Король Чарльз III таажы кийүү аземи: даярдык шайма-шай

Британ королу Чарльз III ишемби күнү өзүнүн жубайы, королева-консорт Камилла менен бирге таажы кийип, такка отурат. Диний символизм менен шаан-шөкөт айкалышкан азем Лондондогу тарыхый Вестминстер чиркөөсүндө өтөт. Тапта тажы кийүү аземине көрүлүп жаткан даярдыктардан сүрөт баян сунуштайбыз.

Сүрөттүн булагы, James Manning / PA

Сүрөттүн түшүндүрмөсү, 3-майга караган түнү Лондондо Чарльз III таажы кийүү аземине даярдык текшерүүдөн өттү

Сүрөттүн булагы, Jordan Pettitt / PA Wire

Сүрөттүн түшүндүрмөсү, Вестминстер чиркөөсүнө карай жүрүшкө 200гө жакын аскер катышат, алар негизинен Сарай кавалериясынын полкунан жана британ монархынын жеке күзөт кызматкерлери.

Сүрөттүн булагы, Henry Nicholls / Reuters

Сүрөттүн түшүндүрмөсү, Жүрүш маршрутунун эки тарабына 1000 аскер тизилет. Елизавета II таажы кийген аземине салыштырмалуу бул жолу эл бир топ азыраак болот деп жатышат

Сүрөттүн булагы, Andy Rain / EPA

Сүрөттүн түшүндүрмөсү, Королдук деңиз флотунун аскерлери Уайтхол көчөсү менен салтанаттуу жүрүштөн өтүп машыгууда.

Сүрөттүн булагы, Henry Nicholls / Reuters

Сүрөттүн түшүндүрмөсү, Жүрүшкө Улуу Британиядан жана Шериктештикке кирген өлкөлөрдөн 6000ден ашык аскер катышат.

Сүрөттүн булагы, Reuters

Сүрөттүн түшүндүрмөсү, Мамлекеттик алтын карета ишемби күнкү аземге даяр

Сүрөттүн булагы, Henry Nicholls / Reuters

Сүрөттүн түшүндүрмөсү, Түнкү репетиция таажы кийүү аземине толук даярдыкты текшерди

Сүрөттүн булагы, Henry Nicholls / Reuters

Сүрөттүн түшүндүрмөсү, Король Чарльз менен королева Камилла түшө турган Бриллиант юбилейдин мамлекеттик каретасы да салтанатка даяр.

Сүрөттүн булагы, Jeff Overs / BBC

Сүрөттүн түшүндүрмөсү, Жүрүш Букингем сарайынан башталып, Мэлл көчөсү менен Трафальгар аянтына чейин барып, андан Уайтхол көчөсүнө бурулуп, аны менен парламент алдындагы аянтка чейин жетет. Ал жерден Броад-Санкчуари көчөсүнө бурулуп, аны менен Вестминстер аббаттыгынын батыш каалгасына барат.