Amafoto ya Afrika y'indwi: kuva ku wa 26 ukwezi kwa mbere - 2 ukwezi kwa kabiri 2018

Amafoto meza yo hirya no hino muri Afrika hamwe n'abanyafrika aho bari hose kw'isi muri iyi ndwi.

Ahavuye isanamu, AFP

Insiguro y'isanamu, Umunyeshure w'umwigeme ariko arakurikirana icirwa mu micungararo ya Dakar. Ico gihugu kiriko kiraberamwo inama y'abatanga imfashanyo, mu kurondera amamiriyaridi n'amamiriyaridi yo kwinjiza abana benshi mw'ishure mu bihugu bikiri mu nzira y'amajambere.

Ahavuye isanamu, AFP

Insiguro y'isanamu, Hagati aho abanye Nigeria barashavuye inyuma y'aho umumenyeshamakru w'umufaransa abarije nimba bafise ahagurishirizwa ibitabo mu ntango y'iyi ndwi. Nk'uko iyi foto y'i Lagos ivyerekana, barahafise koko.

Ahavuye isanamu, AFP

Insiguro y'isanamu, Kuri uyu wa kabiri, muri Kenya, abantu ibihumbi n'ibihumbi barasidukanye n'iyonka kuraba aho uwutavuga rumwe na reta Raila Odinga yirahiza. Umwe mubamushigikiye yerekanye uko yari kuba ameze mu gihe yari gutsinda amatora yo mu mwaka uheze.

Ahavuye isanamu, AFP

Insiguro y'isanamu, Uwo musi nyene, abaganga bo ku mugwa mukuru wa Algeria, Alger, bihaye amabarabara mu myiyerekano y'amezi abiri yo kwiyamiriza ingingo yo gukora badahembwa.

Ahavuye isanamu, AFP

Insiguro y'isanamu, Mu misi mike iheze, umupfasoni wa mbere mugufi kw'isi, Jyoti Amge wo mu Buhinde hamwe n'umugabo wa mbere mu burebure, Sultan Kosen wo muri Turkia barahuriye mu Misri, aho bifotoje ifoto idasanzwe.

Ahavuye isanamu, AFP

Insiguro y'isanamu, Mu Tunisia, abantu benshi bari barindiranye igishika ifoto - bifotora bari kumwe na Emmanuel Macron, prezida w'Ubufaransa yariko aragendera uburaruko bwa Afrika

Ahavuye isanamu, AFP

Insiguro y'isanamu, Ukwifotora kandi kwari kurindiranye igishika ku birometero ibihumbi n'ibihumbi, i Johannesburg muri Afrika y'epfo, aho umunonotsi rurangiranwa kw'isi, Usain Bolt yagaragaye ku musi wa mbere.

Ahavuye isanamu, AFP

Insiguro y'isanamu, Bolt, azwi nk'umukunzi w'umupira w'amaguru, nta nkeka ko yahomvye ihiganwa rya CHAN ririko rirabera muri Maroc. Aha umukinyi Zakaria Hadraf wa Maroc yari ahejeje gutegwa n'umukinyi wa Libya.

Ahavuye isanamu, EPA

Insiguro y'isanamu, Biboneka ko i Grand Bassam, muri Cote d'Ivoire, hari hatekanye cane ku musi w'Imana aho uyu mupfasoni yajayo.

Ahavuye isanamu, AFP

Insiguro y'isanamu, Hanyuma ni nde atabonye ukwezi ku musi wa gatatu mw'ijoro? Uku "n'ukwezi kunini k'ubururu acanze n'amaraso" kwari hejuru y'umusozi wa Kadam mu gisagara ca Nakapiripirit, mu buraruko bushira ubuseruko bwa Uganda.

Amafoto yafashwe na AFP hamwe na Reuters