تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
اسرائيلي ځواکونو نن دوشنبه د امریکا د ولسمشر ډونلډ ټرمپ لخوا تهران ته د هوکړې لپاره د سېشنبې تر سهار د ټاکل شوي ضربالاجل له پای ته رسېدو مخکې ایران کې پر بېلابېلو زېربناو او تاسیساتو بریدونه کړي دي. د رپوټونو له مخې په دغو بریدونو کې د پېترو کیمیاوي توکو عسلویه او مارودشت تاسیسات، په تبریز او اصفهان کې صنعتي کارخانې او د خرماباد لویه لار په نښه شوي دي. له دې سره رپوټونه وايي، چې ایران هم پر اسرائيل او سیمه کې د امریکا پر نورو متحدانو تازه بریدونه کړيدي.
د متحدو ایالتونو ولسمشر ډونالډ ټرمپ ویلي دي چې د ایران حکومت کې " معقولو کسانو" سره خبرې روانې دي.
په سپینې ماڼۍ کې د مسیحانود ایسټراختر په مناسبت یوې جوړې شوې غونډې ته ده وویل چې جنګ کې د ایران د وژل شوو مشرانو په پرتله اوسني مشر " ډېر کم تندلاري" دي.
خبریالانو ټرمپ وپوښتلو چې ولې یې تېره ورځ پر ټروت سوشل له ښکنځلو ډکه ژبه کارولې وه؟ دهغه ځواب و " دخپلې خبرې رسولو لپاره یې داسې وکړل ، فکر کوم تاسې داسې خبرې مخکې هم اورېدلې دي".
د ایران دولتی خبري اژانس ارنا د راپور ترمخه ایران د امریکا وړاندیز ته خپل ځواب سپارلی دی.
ارنا اژانس وايي د ۱۰ مادو دې ځواب کې د اوربند غوښتنه دې ویلو سره رد شوې ده چې جګړه باید تل لپاره پای ته ورسيږي.
اسرائيلي ځواکونو نن دوشنبه د امریکا د ولسمشر ډونلډ ټرمپ لخوا تهران ته د هوکړې لپاره د سېشنبې تر سهار د ټاکل شوي ضربالاجل له پای ته رسېدو مخکې ایران کې پر بېلابېلو زېربناو او تاسیساتو بریدونه کړي دي.
د رپوټونو له مخې په دغو بریدونو کې د پېترو کیمیاوي توکو عسلویه او مارودشت تاسیسات، په تبریز او اصفهان کې صنعتي کارخانې او د خرماباد لویه لار په نښه شوي دي.
ایراني ځواکونو ګواښ کړی و چې د دغه هېواد پر زیربناو بریدونه به "له هر اړخیز او پرېکنده" غبرګون سره مخامخ شي او د نړۍ پر انرژۍ او اقتصاد ناوړه اغېزې ولري.
له دې سره رپوټونه وايي، چې ایران هم پر اسرائيل او سیمه کې د امریکا پر نورو متحدانو تازه بریدونه کړيدي.
تهران ویلي چې د اوربند وړاندیز نویو بریدونو لپاره د ساه اخیستلو په معنا دي.
د امریکا د جنګي جیت الوتکې عمله چې د ایران په یوې لیرې سیمه کې وویشتل شوه، په ډېر ډراماتیک ډول وژغورل شوه.
دا لاروښانه نه ده چې دا الوتکه څنګه او به څه ډول په نښه شوې وه، خو هغه عملیات چې د دی الوتکې عمله یې د دښمن په سیمه کې وژغورله، ډېر پېچلي وو.
د راپورونو له مخې د هغوی د ژوغورنې په دغو عملیاتو کې د امریکا لسګونو الوتکو، چورلکو او د سيایاې استخباراتي کارکوونکي په ګډون سلګونو کومانډو ځواکونو برخه اخیستې وه.
د امریکا ولسمشر ډونلډ ټرمپ د یکشنبې پر ورځ پر خپلې ټولنیزې رسنۍ ټروت سوشیل ولیکل: "موږ د ایف-۱۵الوتکې سخت ټپي شوی او ډېر زړور افسر له ایراني غرونو وژغوره."
