2018- ci ildə diqqətçəkən fotojurnalistika nümunələri

BBC Xəbərlər xidməti komandası 2018-ci ildə fotojurnalistikanın ən cəlbedici foto şəkillərini seçib sizə təqdim edir.

Şəklin mənbəyi, Yves Herman / Reuters

Şəklin alt yazısı, Dekabr ayında Brüsseldə "sarı jiletlilərin" yüksək yanacaq qiymətlərinə etirazı zamanı polis məmuru tərəfindən gözünə bibər qazı püsgürdülən qadın. Reuters-in fotoqrafı qadın haqqında deyib ki, "Gənc bir kişi saxlanılan zaman həmin qadın qaçaraq polis sırasının qarşısına gəlib və onun heç bir səhv etmədiyini bildiridb. Hətta o sarı jilet belə geyməyibmiş"

Şəklin mənbəyi, Lam Yik Fei / Getty Images

Şəklin alt yazısı, Sentyabr ayında Honq Konqda tayfundan ziyan görmüş bina. Tayfun zamanı şiddəti saatda 200 km/s olan küləklər qeydə alınıb. Tayfun Çinin cənubuna gəlib çatmazdan əvvəl Filippində onlarla adamın ölümünə səbəb olub

Şəklin mənbəyi, Terray Sylvester / Reuters

Şəklin alt yazısı, Hawaii-də may ayında püskürən Kilauea vulkanından lava axarkən. Vulkan krateri gecə açılıb və lava püsgürən zaman onun hündürlüyü 70 metrə çatıb

Şəklin mənbəyi, Yasuyoshi Chiba / AFP

Şəklin alt yazısı, Kenyanın Bəy və Xanım Albinism gözəllik yarışmasının gənc iştirakçısı məkiyaj edərkən. Kenya Albinizm dərnəyi üzvlərinin tez-tez ayrıseçkiliklə üzləşdikləri və zorakılıqla mübarizə çərçivəsində noyabrda paytaxt Nairobidə tədbir keçirib

Şəklin mənbəyi, Billy H.C. Kwok / Getty Images

Şəklin alt yazısı, Mart ayında Tayvanda illik Çin fənəri festivalı zamanı turistlər minlərlə Çin fənərini səmaya buraxıb. Mərasim hər il günəş təqvimi üzrə yeni ilin son günü keçirilir

Şəklin mənbəyi, Marius Vagenes Villanger / AFP

Şəklin alt yazısı, Norveçin KV Svalbard gözətçi gəmisinin heyəti mart ayında Qrenlandiya ətrafındakı dənizdəki buz parçası üzərində futbol oynayar. İki silahlı mühafizəçi isə ağ ayıların hücumu ehtimalına görə keşik çəkir

Şəklin mənbəyi, AFP

Şəklin alt yazısı, Salah Qaşıqçı (solda), qətlə yetirilən jurnalist Camal Qaşıqçının böyük oğlu Səudiyyə varis şahzadəsi Mohammed bin Salman-la oktyabr ayında görüşüb. Salah Riyada şahzadə Salmanın baş sağlıqlarını qəbul etmək üçün dəvət olunub. Birləşmiş Ştatlar Senatı jurnalistin qətlinə görə Səudiyyə şahzadəsini günahlandırıb, ancaq rəsmlər kral ailəsinin qətldə iştirakını təkzib edib

Şəklin mənbəyi, Justin Sullivan / Getty Images

Şəklin alt yazısı, Kaliforniyanın Paradise yaşayış məntəqəsinin aerofotosu. Noyabrda baş verən şiddətli yanğın zamanı ətraf mühit yanıb, minlərlə ev dağılıb və 80-dən çox adam ölüb.

Şəklin mənbəyi, AFP

Şəklin alt yazısı, Yəmənli ana Nadia Naharinin beş yaşlı oğlu Abdelrahman Manhash uzun müddətdir aclıq çəkib və 5 kiloqram çəkisi qalıb. O, Khokha əyalətində müalicə xəstəxanasında tərəzinin üzərində dayanıb

Şəklin mənbəyi, Jesco Denzel / Bundesregierung / Getty Images

Şəklin alt yazısı, Bu görüntü 2018-ci ilin iyun ayında Kanadanın Şarlevua şəhərində keçirilən G7 sammiti vaxtı Almaniya kansleri Angela Merkellə ABŞ prezidenti Donald Trump arasında fikir mübadiləsi anlarını əks etdirir

