 | | | صدر بش کے اس نوٹ کی مخاطب کونڈالیزا رائس تھیں |
ایک اہم ملاقات یا اجلاس کے دوران اگر کسی کو رفع حاجت کے لیے اٹھنا پڑے تو یہ عام سی بات ہے لیکن اگر آپ صدرِ امریکہ ہوں اور اجلاس اقوامِ متحدہ کا ہو جس میں 150 ممالک کے رہنما شریک ہوں تو یہ معاملہ اتنا آسان نہیں رہتا۔
اس وقت جب اقوامِ متحدہ کے اجلاس میں دہشت گردی اور ادارے کی اندرونی اصلاحات پر بحث جاری تھی، خبر رساں ادارے رائٹرز کے ایک فوٹوگرافر نے اپنے کیمرے میں صدر بش کو یہ نوٹ لکھتے ہوئے محفوظ کر لیا کہ ’ میرے خیال میں مجھے رفع حاجت کے لیے جانا ہے۔ کیا یہ ممکن ہے؟ کہا جا رہا ہے کہ اس نوٹ کی مخاطب امریکی وزیرِ خارجہ کونڈالیزا رائس تھیں۔ صدر بش کے اس جملے کی تصویر اشاعت کے بعد سے بہت سے ویب سائٹوں پر بھی زیرِ بحث ہے۔ صدر بش اقوامِ متحدہ کی ساٹھویں سالگرہ کے موقع پر ہونے والے اجلاس کے افتتاحی سیشن میں دنیا بھر کے حکمرانوں، صدور اور وزرائے اعظم کے ہمراہ شریک تھے۔ اس اجلاس میں انہوں نے اپنی تقریر میں اقوامِ متحدہ پر زور دیا کہ وہ بامقصد اصلاحات کرے تاکہ یہ ادارہ جدید چیلنجوں کا سامنا کر سکے۔ | 
یہ صفحہ دوست کو ای میل کیجیئے
پرِنٹ کریں