د امریکا د هوايي ځواک پیلوټ او افسر د جمعې پر ورځ تر هغې وروسته ورک شول، چې ایف-۱۵جنګي جټ یې د ایران په سوېل کې وویشتل شو.
دا په تېرو څه باندې ۲۰ کلونو کې لومړی ځل و د امریکا یوه جنګي الوتکه د دښمن له خوا وویشتل شوه.
ایران ویلي چې له امریکا او اسرائیلو سره د جګړې پای ته رسولو لپاره یې د منځګړو وړاندیزونو ته ځواب چمتو کړی دی.
تر دې ورمخکې رویټرز خبري اژانس ویلي چې پاکستان دواړو خواوو ته د اوربند طرحه وړاندې کړې ده.
ارنا خبري اژانس د ایران د بهرنېو چارو وزارت د ویاند اسماعیل بقايي له خولې لیکلي، "د منځګړو له لارې دوی ته د امریکا لخوا د ۱۵ مادو پلان په هېڅ ډول د منلو نه دی".
وړاندې رویټرز خبري اژانس ویلي و چې د امریکا متحدو ایالتونو او ایران له جګړې د لاس اخیستلو په تړاو له پاکستانه یوه طرحه ترلاسه کړې ده.
رویټرز دا خبر د یوې باخبره سرچینې په حواله ورکړی دی.
دې سرچینې رویټرز ته ویلي، د پاکستان د پوځ لوی درستیز فیلډمارشال عاصم منیر تېره "ټوله شپه" د امریکا له مرستیال ولسمشر جیډي وېنس، منځني ختیځ لپاره د ولسمشرټرمپ له ځانګړي استازي سټیف ویټکاف او د ایران له بهرنیو چارو وزیر عباس عراقچي سره په اړیکه کې و.
ویل کېږي د دې طرحې له مخې په دوو پړاونو کې لومړی د سملاسي اوربند او ورپسې د یوې جامع هوکړې وړاندیز شوی دی.په دې تړاو بشپړ رپوټ دلته لوستی شئ.
د اسرائیل لومړی وزیر بنیامین نتنیاهو وايي د سپاه پاسداران د استخباراتو پر مشر مجید خادمي سربېره یې د قدس ځواک د ۸۴۰مې قطعې قوماندان 'اصغر باقري' هم وژلی دی.
نتنیاهو پر ایکس پاڼه لیکلي، چې باقري د ایران د حکومت د جګپوړو پوځيانو له ډلې و او دا چې د اسرائیلیانو په وژلو کې یې لاس درلود.
د اسرائيل ټایمز رسنۍ د پوځي سرچینو په حواله لیکلي چې د نوموړي اصلي نوم "یزدان میر" او په "سردار باقري" مشهور و.
نتنیاهو ټینګار کړی چې "موږ ځواکمن او په کلک هوډ عمل کوو او هر هغه کس به تعقیب کړو چې غواړي موږ ته زیان ورسوي."
۲۰۲۵ کال کې اروپايي شورا د محمد انصاري په نوم کس د سپاه پاسداران د بهرنۍ څانګې یا قدس ځواک د ۸۴۰مې قطعې مشر بللی او پر هغه یې بندیزونه لګولي وو.
دې شورا ویلي چې نوموړي د هغو بهر مېشتو ژورنالیستانو د ترور امر صادر کړی چې د ایران پر حکومت نیوکې کوي.
د ایران سپاه پاسداران ځواکونو تایید کړې چې د دوی د استخباراتو مشر مجید خادمي د امریکا او اسرائيل په برید کې وژل شوی دی.
په دې تړاو خپره شوې اعلامیه کې ویل شوي چې ښاغلی خادمي نن (دوشنبه) سهار وژل شوی.
د یادونې ده چې اسرائیل او امریکا تېره شپه او نن سهار وخته د تهران په ګډون د ایران بېلابېلو ښارونو کې درانه هوايي بریدونه کړي دي.
