Otito na ndị nwunye na-alụ ọgụ

Mkpuchi Na Eme Ozugbo

1. 2 Febụwarị 2018Eliela Ekwueme ka nnukwu mmadụ ọbụ

   Ndị biara akwa n'akwamozu Ekwueme alawala.

   Lotanụ na Yemi Osinbajo bụ osote onye isi ala kọwara Ekwueme dika okosisi Naijirịa ekwesiri ikwanyere nnukwu ugwu.

   O jikwa ohere ahụ kwupute na gọomentị etiti abaala Mahadum akpọrọ Ndufu-Alike Ikwo n'Ebonyi steeti n'aha Alex Ekwueme.

   Nonyere BBCIgbo.com maka akụkọ ndị ọzọ na bịa.

2. 2 Febụwarị 2018Ọgụ ndị nwunye Ekwueme

   Dịka ichie ọ bụ, ọ fọrọ ntakịrị ka ndị nwunye Ekwueme kụọ ọkpọ ebe ha na-azọ oche. Nwunye nke mbụ ekweghi anọkete nwunye ya abụọ ndị ọzọ,sị n'aha bụ ụmụnwaanyị ndị ikom Ekwueme.

3. 2 Febụwarị 2018Ihe ndị mmadụ n'ekwu n'ịgwe okwu

   Ka a na-akwa Ekwueme, ma ndị ukwu ma ndị nta na-esi igwe okwu na-egosipụta nkwado ha kwadoro ezi na ụlọ Ekwueme na akwamozu ya:

4. 2 Febụwarị 2018Ọkpara Ekwụeme n'ekele oha na eze

   Ihe onyonyo a n'egosi dị ọkpara Ekwueme ebe ọnọ n'ekele igwe mmadụ pụtara ikwado akwamozu nna ya:

5. 2 Febụwarị 2018Ugwu ka ugwu - okpu mmemme n'elu akpatị ozu ya

   Onye ntaakụkọ BBC nọ ebe mmemme a na-aga eziterela anyị foto.

   Foto nke a gosiri okpu mmemme edowere n'elụ akpatị ozu Ekwụeme, nke a gosiri naọbụ onye amama:

   Ndị nnukwu mmadụ pụtara n'ime ụlọụka i so kwanyere ya ugwu. Nwunye onye bụ onyeisiala mbụ bụ Patience Jonathan na ndị ụkochukwu ukwu sonyere na mmemme a:

6. 2 Febụwarị 2018A donyela Ekwueme n'ala

   Ndị mmadu kariri puku iri zukọtara n' Oko dị na steeti Anambara iji gba aka ebe ka a donyela ozu Alex Ekwueme n'ili.

   Ha gụnyere onye isi ala chịburu mbụ bụ Goodluck Jonathan na oriakụ ya, Gọvanọ Sokoto steeti, Aminu Tambuwal,nke Abia steeti Gọvanọ Okezie Ikpeazu, nke Delta Steeti, Gọvanọ Ifeanyi Okowa.

   Ndị ọzọ bụ Mịnịsta na-ahụ maka ọrụ bụ Chris Ngige na odeakwụkwọ nke gọọmentị etiti bụ Boss Mustafa.

7. 2 Febụwarị 2018Agụgharịala mahadum Ebonyi aha Ekwueme

   Dika Ebere Ekeopara,ọnye ntaakụkọ BBC siri kwuo,osote onyeisi ala bụ Prof Yemi Osinbajo nọrọ na akwamozụ ahụ ma ọkwa na onyeisi ala bụ Muhammadu Buhari emeghariala aha Federal University Ndufu-Alike, Ikwo (FUNAI) dị n' Ebonyi steeti ka ọ bụrụ 'Ekwueme University'.

8. 2 Febụwarị 2018Ọtụ e si eli nnụkwụ mmadụ n'ala Igbo

   Ọ bụrụ na-akachara ya ụka n'ụlọụka, a ga-ebụ ọzu ya gawa n'ụlọ ya ebe ndị ikwu na ibe, ndị enyi na ndị ọgo ga-abiara ya ụlọ akwa.

   Ha ga-eji akwa, ego, mmanya na ihe onyinye dị icheiche. Ụfọdụ ga-akpọrọ ndị egwu bịa.

   Ọtutụ ndị otu na nzụkọ ga-abiakwa mgbaru iji kwanyere ya ugwu.

   Ana agbakwara onye dị otu a egbe mkpọna ala iji dulaa mụọ ya.

9. 2 Febụwarị 2018Ebubatala ọzu Ekwueme n'ụlọụka

   Ebere Ekeọpara, onye ntaakụkọ BBC kwuru na ebubatala ozu ọke osisi Igbo ji eje mba bụ Dr Alex Ekwueme n'ime ụlọụka St John Divine Anglican Church, Oko, Anambra steeti ka akara ya uka ikpeazụ.

10. 2 Febụwarị 2018Ndị eze na ndị ọdịnala so kwanyere ya ugwu

    Ụnyaahụ, ndị eze na ndị ọdịnaala sọ na ọtụ ndị gbakọrọ n'Ọka (Awka) , isiobodo, Anambara steeti maka nkwanye ugwu ikpeazụ:

11. 2 Febụwarị 2018Okwu ọnụ ejiri mara Ekwueme mgbe ọ nọ ndụ

    Pịa ebe ka ị gụọ ajụjụọnụ ahụ n'uju.

12. 2 Febụwarị 2018Ofufe nro ili ozu Ekwueme

    Onye ntaakụkọ BBC bụ Ebere Ekeopara nọ na St. John the Divine Anglican Church, Oko, Anambra Steeti maka ofufe nro ili ozu Ekwueme taata.

13. 2 Febụwarị 2018'Ekwueme enweghị ebubo mpụ ọbụla'

    Otu onye na ndị na-ekwu okwu ọma banyere Ekwueme bụ onyeisi Ohanaeze Ndigbo, Nnia Nwodo onyeisi Sineti n'ala Naijiria bụ Chief Ken Nnamani kwuru na ọ bụ onye eziokwu, na ọ nweghị ebubo mpụ ọbụla.

    Guọ ihe ha kwuru ebe a.

14. 2 Febụwarị 2018'Ṅomie nụ Ekwueme'

    Ụbọchị Wenezde, Bishop Emmanuel Chukwuma gwara ndị gbakọrọ n'emume ikwanyere Ekwueme ugwu ikpeazụ nke e mere n' Enugwu ka ha ṅyomie ezigbo ndụ Ekwueme biri mgbe ọ nọ ndụ:

15. 2 Febụwarị 2018Ndị bịara akwa juputara n'Oko

    BBC ga-ewetara ụnụ ka o sị eme n' akwamozu Alex Ekwueme.

    Onye ndọrọndọrọ ọchịchị a amara amara nwụrụ na ọnwa Nọvemba afọ gara aga ka ọgbara afọ iri asatọ na ise. Ọtụtụ mmadụ bịara mmemme akwamozu ya na-etọ ya na-ekwupụta na o nweghị ebubo mpụ ọbụla.