Tiraamp ajandaawwan baqattoota seeraan alaafi kaanniin guyyaa jalqabaa guutuu waajjiratti dabarse

Donaald Tiraamp Pirezidantii Ameerikaa 47ffaa ta'un kakuu raawwatan. Haasaa taasisaniinis waan hedduu waadaa seenan, bulchiinsa Baayidan qeeqan.

Guduunfaa

Oduufi xiinxalaaf Chaanaalii WhatsApp fi Facebook BBC hordofaa
Tiraamp namoota hookkara Kaappitaaliin hidhamaniif dhiifama gochuun hojii eegale
Pirzidant Tiraamp US Dhaabbata Fayyaa Addunyaa (WHO) keessaa akka baatu ajaje
Donaald Tiraamp Pirezidantii Ameerikaa ta'un kakuu raawwatan
Muudama booda Tiraamp maal jedhan?
Pirezidant Baayidan guyyaa dhumaa Waayit Haawus keessatti
Hamaas kanneen uggure sadii gadhiise, Israa'el 90 hiikte
Taankariin boba'aa Naayijeeriyaatti dho'ee namoota 98 galaafate

Haguuggii Tamsaasa Kallattii

20 Amajjii 2025Walitti bu'iinsa bakka albuudni bahuutti mudateen yoo xinnaate torba ajjeeffaman
Madda suuraa, Reuters
Gaanaatti walitti bu’iinsa namoota seeraan ala albuuda baasaniifi loltoota hojiirra turan jidduutti bulchiinsa jidduugala Ashaantii bakka albuudni bahuutti mudateen yoo xiqqaate namoonni torba du’uu raayyaan ittisa biyyaa beeksiseera.
Humni Waraanaa Gaanaa akka jedhetti, namoonni karaa seeraan alaa albuuda baasan kan gara 60 ta’an gara bakka albuuda dhaabbata guddaa addunyaa AngloGold Ashanti jedhamutti humnaan seenuuf wayita jedhaniitti loltoonni jidduu galuu yaallaan itti dhokaasuunsaanii hime.
Kunis loltoonni akka ''of ittisuuf jecha deebiisanii itti dhukaasaniif'' kan kakaase yoo ta'u, taatee kanaani ammoo namoonni du'aa fi kaan madaa'uuf sababa ta'uu ibsi kun erera.
Bakka bu'aan namoota albuuda baasaanii garuu namoonni albuuda baasan hidhannoo qabaachuusaanii haaleera.
Oduu du'a namoota kanaa hordofuun magaalaa Obu'aasi keessatti mormiin kan ka'e yoo ta'u, Atobisoonni hedduun ibiddaan gubamaniiru.
Ajjeechaa kana hordofuun jiraattonni aarii guddaa keessa galanis mooraa dhaabbatichaa marsuun yoo xiqqaate konkolaattota sadii fi meeshaalee dhaabbatichaa biraa gubaniiru.
Pireezidaanti Joon Mahaamaa dhimmicha irratti qorannoon akka gaggeeffamu ajajuudhaan, namni seeraan ala socho’ee argame kamuu seeratti akka dhiyaatu himaniiru.
Ibsi pirezidaantii irraa bahe akka agarsiisutti namoonni saddeet du'aniiru.
20 Amajjii 2025Taankariin boba'aa dho'ee namoota 77 galaafate
Madda suuraa, EPA
Naayijeeriyaatti erga balaan konkolaataa mudateen booda taankarri boba'aan ibiddaan qabatee namoonni boba'aa waraabbachuuf fiigaa turan 77 du'uu aanga'oonni beeksiisan.
Taankarichis erga Kaaba jidduugala bulchiinsa Niijar keessaatti guyyaa Samabataa garagaleen booda boba'aan keessaa kan dhangala'e.
