Hotunan Sarauniyar Ingila Elizabeth da ba a saba gani ba

Sarauniyar Ingila Elizabeth II tana cikin mutanen da aka fi ɗauka a hoto a faɗin duniya, amma kuma da wuya ku ga an ɗauke ta ba tare da ta shirya ba.

Albarkacin bikin cikarta shekara 70 a kan karagar mulki, ga wani kundin hotunanta da ba a saba gani ba tana gudanar da wasu ayyuka a tsawon shekaru.

Asalin hoton, Getty Images

Bayanan hoto, Ma'abociyar tseren doki, a nan Sarauniya na yunƙurin nuna yadda tseren ya kusa zuwa kankankan yayin gasar tseren doki ta Royal Windsor Horse Show a 2017

Mai Alfarmar na cikin mutanen da suka fi yin tafiye-tafiye a faɗin duniya. Ta ziyarci ƙasashe aƙalla 117, wanda ya kai nisan jumillar kilomita miliyan 1.6. Wani abin ɗaure kai shi ne ita ce mutum ɗaya tilo da a Birtaniya da ba a buƙatar sai ta yi fasfo.

Asalin hoton, PA Media

Bayanan hoto, Yarima Prince Philip tare da Sarauniya suna gwada gilashin da aka yi da fasahar 3D yayin wata ziyara a Jami'ar Sheffield a 2010

Asalin hoton, Getty Images

Bayanan hoto, Sarauniyar Elizabeth ll ke nan take duba wani mangwaro a wata kasuwa da take zagayawa a British Virgin Islands Oktoban 1977.

Asalin hoton, Getty Images

Bayanan hoto, Bisa ƙa'ida, dole ne Sarkin Oman ya tsaya cak yayin da Sarauniya ke fama da hularta lokacin wata iska mai ƙarfi a ziyarar da ta kai Muscat a 1979

Basarakiyar da ta fi kowa daɗewa a kan karagar mulkin Birtaniya na da 'ya'ya huɗu, da jikoki takwas da kuma tattaɓa-kunne 12.

Asalin hoton, Getty Images

Bayanan hoto, Iyalan gidan sarauta ke nan suke ƙyaƙyata dariya a barandar Fadar Buckingham yayin faretin sojoji na Trooping the Colour. Daga hagu zuwa dama: Gimbiya Anne, Yarima Philip, Sarauniya, Yarima Charles, Gimbiya Diana, mahaifiyar Sarauniya

Yariman Wales ne babban ɗan Sarauniya kuma wanda zai gaje ta.

Asalin hoton, Getty Images

Bayanan hoto, Sarauniya Elizabeth tana dariya tare da Yarima Charles a wajen gudanar da wasanni a Scotland a 2006

A tsawon shekarun da ya shafe a bakin aiki, Yariman Edinburgh ya halarci dubban bukukuwa tare da Yarima Charles. Akasari sukan yi mu'amala cikin natsuwa zaune kusa da juna.

Amma wasu lokutan, wasu baƙi kan kawo cikas game da yadda lamurra ke tafiya.

Asalin hoton, PA Media

Bayanan hoto, Chris Youn, wani mai ɗaukar hoto na PA, ya ɗauki hoton Sarauniya tana dariya saboda wasu ƙudaje da suka tashi a kusa da Yarima Philip

Ƙaunar doki da Sarauniya ke yi abu ne da aka sani a tsawon shekarun mulkinta. Amma ba shi kaɗai ne ke saka ta murmushi ba.

Skip Wanda aka fi karantawa and continue reading
Wanda aka fi karantawa

End of Wanda aka fi karantawa

Asalin hoton, Getty Images

Bayanan hoto, Sarauniya Elizabeth II tana kallon wani butun-butumi a Jami'ar Fasaha ta Berlin a 2015

Dukkan hotunan na da haƙƙin mallaka