'દલિત, ઓબીસી, મુસ્લિમ કે આદિવાસી જો પ્રશ્ન ઉઠાવે તો કોંગ્રેસના માણસો?'

બીબીસી ન્યૂઝ ગુજરાતીના ફેસબુક લાઇવમાં ગુજરાતના મુખ્યમંત્રી વિજય રૂપાણીએ યુવા નેતૃત્વ પર આરોપ લગાવ્યો હતો.

રૂપાણીએ જણાવ્યું હતું કે 'હાર્દિક પટેલ, અલ્પેશ ઠાકોર અને જિગ્નેશ મેવાણી કોંગ્રેસના હાથા છે.'

જેના પર બીબીસી ન્યૂઝ ગુજરાતી દ્વારા 'કહાસુની' અંતર્ગત લોકોનો પ્રતિભાવ જાણવા પ્રયાસ કરવામાં આવ્યો.

લોકોએ બીબીસી ગુજરાતીના ફેસબુક પેજ પર આપેલા કેટલાક પ્રતિભાવો અહીં રજૂ કર્યાં છે.

વિજય મકવાણા નામના યૂઝર પૂછે છે, 'જે 11ને ખરીદવામાં આવ્યાં હતાં, તેમાં શું હાથ નહીં તો પગ હતો?'

લવ જાદવ નામના યૂઝરનું કહેવું છે, 'જો અમને કંઈ જોઇતું હોય તો એ છે માત્ર ધર્મ નિરપેક્ષ રાષ્ટ્ર'

યૂઝર મૃગેન પટેલ લખે છે, ''દલિત, ઓબીસી, મુસ્લિમ કે આદિવાસી જો પ્રશ્ન ઉઠાવે તો ભાજપ માટે એ કોંગ્રેસના માણસો બની જાય છે. ભાજપ માત્ર સવર્ણ તૃષ્ટિકરણ જ કરે છે.''

રોશન પટેલ પૂછે છે કે જો આંદોલન પાછળ કોંગ્રેસનો હાથ હોય તો GMDC કાંડ પાછળ કોનો હાથ હતો?

ભરત ટેઇલર લખે છે, 'આ ત્રણેય યુવાનો ગુજરાતના વિકાસ મૉડલની પોલ ખોલી છે.'

તમે અમને ફેસબુક, ઇન્સ્ટાગ્રામ, યુટ્યૂબ અને ટ્વિટર પર ફોલો કરી શકો છો