Namoonni erga gara sanatti fiiguun boba'aa waraabbachuuf jalqabanii sa'aatii muraasa booda dhohiinsa mudateen, namoota hedduun erga galaafateen booda kanneen 25 ta'an ammoo miidhaan irra gahuu qondaaltonni himaniiru.
Dhohinsi taankara boba'aa fi balaan akkasii kunis biyyattii keessatti baramaadha. Yeroo baayyeen balaan akkasi kun sababii haala daandii biyyattii sadarkaansaa gaarii hin taaneen kan mudatuudha.
Namoonni dhohinsa sanaan miidhamanis hospitaalota dhiheenyatti argamu keessatti yaalamaa akka jiran ejensiin bulchiinsa balaa tasaa beeksiseera.
Naayijeeriyaa ji'oota darban keessa taateewwan walfakkaatan hedduu akkasii mudateera. Torban lama dura, naannoo boba’aan badhaate Deeltaatti balaa boba'aa konkolaataa fe'ee ture irratti gaheen dho’iinsi mudatee yoo xiqqaate namoonni shan kan du’an yoo ta’u, baatii Onkololeessaa keessas balaadhuma walfakkaatuun yoo xiqqaate namoonni 153 du’aniiru.
Imaammata dinagdee cimaa Pirezidaantiin Naayijeeriyaa Boolaa Tinubuu gaggeessaa jiraniin fi deeggarsa boba’aa yeroo dheeraaf ture kaasuu dabalatee, ji’oota 18 darban keessa gatiin boba’aa %400 dabaleera.
Jijjiiramni kunis namoota miliyoonaan lakkaa'aman hiyyummaa keessa kan galche yoo ta'u, hedduunsaanii lubbuun jiraachuuf tarkaanfii abdii kutannaa keessa akka seenan dirqamaniiru.
20 Amajjii 2025'Manni hafe omtuu hin jiru, barbadaa'eera, garuu mana keenya'
Madda suuraa, EPA
Ibsa waa'ee suuraa, Dubartii Filisxeem bakka manashee jijjigaatti jijjirame irra teessee harka samiitti ol qabdu
Erga dhukaasa dhaabuun hojiirra oolfamee kaasee lammiileen Filisxeem bakka qe'eesaanii irraa buqqa'aniitti deebii'aa jiru. Garuu gamooleen manasaanii jijjiggaatti geeddarame argan.
Raanaa Mohseen kan umuriin waggaa 43, kan Jaabaaliyaa keessatti dahoo argachuuf jecha Magaalaa Gaazaa irra baqattee turte deebiitee galuuf yeroo baayyee itti dheerate ture.
''Yeroon akka dhufuuf baatiiwwan 16f eeggataa turre'' jetti haatii ijoollee sadii wayita oduu ejansii AFPtti dubbateetti.
"Gammachuunkoo daangaa hin qabu. Dhumarratti mana keenyatti deebiineera. Manni hafe hin jiru. Barbadaa'eera, garuu ammas mana keenya.
Baaxiin manashee jijjigaatti kan dabalame yoo ta'u, hammi badiisa kanaa ''kan hin yaadamnedha'' kan jette haatii tun, itti dabaluudhaan akka magaalaa ekkeeraa ykn magaalaa onaatti "gamoowwanii fi mallattoolee lafaa guutummaatti badaniiru jette.
Ahimad al-Baalaawiitis haaluma walfakkaataatuu simate yeroo inni Raafaa irra deebii'eetti.
"Akkuma gara magaalatti deebi'een rifaatuu natti dhaga'ame" jechuun AFP'tti himeera.
"Qaama namaa bosbosan, jijjigaa manneenii, fi bakka hundatii badiitu mul'ata. Naannichi guutuun guutummaatti haxaa'ameera."
Kaleessa dhukaasa dhaabuu erga labsameen booda, ministeerri fayyaa Gaazaa, lammiileen Filisxeem gara eddoosaaniitti deebi’an reeffa irraa akka fagaatanii fi aangawoota waamuun akka kaasiisan dhaameera.