مجید خادمي تېر کال د سپاه پاسداران د استخباراتي څانګې د مخکیني مشر محمد کاظمي تر وژل کېدو وروسته پر دې دنده ګومارل شوی و.
ښاغلی کاظمي د تېر لمریز کال په غبرګولي/جوزا کې له خپلو درېیو مرستیالانو سره یو ځای د اسرائیل په برید کې وژل شوی و.
رویټرز د یوې باخبره سرچینې په حواله وايي چې د امریکا متحدو ایالتونو او ایران له جګړې د لاس اخیستلو په تړاو له پاکستانه یوه طرحه ترلاسه کړې ده.
دې سرچینې ویلي، چې تېره شپه د دې طرحې په تړاو له تهران او واشنګټن سره نظر تبادله شوی.
ویل کېږي د دې طرحې له مخې په دوو پړاو کې لومړی د سملاسي اوربند او ورپسې د یوې جامع هوکړې وړاندیز شوی دی.
دې سرچینې ویلي "نن باید پر ټولو عناصور هوکړه وشي."
ویل شوي چې په لومړي سر کې به یو هوکړهلیک تنظم شي، چې د پاکستان لخوا له بریښنايي لارې وروستی کېږي.
دې سرچینې رویټرز ته ویلي، د پاکستان د پوځ لوی درستیز عاسم منیر "ټوله شپه" د امریکا له مرستیال ولسمشر جیډي وېنس، منځني ختیځ لپاره د ټرمپ له ځانګړي استازي سټیف ویتکاف او د ایران له بهرنیو چارو وزیر عباس عراقچي سره په اړیکه کې و.
تهران او واشنګټن لا رسمآ په دې تړاو څه نه دي ویلي.
تېره روځ اکیسوس رسنۍ د امریکایي، اسرائيلي او سیمهییزو سرچینو په حواله رپوټ ورکړی و، چې ایران، امریکا او سیمهییز منځګړي د جګړې پای ته رسولو هوکړې د یوې برخې په توګه د ۴۵ ورځني اوربند په تړاو پر خبرو بوخت دي.
اکسیوس ویلي وو چې دا هوکړه به په دوو پړاو کې پلې شي.
په متحدو عرب اماراتو کې د فجیره بندر چارواکو د ایران د ډرون برید له کبله د 'پېښې' خبر ورکړی دی.
چارواکو ویلي، دغه ډورن د "دو" شرکت د ودانۍ پر خوا روان و.
په دې تړاو خپره شوې اعلامیه کې دا نه دي ویل شوي چې ایا ډرون د شرکت پر ودانۍ لګېدلی که څنګه، خو ویل شوي چې مرګژوبله نه ده اوښتې.
'دو' په متحدو عرب اماراتو کې مخابراتي او نشراتي خدمات وړاندې کوي.
په تهران کې د بېړنیو روغتیايي مرستو ادارې اعلان کړی چې د امریکا او اسرائيل د تېرې شپې بریدونو کې شپږ ماشومان هم وژل شوي دي.
د ایراني رسنیو په وینا په وژل شویو کې څلور کوچنۍ نجونې او دوه له لس کلونو کم عمره هلکان دی.
مخکې ویل شوي وو چې د تېرې شپې بریدونو کې د تهران په بهارستان ولسوالۍ کې ۱۳ ملکي کسان وژل شوي دي.
امریکا او اسرائيل نن دوشنبه له ایران سره د جګړې پر ۳۸مه ورځ د تهران بېلابېلو برخو کې سخت هوايي بریدونه کړي دي.
په خپرو شویو تصویرونو کې ښکاري چې د تهران په لوېدیځ کې له ځینو سیمو لوګي پورته کېږي.
په دغو بریدونو کې د شریف صنعتي پوهنتون ځینې برخې هم په نښه شوې دي.
د تېلو بیې وروسته له هغه یو ځل بيا لوړې شوې چې د هرمز تنګي د نه پرانيستلو په صورت کې د امریکا ولسمشر ډونلډ ټرمپ د ایران د انرژۍ پر مرکزونو او پلونو د بریدونو ګواښ وکړ.
