Şəkillərdə: Kraliçanın idman həyatı ilə bağlı xatirələr

BBC Sport Kraliçanın idman həyatına fotolarla nəzər salır.

Şəklin mənbəyi, Getty Images

Şəklin alt yazısı, Kraliçanın ilk atı - Peggy adlı Shetland poni-si ona 4 yaşı olanda hədiyyə edilmişdi. O, 6 yaşından at sürməyə başlamışdı. Yeniyetməlik illərində, o, artıq peşəkar çapar qadın idi və bu şəkildə monarx kimi ilk dəfə "Trooping the Colour" paradında -1952-ci ildə at sürür.

Şəklin mənbəyi, Getty Images

Şəklin alt yazısı, Kraliçanın at sevdası onun bütün həyatını əhatə etmişdi və o, davamlı olaraq at yarışı görüşlərində iştirak edirdi. Burada, o, kiçik bacısı Şahzadə Margaret-lə 1950-ci ildə Epsom derbisində (düz at yarışı) iştirak edir.

Şəklin mənbəyi, Getty Images

Şəklin alt yazısı, 1957-ci ildə Kraliça Wimbledon-da qələbə qazanan ilk afro-amerikalıya - Althea Gibsona SW19 fərdi titulunu təqdim edib.

Şəklin mənbəyi, Getty Images

Şəklin alt yazısı, İki il sonra Kraliça Wembley-də İngiltərə Kubokunun finalına gəldi və Nottingham Forest Lutonu 2-1 məğlub etdikdə kuboku qalib kapitan Jack Burkitt-ə təqdim etdi.
Şəklin alt yazısı, Kraliçanın 1966-cı ildə İngiltərənin Dünya Kubokunun finalında Qərbi Almaniyaya 4-2 hesabı ilə qalib gəldikləri final oyunundan sonra Bobby Moore-a Jules Rimet Kubokunu təqdim etməsi onun Wembleydə ən gözəl anı idi.

Şəklin mənbəyi, Getty Images

Şəklin alt yazısı, 1977 Kraliça üçün xüsusi il oldu. O, gümüş yubileyini qeyd etdi və Wimbledon-da qadınlar arasında keçirilən fərdi yarışların finalında Virginia Wade çempion titulunu qazananda orada idi.

Şəklin mənbəyi, Getty Images

Şəklin alt yazısı, Kraliça Almaniya və Çexiya arasında Wembley-də keçirilən və Yurgen Klinsmanın kapitanı olduğu Almaniyanın çempion olduğu Avro-96-nın finalında iştirak edib.

Şəklin mənbəyi, Getty Images

Şəklin alt yazısı, Kraliçaya 2002-ci ildə Manchester-də keçirilən Birlik Oyunlarının açılış mərasimində David Beckham və fandreyser Kirsty Howard tərəfindən Yubiley Estafeti təqdim olunur.

Şəklin mənbəyi, Getty Images

Şəklin alt yazısı, 2008-ci ildə Sloveniyaya səfəri zamanı Kraliça Guildford Flames və Aquacity Poprad arasında keçirilən buz xokkey matçında şayba atmağa dəvət edildi.

Şəklin mənbəyi, Getty Images

Şəklin alt yazısı, Kraliça 2012-ci ildə keçirilən Olimpiya oyunlarının açılış mərasimində əsas rol oynadı, belə ki, stadiona paraşütlə tullanmazdan əvvəl, o, James Bond (Daniel Craig) qısa filmində rol aldı. O, daha sonra oyunların rəsmi açılışını etdi.

Şəklin mənbəyi, Getty Images

Şəklin alt yazısı, Kraliça 2012-ci ildə paralimpiya oyunlarının da rəsmi açılışını etdi və 11 dəfə paralimpiya çempionu olmuş Baroness Tanni Grey-Thompson-la görüşdü.

Şəklin mənbəyi, Getty Images

Şəklin alt yazısı, Estimate (Kraliçanın atlarından biri) çapar Ryan Moore ilə 2013-cü ildə Royal Ascot-da Qızıl Kuboku qazananda, son 207 il ərzində ilk dəfə hakimiyyətdə olan bir monarx qalib atın sahibi idi.

Şəklin mənbəyi, Getty Images

Şəklin alt yazısı, Estimate Kraliçanın ömrünün son illərində onun ən uğurlu atlarından idi.

Şəklin mənbəyi, Getty Images

Şəklin alt yazısı, Kraliça Reqbi üzrə Dünya Kuboku ərəfəsində Cənubi Afrikadan olan Bryan Habana və Avstraliyalı Henry Speightlə qəbulda.

Şəklin mənbəyi, Getty Images

Şəklin alt yazısı, Ən yaxşı çapar Ryan Moore 2016-cı ildə Royal Ascot-da atı Twilight Almaz Yubiley Yarışlarında qalib gəldikdən sonra Kraliça ilə söhbətdən zövq alıb.

Şəklin mənbəyi, Getty Images

Şəklin alt yazısı, Buckingham Sarayı Kraliçanın 2016-cı ildə boks üzrə ikiqat olimpiya çempionu Nicola Adams da daxil olmaqla Rio Olimpiya və paralimpiya medalçılarını qəbul etmə yeri oldu.

Şəklin mənbəyi, Getty Images

Şəklin alt yazısı, 2017-ci ildə Kraliça bir daha Royal Ascot-da iştirak etdi və ənənəvi gündəlik keçid-paradın bir hissəsi oldu.

Şəklin mənbəyi, Getty Images

Şəklin alt yazısı, Kraliça Royal Ascot-a gəlməyə davam etdi və 2021-ci ilin iyun ayında Berkshire-dəki fəaliyyətdən zövq almaq üçün qayıtdı.

Şəklin mənbəyi, Getty Images

Şəklin alt yazısı, 2021-ci ilin oktyabrında Kraliça bu yay Birmingemdə keçiriləcək Birlik Oyunlarından əvvəl estafet ağacını dünya miqyasında ötürməyə başladı. Kraliça onu mərasimin birinci hissəsində daşıyan paralimpiya qızıl medalçısı Kadeena Cox-a ötürdü.