20 Amajjii 2025Wayita hidhamtoonni Filisxeem maatii waliin walitti makaman haala ture viidiyoodhaan
Yeroo hidhamtoonni Filisxeem Israa'el gadi lakkiifte maatiisaanii waliin walitti makkaman kan miiraan guutame ture.
Atobisoonni lama hidhamtoota Filisxeem qabatanii Israa'el irraa gara Weest Baank qajeelan ummata walitti qabameen simataman.
BBC'nis viidiyoo yeroo sana ture amma argateera kunoo dowwadhaa.
Ibsa waa'ee viidiyoo, Moment freed Palestinian prisoners reunite with family and friends
20 Amajjii 2025Bilinkan MM Kaataar 'gahee murteessaa' yaalii jaarsummaa keessatti bahaniif galateeffatan
Madda suuraa, Getty Images
Ministirri Dhimma Alaa Yunaayitid Isteets Antoonii Blinkan, Ministira Mummee Kaataar, Sheek Mohaammad Bin Abdul Raahman Al Thani tattaaffii jidduu seenummaa dhukaasa dhaabuun milkeessee keessatti ''gahee murteessaa'' taphataniif galateeffachuu isaanii Ministeerri Dhimma Alaa Ameerikaa beeksiseera.
“Anga'aan kunis Gaazaaf karoora waldhabdee boodaa cimsuu itti fufuun barbaachisaa ta’uu ibsaniiru. Akkasumas, deeggarsa ministira mummichaa kanaaf galata guddaa akka qaban ibsuun, naannicha keessatti nagaa waaraa buusudhaaf tattaaffii itti fufiinsa qabu irrattis waan gaarii hawwaniiru,” jechuun leellisuusaanii ibsa waajirra saanii beeksiiseera.
20 Amajjii 2025Gammachuu maatii hiikamanii suuradhaan
Erga hidhamtoonni Filisxeem hiikamanii maatiitti makamanii booda gammachuu ture maal akka fakkaatu suuraadhaa nu qaqabeera.
Suuraalee yeroo Filisxeemonni maatiitti makaman agarsiisuu muraasa kunooti:
Madda suuraa, Reuters
Ibsa waa'ee suuraa, Dubartii Filisxeem hiikamuun yeroo intalshee waliin wali argan haala ture
Madda suuraa, Reuters
Ibsa waa'ee suuraa, Ummanni qarqara Raahaamaatti walitti qabamuun namoota hidhaa bahan simachuuf eeggataa turan
Madda suuraa, Reuters
Madda suuraa, Reuters
Ibsa waa'ee suuraa, Lammiin Filisxeem bilisa baate Rooz Khwais erga mana hidhaa Israa'el keessaa baatee booda abbaa isheetiin dhungattee jirti
20 Amajjii 2025Fedhiin fayyaa Gaazaa hojii walxaxaa fi qormaata qabuudha - Dr teediroos
Madda suuraa, Getty Images
Bakka dhukaasa dhaabun baayyee turee amma hojiirra oole ilaalchisuun gama lamaaniyyuu ummanni gammachusaa ibsataa jirutti, Daarektarri Olaanaan Dhaabbata Fayyaa Addunyaa (WHO) Dr Teediroo Adihaanoom kanneen Gaazaa keessa jiraniif imalli cimaa ta'u akeekkachiisan.
Jalqabni adeemsi namoota butamanii fi hidhamtoota hiikuu "namoota miliyoonaan lakkaa'aman kanneen jireenyisaanii walitti bu'iinsa kanaan barbadaa'eef abdii guddaa fida" jedha Dr Teedroos.
"Kunis kanan ani waamicha taasisaa fi arguuf abdachaa turedha," jedha.
Haata'u malee, itti dabaluudhaan, "fedhii fayyaa olaanaa Gaazaa keessaa furuu fi sirna fayyaa deebisuun, hamma badiisaa hubachuudhaan baayyee hojii walxaxiinsa fi danqaawwanin kan guutameedha" jedha.