د دوشنبې په ورځ په نړیوال بازار کې د يو بېرل خامو تېلو بیه ۱۱۰ ډالرو ته ورسېده.
د امریکا ولسمشر ډونلډ ټرمپ تېره شپه پر ټولنیزو رسنیو یو سخت بيان خپور کړ او ګواښ یې وکړ چې که ایران د سې شنبې تر ټاکلي وخت پورې د ټولو بېړيو پر مخ د هرمز تنګي پرانستلو ته غاړه کېنږدي د ایران د انرژۍ مرکزونه او پلونه به ویجاړ کړي.
ایران د هرمز مهم تنګي له لارې عادي ترانسپورتي تګ راتګ درولی، چې له امله یې د نړۍ په کچه د تېلو بیې لوړې شوې او په ټوله نړۍ کې د لوړې کچې انفلاسیون وېره زیاته شوې ده.
که څه هم څو ځله ځينو ایراني چارواکو ویلي چې دغه لاره بنده نه ده او یوازې د "دښمنو هېوادونو" پر مخ تړل شوې ده.
اسرائیلي رسنیو راپور ورکړی چې د یکشنبې په ورځ د ایران د توغندیو له امله په حيفا ښار کې دوه تنه وژل شوي دي.
د راپورونو له مخې د يوې استوګنيزې ودانۍ له کنډوالو د دوو کسانو جسدونه رايستل شوي دي.
د جګړې له پیل راهیسې، د اسرائیلو پر بېلابېلو ښارونو د ایران د توغنديو بریدونه روان دي.
د بریتانيا د دفاع وزارت په یوه خبرپاڼه کې ویلي چې د دغه هېواد شاهي هوايي ځواک د شپې لخوا "څو ایراني ډرونونه" ویشتلي دي.
په بیان کې ویل شوي چې د بریتانیا ټایفون او اېف ۳۵ جنګي جیټ الوتکو دفاعي ماموريتونه د ختیځې مدیترانې، اردن، بحرین او متحده عربي اماراتو په اوږدو کې دوام لري. دا عملیات د شاهي هوايي ځواک وایجر ټانکر الوتکو او شاهي سمندري ځواکونو مرلین او وایلډ کیټ چورلکو په مرسته ترسره کېږي.
د دفاع وزارت دا هم ویلي چې "په سیمه کې د ځواکونو د ساتنې تدابیر په لوړه کچه دي" او دا چې بریتانيا له خپلو "متحدینو سره نژدې کار ته دوام ورکوي."
د امریکا ولسمشر ډونلډ ټرمپ پر ټولنیزو رسنیو یو سخت بيان خپور کړی او ګواښ یې کړی چې که ایران د سې شنبې تر ټاکلي وخت پورې د ټولو بېړيو پر مخ د هرمز تنګي پرانستلو ته غاړه کېنږدي د ایران د انرژۍ مرکزونه او پلونه به ویجاړ کړي.
نوموړي خپل پخوانی ګواښ چې پر ایران به "دوزخ" جوړ کړي یو ځل بیا تکرار کړی دی خو امریکاييرسنیو ته یې ويلي چې له تهران سره د یوې هوکړې د کېدو "ډېره شونتيا" شته ده.
ټرمپ دغه تازه ګواښ وروسته له هغه کړی چې په ایران کې د پرځول شوې جنګي الوتکې د عملي دويم غړي د امریکا د پوځ له خوا له یو لړ عملياتو وروسته وژغول شو.
ایران د هرمز مهم تنګي له لارې عادي ترانسپورتي تګ راتګ درولی، چې له امله یې د نړۍ په کچه د تېلو بیې لوړې شوې او په ټوله نړۍ کې د لوړې کچې انفلاسیون وېره زیاته شوې ده.
د هرمز تنګي تړل کېدو ټرمپ دې ته اړ کړ چې د مارچ په میاشت کې ایران ته د دې لارې د پرانيستل کېدو لپاره ضرب الاجلونه اعلان کړي او د يکشنبې په ورځ یې پر ټروت شول یو ځل بيا دا غوښتنه د نېټې غځېدو سره په خوار سختو ټکو تکرار کړه.
