US-Iran talks make progress but no sign of deal yet as Strait of Hormuz remain closed
Wia dis foto come from, Reuters
US President Donald Trump say "very good conversations" dey happen wit Iran, but say e no go let Tehran "blackmail" US over di Strait of Hormuz.
Trump tell reporters for di Oval Office on Saturday, say Iran dey act "a little cute as dem don do for 47 years".
Trump bin don say di US blockade of Iranian ports go continue until "our transaction wit Iran dey 100% complete".
Meanwhile, Mohammad Bagher Ghalibaf, Iran parliamentary speaker, also confam say while "progress don dey made" in negotiations to end di war wit US, di two sides dey "far from final discussion".
One of Iran negotiators, Ghalibaf bin dey Pakistan last week for peace talks wit US envoys, including Vice-President JD Vance.
Dem never set date for di next round of talks.
Strait of Hormuz open briefly den close again
Di key shipping route, di Strait of Hormuz dey shut after Iran bin briefly open am on Friday. the Islamic Revolutionary Guard Corps Navy say e go remain closed until US lift im blockade on Iranian ports.
Under di American blockade, US forces don say dem go stop or turn back vessels travelling to or from Iran coast. Donald Trump say di blockade go continue until dem agree a peace deal.
End of Di one wey oda users dey read well well
Meanwhile onr tanker and container ship bin come under attack off di coast of Oman, di UK Maritime Trade Operations (UKMTO) tok. Dis na di first reported attacks on ships for di region in more dan 10 days.
Meanwhile, India foreign ministry say two Indian-flagged ships bin dey involved in "shooting incident" for di strait.
Wia dis foto come from, Reuters
Timeline of US-Iran talks
Dis na how di negotiations between US and Iran don go so far:
28 February: Conflict break out after US and Israel launch strikes on Iran, as diplomatic talks collapse.
6 March: Donald Trump say deal no go dey "except unconditional surrender" of Iran.
21 March: Trump set deadline, threatening to target Iran energy infrastructure unless e agree to open di Strait of Hormuz.
23 March: Trump postpone im deadline, citing "productive conversations" - dis bin dey followed by further postponements.
7 April: Trump warn say "a whole civilisation go die" if di strait no dey opened before another deadline.
8 April: Pakistan, acting as mediator, announce a two-week ceasefire between di US and Iran for further talks.
11 April: Senior US and Iranian officials, including Vice-President JD Vance and Iranian Foreign Minister Abbas Araghchi, meet for Pakistan. After 21 hours of back and forth, Washington and Tehran remain far apart on key sticking points.
12 April: Trump announce blockade of Iranian ports.
17 April: Iran Araghchi say di strait go remain open for di rest of di ceasefire. Trump say di US blockade go continue.
18 April: Iran Islamic Revolutionary Guard Corps say e go block di strait again. Trump say "very good conversations" dey happen but say US no go dey "blackmailed" over di waterway.
