سوریه کې د امریکا په مشرۍ د ایتلاف برید ۲۳ ولسي وګړي وژلي
د عکس سرچینه، AFP/GETTY IMAGES
په سوریه کې د امریکا د هوایي ایتلاف د بریدونو په پایله کې ۲۳ ملکي کسان وژل شوي.
د سوریې دولتي خبري اژانس او د دولت مخالف فعالان وایي دا هوایي بریدونه د سوریې په ختیځ کې پرون (چارشنبه، ډسمبر ۱۳مه) ترسره شوي دي.
د سوري دولت اړوند سانا اژانس دا بربد "عام وژنه" بللې، چې اته ماشومان او شپږ ښځې هم په وژل شویو کې شامل دي.
د امریکا په مشرۍ د ايتلاف دا هوايي برید د سوریې ختیځ دیر الزور په "جرذي" سیمه کې شوی چې د فرات سیند په شاوخوا کې پرته ده. دغه سیمه د "اسلامي ډلې" یا (داعش) نومې ډلې په واک کې ده.
د امریکا ځواکونه په دغه سیمه کې له داعش سره په جګړه کې ښکېل دي. دا په سوریه کې د داعش تر کنټرول لاندې وروستۍ سیمه ګڼل کېږي.
د امریکا د پوځ یوه ویاند ویلي د ملکي کسانو مرګ ژوبله به وڅېړل شي، چې په وینا یې ایتلافي ځواکونه یوازې "د سمو او باوري پوځي موخو لپاره بریدونه کوي".
مهم خبرونه
تر ټولو ډېر لوستل شوي
منځپانګه نه شته