که څه هم څو ځله ځينو ایراني چارواکو ویلي چې دغه لاره بنده نه ده او یوازې د "دښمنو هېوادونو" پر مخ تړل شوې ده.
د ایران فارس نيوز اېجنسي چې د دغه هېواد د اسلامي انقلابي ګارډ له ځواکونو سره تړاو لري ویلي، په تېرو ۲۴ ساعتونو کې ۱۵ بېړۍ د هرمز له تنګي د "ایران په اجازه" تېرې شوې دي.
دوی وايي د جګړې له پيله مخکې پرتله د بېړیو لېږد لا هم ۹۰ سلنه کم دی.
ځينې ايراني چارواکي چې د بهرنيو چارو وزير عباس عراقچي هم په کې شامل دی څو ځله ویلي چې دغه لاره بنده نه ده او یوازې د "دښمنو هېوادونو" پر مخ تړل شوې ده.
د یادونې وړه ده، پرون ایراني چارواکو اعلان وکړ چې پر عراق دا محدوديتونه نه پلي کېږي.
ایران همدا ډول پر هغو بېړيو چې له هرمز تنګي تېرېږي د محصول لګولو خبره هم کړې ده.
تردې وړاندې د ایران د ولسمشر دفتر یوه سلاکار ويلي وو، "کله چې د محصول یوه برخه د جګړې له کبله د رامنځته شوي ټول زيان د جبران لپاره وکارول شي د هرمز تنګی به بېرته پرانيستل شي".
د اسرائیلو د بېړنیو چوپړونو ادارې ويلي چې شمالي ښار حیفه کې د توغنديز برید له کبلهڅلور کسان ټپیان شوي دي.
یادې ادارې ویلي، په ټپیانو کې یو ۸۲ کلن کس هم شامل دی چې د یوه درانه څيز د لګېدو له کبله سخت ټپي شوی دی. په خبرپاڼه کې ویل شوي چې دری نور کسان د توغندي د ټوټو او چاودنې له کبله لږ ټپيان شوي دي.
د بېړنیو چوپړونو ادارې د پېښې د ځای انځورونه هم خپاره کړي دي.
عمان وايي له ایراني چارواکو سره د غونډې په ترڅ کې یې د هرمز تنګي له لارې د "لېږد ډاډمنولو" لپاره په غوراويو بحث کړی دی.
د مسقط په وینا، د دواړو خواوو کارپوهانو په غونډه کې "څو نظرونه او وړاندیزونه" شریک کړي چې په وینا یې عمان اوس د دې وړاندیزونو بیا کتنه کوي.
په ورته وخت کې، متحده عربي اماراتو ویلي، چمتو دی چې د هرمز تنګي کې د "امنیت ډاډمنولو" لپاره "د امریکا په مشرۍ له هر ډول هڅې" سره یوځای شي.
د متحده عربي اماراتو د ولسمشر سلاکار انور محمد قرقاش ويلي، د جګړې پرمهال د ګاونډیو هېوادونو په نښه کېدو "یوازې په منځني ختیځ کې د امریکا او اسرائیلو دریځ او نفوذ پیاوړی کړی دی."
د امریکا مرکزي قوماندې (سېنټکام) تائید کړې چې په ایران کې د جنګي الوتکې له نسکورېدو وروسته د الوتکې د عملې د ژغورولو عمليات پايته رسېدلي دي.
په بيانيه کې ويل شوي، "د اپرېل پر څلورمه امریکايي ځواکونو په بریاليتوب سره د امریکا د پوځ د دوو غړو چې د اپرېل پر دويمه د جنګي ماموريت پر مهال یې اېف ۱۵ جنګي الوتکه نسکوره شوې وه د ژغورنې عمليات بشپړ شول".
په بيان کې راغلي چې دا دوه کسان په دوو جلا عملياتو کې له ایرانه په "خوندي ډول" ايستل شوي دي.
د خبرپاڼې له مخې "په ایران کې د امریکا بریدونه وام لري".