20 Amajjii 2025Uummata atobisii hidhamtoota Filisxeem qabatee jiru marsanii mul'atu
Suuraawwan muraasa dhaabbata oduu Rooyitars irraa arganne akka mul'isaniitti wayita hidhamtoonni Filisxeem mana hidhaa Israa'elii bahaniitti ummanni daandiitti bahee simataa ture.
Haaluma kanaanis namoonni hedduun Weest Baankii keessatti atobisii hidhamtoota Filisxeem gadhiifaman fe'ee jirutti marsanii mul'atu.
Suuraalee haaraa ta'an keessaa muraasni kunooti:
Madda suuraa, Reuters
Madda suuraa, Reuters
Madda suuraa, Reuters
20 Amajjii 2025Israa'el hidhamtoota Filisxeemoota 90 gadhiifte
Madda suuraa, Reuters
Israa'el jijjirraa dubartoota sadii Hamaasiin butaman gadhiifamuu isaanii hordofee, Filisxeemoota 90 hidhaarra turan gadhiifte.
Tajaajilli Mana hidhaa Israa'el hidhamtoonni Filisxeem kanneen mana hidhaa Weest Baank keessa turan 90 gadhiifamusaanii mirkanneessera.
Hidhamtoonni Filisxeemiifi namoonni Onkololessa 7, 2023 Hamaasiin Kibba israa'el keessaa butamuun gara Gaazaa geeffaman kunneenis haaluma waliigaltee dhukaasaa dhaabuu marsaa tokkooffaa Hamaasii fi Israa'el jidduutti gaggeeffameetiin.
Hidhamtoonni Filisxeem kunneenis kan gadi dhiifaman erga Hamaas dubartoota Israa'el keessa butaman Dilbata galgala dursee gadhiisuun Fannoo Diimaatte kenneen boodadha.
Madda suuraa, Reuters
20 Amajjii 2025Tamsaasa kallattii keenya eegalleera!
Ashamaa hordoftoota BBC Afaan Oromoo bakka jirtan maratti!
Odeessaalee karaa tamsaasa kallattiin gagabaabsiine addunyaa mara irraa isin biraan geenyu kan Wiixata har'a kunoo amma eegalleera.
Egaa isinis odeessa dabalataa argachuudhaaf akkuma barame marsariitii keenya https://bbc.in/4hjIthu, Facebook keenya https://bbc.in/3WndN6F akkasumas WhatsApp keenya https://bbc.in/4gXq5Ls millachuu hin dagatiinaa.
Bakka nagaa oolaa!
19 Amajjii 2025Israa'el jijjiraa dubartoota sadii Filisxeemoota 90 gadiisuuf
Madda suuraa, Reuters
Ibsa waa'ee suuraa, Namoota alaabaa Filisxeemiifi Hamaas uffachuun mana hidhaa alatti gadhiifamu hidhamtootaa eegaa jiru
Jijjirraa dubartoota sadii galgala kana Hamaasiin Gaazaa keessaa gadhiiseetti, Israa'el hidhamtoota Filisxeemootaa 90 gadhiifti jedhamee ammaan tana eegamaa jira.
Hidhamtoonni kunneenis Weest Baank to'atamtuu keessaa mana hidhaa Ofree bakka maatiiwwan muraasni ala dhaabbatanii eegaa jiranii gadhiifamu.
Magaalaa dhiheenya West Baank, Bitaaniyaatti ummanni baayyeen walitti qabamuun hidhamtoonni gadhiifamuu eeggataa jiru.
Jiraattoonni naannichaa muraasni ammoo daandii cufuudhaaf jecha ibidda bobbeessaa jiru.