Şəklin mənbəyi, STEFANIE GLINSKI / AFP

Şəklin alt yazısı, Sudanın cənubundakı Mingaman bölgəsində Dinka tayfasına mənsub oğlan əlini inəyin belinə çəkir. Quraqlıq mövsümündə iribuynuzlu mal-qara sürüsü qışlaqlardan aşağı salınaraq Nil çayı yaxınlığındakı düşərgələrə ötürülür

Şəklin mənbəyi, Shannon Stapleton / Reuters

Şəklin alt yazısı, Hollywood prodüseri Harvey Weinstein New Yorkda polisə təslim olur. O, cinsi zorlama və təcavüzlə bağlı ittihamları qəbul etmir

Şəklin mənbəyi, Allison Joyce / Getty Images

Şəklin alt yazısı, Bu kişi Banqladeş paytaxtı Dəkkəyə aparan su kanalında kimyəvi emal olunan plastik torbaları yuyur. 2002-ci ildə Banqladeş drenaj sisteminin tutulması nəticəsində dəhşətli daşqınlara səbəb olan nazik plastik torbaları qadağan etmiş ilk ölkə oldu

Şəklin mənbəyi, Yana Paskova / Getty Images

Şəklin alt yazısı, Böyüklər üçün filmlərdə çəkilən aktrisa Stormy Daniels (Stephanie Clifford) öz hüquqşünası Michael Avenatti ilə (solda ) prezident Donald Trump-ın sabiq şəxsi vəkili Michael Cohen-in işi üzrə New York şəhərinin dairə məhkəməsində keçirilən prosesə gəlir. Keçmişdə aktrisa ilə prezident arasında baş verənləri sirr saxlamaq üçün xanım Daniels-ə 130 min dollar həcmində ödəniş etməkdə təqsirkar olaraq tanınan cənab Cohen həbs cəzası alıb

Şəklin mənbəyi, MUHAMMAD RIFKI / Getty Images

Şəklin alt yazısı, İndoneziyada helikopter dağıdıcı zəlzələ və sunamiyə məruz qalan Palu bölgəsində havadan dezinfeksiya aparır. Sentyabr ayında baş verən təbii fəlakət 380 nəfərin ölümünə bais olmuşdu

Şəklin mənbəyi, Kevin Frayer / Getty Images

Şəklin alt yazısı, Monqolustanın Ulanbator şəhərində şaman yay ruhlarını çağıracaq gündönümü mərasiminə qatılır. Şamanizm 70 il ərzində hökm sürən Kommunist rejimi tərəfindən qadağan olunmuşdu. Lakin 1992-ci ildə onun qorunmasını təsbit edən yeni Konstitusiyanın qəbul edilməsilə qədim dini ənənə yenidən canlanmağa başlayıb

Şəklin mənbəyi, Clodagh Kilcoyne / Reuters

Şəklin alt yazısı, Banqladeşin Koks bazar düşərgəsində yanaqlarına Myanma bölgəsinə aid ənənəvi sarı "tanaka" nişanələrini çəkən qız. 2017-ci ilin avqust ayından bəri təqiblərə məruz qalan 700 mindən artıq Rohinca müsəlmanı Myanmadakı evlərini tərk etməyə məcbur olaraq qonşu Banqladeşə qaçmalı olub

Şəklin mənbəyi, JIM WATSON / AFP

Şəklin alt yazısı, Facebook-un icraçı direktoru Mark Zuckerberg ABŞ Senatının Kommersiya, Elm, Nəqliyyat və Ədliyyə komitələri qarşısında ifadə verir. Cənab Zuckerberg ABŞ prezident seçkiləri vaxtı rusiyalı trolların yaydığı dezinformasiyaya öz şirkətinin ləng reaksiyasını ən çox təəssüf doğuran amillərdən biri kimi dəyərləndirib

Şəklin mənbəyi, ALEXEY NIKOLSKY / AFP

Şəklin alt yazısı, Moskvanın Lujniki stadionunda futbol üzrə Dünya Çempionatının finalında Fransa prezidenti Emmanuel Macron Xorvatiya millisi üzərində qələbəni havaya yumruq atmaqla qarşılayır

Şəklin mənbəyi, Mohamad Torokman / Reuters

Şəklin alt yazısı, Fələstinli kişi zəbt olunmuş Qərb Sahilində orta məktəbin bağlanılması barədə qərara etiraz edir