وروستیو ورښتونو د افغانستان په ډېرو سیمو کې زیات زیانونه اړولي؟

د لوستلو وخت: ۲ دقیقې

په افغانستان کې د طالبانو حکومت چارواکي وايي، د دې هېواد په یو شمېر ولایتونو کې د وروستیو ورښتونو له امله د سېلابونو راوتلو او ځمکې ښووېدنې پېښو کې ۲۸ تنو خپل ژوند له لاسه ورکړی او ۴۹ تنه نور ټپیان شوي دي.

د عکس تشریح، د چارواکو په وینا نژدې ۱۳۰کورونه په بشپړ دول او تر ۴۰۰ ډېر نور په نسبي ډول زیانمن شوي دي.
د عکس تشریح، زیاتره زیانمن شوي خلک بېړنیو مرستو ته اړتیا لري، سمنګان ولایت کې له سیلابه یو اغېزمن شوی تن
د عکس تشریح، د څښاک پاکو اوبو ته لارسی هم ستونزمن شوی دی.
د عکس تشریح، د سېلابونو ډېر کورونه له منځه وړي یا یې زیانمن کړي دي
د عکس تشریح، چارواکي وايي، له زیانمنو سره یې د خوراکي او غیر خوراکي توکو مرستې رسولې دي.
د عکس تشریح، سېلابونه د افغانستان په ډېری ولایتونو کې راوتلي او د سر او مال زیانونه یې اړولي، خو ښکاري چې ډېر زیان یې د افغانستان په ختیځو او شمال ختیځو ولایتونو کې اړولي دي. سمنګانو کې یوتن له سیلاب وروسته د خپل کور توکي راغونډوي