Madda suuraa, Reuters
Ibsa waa'ee suuraa, Maatii fi hiriyyoonni hidhamtoota Filisxeem kanneen mana hidhaa Ofer, naannoo Raamaalaa jedhamu irraa gadhiifamu jedhamee eegaman, tulluu dhiyoo jiru irra bahuun eegaa jiru.
Madda suuraa, Reuters
19 Amajjii 2025Hopitaala Teel Aviiv alatti ummanni gammachu ibsate
Madda suuraa, EPA
Dubartoonni sadan jalqabaa Hamaasiin gadhiifaman akkuma gara Israa'eliitti daabiifamanii hilikoptaraan gara hospitaala Teel Aviive keessaa geeffaman.
Hospitaala Sheebaa alattis gareen dhukkubsattootaa fi hojjettoota hospitaalichaa muraasatu dukkana keessatti walitti qabamanii namoota gadhiifamanii gara manaatti deebii;an simatanii turan.
Konkolaataan kun yeroo darbu namoonni gammachuu ibsataa fi shubbiisan ni dhaga'ama ture. Konkolaattonni iskiriinii seensa hospitaalichaa irratti kaa'ame duuba saffisaan baduu.
Namoonni butamanii ji'oota 15 darban Gaazaa keessa turanis fi bayyanachuuf amma yeroo dheeraa isaan barbaachisuuf sa'aatii dhuunfaa isaaniif kennuu agarsiisa mana.
19 Amajjii 2025Yeroo Hamaas dubartoota butee fudhate sadan jalqabaa gadhiisu
Yeroo milishonni Hamaas magaalaa Gaazaa keessatti namoota butan keessaa har'a dubartoota sadi baasii 15'f booda gadhiisan.
Kunis waliigaltee dhukaasa dhaabuu taasifame hordofee kan raawwatame yoo ta'u, wayita dubartoota sadan dhaabbata Fannoo Diimaatti dabarsanii kennan haalli ture kana fakkaata ture.
Doowwadhaa.
Ibsa waa'ee viidiyoo, Moment Hamas militants hand over female hostages in Gaza City
19 Amajjii 2025Suuraa dubartoota gadhiifaman sadan haadhasaanii waliin
Waraanni Israa'el suuraa dubartoota sadan Hamaasiin gadhiifaman haadhooliisaanii waliin kaase gadiise.
Madda suuraa, IDF
Ibsa waa'ee suuraa, Imilii Daamaarii kan waggaa 28 haadhashee maandii waliin
Madda suuraa, IDF
Ibsa waa'ee suuraa, Romii Goneen kan umuriin waggaa 24
Madda suuraa, IDF
Ibsa waa'ee suuraa, Doron Isteenbrechar kan umuriin waggaa 31 haadhashee waliin
19 Amajjii 2025Dubartoonni Hamaasiin gadhiifaman sadan wallaansaaf gara hospitaalaa geeffaman-Israa'el
Madda suuraa, Reuters
Waraanni Israa'el namoota butanam keessa sadii dubartoota simachuu beeksiise.
Dubartoonni gaafa Onkololeessa 7, 2023 butamuun amma turtii baatii 15 booda gadhiifaman kunneenis Imiliyii Daamaarii, Doroon Isteenbirecher fi Roomii Gooneen jedhamu.
Dubartoonni kunneenis akkuma gara Israa'el deebiifamaniin wallaansaaf hilikoptaraan gara hospitaalaa geeffamunsaanii ibsame.
Dubartoonni kunneen sadanu haadhooliisaanii waliin kan gara hospitaalaa deeman yoo ta'u, hospitaalaatti miseensoota maatii kaan waliin wal argu.
Wallaansi kunis erga baatiiwwan 15'f butamuun Gaazaa keessa tursiifamaniin booda qaamuma gadiifamusaaniiti jedhameera.
19 Amajjii 2025Liivarpuul injifate, Arsenaal qixa bahus Arteettaan 'nan boona' jedhe
Madda suuraa, Getty Images
Ibsa waa'ee suuraa, Liivarpuul liigicha garaagartee qabxii jahaan dursuu eegaleera
Liivarpuul Pirimeer Liigii Ingilizii dursuu cimsee itti fufeera.
