ISWOTY NOMINEE: દિવ્યા દેશમુખની ચૅસ ગ્રાન્ડમાસ્ટર બનવા સુધીની સફર

20 વર્ષની ઉંમરનાં પ્રતિભાશાળી ચેસ ખેલાડી દિવ્યા દેશમુખે FIDE વિમેન્સ વર્લ્ડ કપનાં પ્રથમ ભારતીય તેમજ અત્યાર સુધીનાં સૌથી નાની વયનાં ચૅમ્પિયન બનીને ઇતિહાસ રચ્યો હતો.

આ સિદ્ધિએ તેમને ગ્રાન્ડમાસ્ટરનો દરજ્જો અપાવ્યો હતો.

ફાઇનલ્સમાં દેશમુખે ગ્રાન્ડમાસ્ટર બનનારાં પ્રથમ મહિલા કોનેરુ હમ્પીને પરાજય આપતાં, દેશ માટે આ 'વારસો સોંપવાની ક્ષણ' બની હતી.

2005માં નાગપુરમાં જન્મેલાં દિવ્યા દેશમુખે પાંચ વર્ષની કુમળી વયે ચેસ રમવાનું શરૂ કર્યું હતું.

બે વર્ષની અંદર જ તેઓ અન્ડર-7 નૅશનલ ચૅમ્પિયન બની ગયાં હતાં અને 2017માં તેમણે ગર્લ્સ અન્ડર-12ની કૅટેગરીમાં વર્લ્ડ યૂથ ચેસ ચૅમ્પિયનશિપનો ખિતાબ જીત્યો હતો.

2022માંં ચેન્નઈમાં યોજાયેલા ચેસ ઓલમ્પિયાડમાં તેમણે ભારતની કાંસ્ય પદક જીતનારી ટીમમાં ચાવીરૂપ ભૂમિકા ભજવી હતી.

બે વર્ષ પછી તેમણે વ્યક્તિગત ગોલ્ડ મેડલ જીત્યો અને સાથે જ તેઓ પોડિયમમાં પ્રથમ ક્રમે રહેનારી ટીમનો ભાગ પણ હતાં.

જુઓ તેમની સફર...

બીબીસી માટે કલેક્ટિવ ન્યૂઝરૂમનું પ્રકાશન