرد عید کی نماز مشترکہ صفوں میں ادا کر رہے ہیں۔

دبئی میں ناک سے ناک ملا کر عید کی مبارک باد دینے کا اچھوتا انداز۔ خلیجی ممالک اور یمن میں ناک سے ناک چھونا ہاتھ ملانے کے مترادف سمجھا جاتا ہے۔

یوگینڈا میں مسلمان سب سے بڑی اقلیت ہیں۔

روس کے دارالحکومت ماسکو میں مسلمان نمازِ عید کے لیے جا رہے ہیں۔

عید پر لوگ اپنے پیاروں کو یاد کرنے قبرستان کا رخ بھی کرتے ہیں۔ یمن کی حالیہ خانہ جنگی میں ہزاروں افراد ہلاک ہو چکے ہیں۔

عیدالضحٰی کے موقع پر ایک عراقی خاتون اپنے رشتہ دار کی قبر پر دعا کر رہی ہیں۔