Gama kaaniin, Arsenaal dirree isaatti Aston Viilaa keessummeessuun goolii lamaan galchuun dursa erga ture booda Aston Viilaan lama galchee qixxee bahan.
Leenjisaan Arsenaal maal jedhan?
19 Amajjii 2025TikTookiin Ameerikaa keessatti tajaajila kennuu dhaabe
Madda suuraa, EPA
Ibsa waa'ee suuraa, Maamiloonni viidiyoo arguu akka hin dandeenye dubbatan
TikTookiin US'tti toora intarneetirraa kan kaafame seerri haaraan miidiyaa hawaasaa kana dhorku hojiirra ooluuf sa'aatii muraasni wayita hafetti.
Maamiltota aappiicha Ameerikaa jiran birattii dhaamsi mul'ate, seerri TikTookii dhorku ragga'eera.
TikTok maaltu qunname?
19 Amajjii 2025Ayyaanni Cuuphaa biyyoota kaanitti haala kamiin kabajama?
Madda suuraa, Visit Oromia
Ibsa waa'ee suuraa, Ayyaanni Cuuphaa Hara Danbal irratti kabajamu booda kana xiyyeeffannoo miidiyaalee argataa jira
Ayyaanni Cuuphaa hordoftoota Mana Kiristaanaa Ortodoksii Tawaahidoo Itoophiyaa akkasumas biyyoota addunyaa birootti guyyaa har'aa sirna ho'aan kabajameera.
Itoophiyaan alatti Ayyaanni Cuuphaa sirna garagaraan biyyoota garagaraattis ni kabajama.
Biyyoonni kaan akkamiin kabaju?
19 Amajjii 2025Konkolaataan boba'aa baatu dho'ee lubbuu namoota 70 olii galaafate
Madda suuraa, EPA
Ibsa waa'ee suuraa, Balaan kuni namoota hedduu galaafate
Naayijeeriyaatti konkolaaataan boba'aa baaturra balaan erga qaqqabe booda namoonni otoo boba’a waraabanii dho’uun yoo xiqqaate lubbuu namoota 77 dabarse jedhan qondaalonni biyyattii.
Taankariin boba’aa kanarra balaan kan qaqqabe Kaaba bulchiinsa giddugaleessa Nijeer bakka Suleeja jedhamutti yoo ta’u, erga garagalee booda dhangala’e.
Namoonni battaluma boba’aa waraabbachu eeegalaniitti dho’uun namoota ajjeesun, lubbuu baraartota dabalatee namoota 24 madeesse.
Naayijeeriyaatti balaan taankarii boba’aarra deddeebi’e qaqqabuun baratamaadha.
Kunis dhiphina daandii fi konkolaattota sirnaan suphuu dhabuun walqabata.
19 Amajjii 2025Filisxeemonni waraanni buqqise qe'eetti deebi'u eegalan
Madda suuraa, Rooyitars
Lammileen Filisxeem sababa waraanaatiin qe'eesaaniirraa buqqa'an gara mana isaanitti deebi'aa jiru.
Namoonni uffataa fi qabeenyasaanii biroo baatanii konkolaattota hiriira galaniin gara qe'eesaaniitti deebi'aa jiru.
Dhaabbata Biyyoota Gamtoomaniitti Ejensiin Filisxeem, UNRWA, konkolaattota nyaataa fi daakuu fe’an Gaazaa seenuufi jedhe.
Ejensichi akka jedhetti, konkolaattonni 4,000 gargaarsa fe’anii Gaazaa seenuuf qophaa’aniiru.
Hogganaan UNRWA Filip Lazzarinii, dhukaasi dhaabbachuu hordofee haleellaan konkolaattota gargaarsaarra qaqqabu hir’ateera.
Madda suuraa, Rooyitars