شري‌لنکا: د تېلو زېرمې مو په تمامېدو دي

د شري لانکا د انرژۍ وزیر کانچانا ویجېسېکېرا خبرداری ورکړی چې د دغه هېواد د سون توکو زیرمې به ډېر ژر تمامې شي.

شري لنکا دمکړۍ د خپل تېرو ۷۰ کلن تاریخ تر ټولو ناوړه اقتصادي بحران سره مخامخ ده.

د انرژۍ وزیر یې ویلي چې د خلکو د عادي غوښتنې تر یوې د کمې ورځې پټرول ورپاتې دي.

هغه وویل چې هېواد ته به د پټرولو راتلونکی بار تر دوو اونیو پورې و نه رسېږي.

د شري لانکا حکومت وار له مخه پر بې اړتیا وسايطو باندې د ډیزل او پټرول پلور هم درولی دی.

د دغه هېواد د انرژۍ وزیر خبریالانو ته ویلي، چې زېرمو کې یې تر دیارلس زره ټنه کم ډیزل او څه باندې څلور زره ټنه پټرول پاتې دي.

دا هېواد د سون، خوراک او درملو په څېر د خپلې اړتیا وړ توکو واردولو لپاره د پیسو کمښت سره هم لاس ګریوان دی.‌

د شري لنکا مرکزي بانک يوازې د تېلو د پېرلو لپاره ١٢٥ ميليونه ډالره لري، په داسې حال کې چې د پخوانيو پلانونو له مخې د اړتيا وړ تېلو د پېرلو لپاره ٥٨٧ ميليونه ډالرو ته اړتيا ده.

شري لنکا د انرژي وزیر ویلي هېواد یې وار له مخه د تېلو د وارداتو له اړخه ۸۰۰ میلیونه ډالره پوروړی دی.

کارپوهان په دې باور دي چې شري لنکا ښايي له ۱۹۷۹یمې لسیزې راهیسې چې د تیلو د کمښت بحران پکې راغلی و، لومړنی هېواد وي چې پر شخصي موټرو پکې د تیلو پلور درېدلی وي.

شري لنکا چې په ١٩٤٨ کال کې له بريتانيا خپلواکۍ اخیستې، ٢٢ ميليون وکړي لري او دا یې د تاریخ تر ټولو بد اقتصادي بحران دى.

د دغه هېواد حکومت دغه اقتصادي کړکیچ د کورونا وبا زېږنده ده ځکه دې وبا د شري لنکا د ګرځندوی سکتور سخت زیانمن کړی.

ګرځندوی صنعت د دې هیواد د عاید تر ټولو لویه سرچینه ده.

د حکومت منتقدان وايي چې ناسم مدیریت د دغه بحران اصلي لامل دی.

د دغه هېواد د پلازمېنې کولمبو ښار له ګڼې ګوڼې پر ډکو سړکونه اوس چوپتیا خپره ده او سړي ته دا احساس ورکوي.

د تیلو د نشتوالي له امله له خلکو غوښتل شوي چې په خپلو کورونو کې پاتې شي.

د لارۍ یو چلوونکی عزیر چې له دوو ورځو راهیسې د تېلو د ترلاسه کولو په تمه ناست دی، وايي نه یې سهارنۍ خوړلې، نه نوره ډوډۍ، یوازې یې اوبه څښلې او بس.

هغه وایې موږ ډیر ځورېږو.