Xiyyaar-samiin Naasaa ergama Addeessaaf qajeelte Dachee marsaa jirti

Haguuggii Tamsaasa Kallattii

1. 1 Ebla 2026Iraan waraana kana dhaabuuf garaarraa fedhii qabdi, garuu haaldureewwan guutamuu qaban jiru- Pirezidaant Pezeeshkiyaan

   

   Madda suuraa, IRANIAN PRESIDENCY / HANDOUT via Getty Images

   Iraan waraana USfi Israa'el waliin gaggeessaa jirtutti xumura gochuuf barbaaddu ibsuun garuu haal-dureewwan guutamuu qaban akka jiran ibsan Pirezidaantiin Iraan Masuud Pezeeshkiyaan.

   Pirezidaant Masuud kana kan dubbatan pirezidaantii Kaawunsilii Awurooppaa waliin karaa bilbilaa erga mariyatanii booda ta'uu miidiyaalen Iraan gabaasan.

   Haal-duree isaan kaa'an keessaa tokko waraanni gara fuulduraatti Iraanirratti akka hin labsamne wabiin qabatamaan jiraachuu akka qabuudha.

   Waraanni kun akka dhaabbatuuf qabxiilee 15 US torbee darbe keessa Iraaniif ergiteef, Iraan deebii kenniteen yaaduma amma Pirezidaant Masuud Pezeeshkiyaan kaasan gaafattee turte. Innis, gara fuulduraatti Iraanirratti waraanni akka hin labsamne wabiin qabatamaan jiraachuu qaba kan jedhu ture.

   Ulaagaa Iraan gaafattee turte kan biraa US badii waraana kanaan Iraan irra gaheef beenyaa akka kaffaltuufi Ulaa Hormuuz irratti Iraan walabummaa guutuu akka qabdu beekamtii akka kennitu kan jedhuudha.

   Waliin dubbiin Pirezidaantiin Iraanifi Pirezidaantiin Kaawunsilii Awurooppaa karaa bilbilaa taasisan carraa waraanichi karaa mariin dhumuu mala jedhutti wantoota abdii horan keessaa tokkoodha jedhama.

2. 1 Ebla 2026Biyyoonni Awurooppaa xiyyaaraa waraanaa Ameerikaattii daangaa qilleensaa isaanii cufachaa jiru

   

   Madda suuraa, Stu Smith

   Biyyoonni Awurooppaa haleellaa Ameerikaan iraan irratti raawwattuuf xiyyaaronni waraanaa US daangaa qilleensaa isaanii akka hin fayyadamne dhorkaa jiru.

   Murteen akkasii kun Ispeeniin kan jalqabame yoo ta'u, amma ammoo Faransaay fi Xaaliyaan ejjennoo wal fakkaatu qabachuun isaani gabaafamaa jira.

   Pirezidant Doonaald Tiraamp fuula miidiyaa hawaasaa isaarratti barreesseen, xiyyaaronni waraanaa Ameerikaa meeshaa waraanaa fe'anii gara Israa'elitti balali'aa turan daangaa qilleensaa ishee keessa akka hin qaxxaamurreef Faransaay dhorkuushee eeruun komii dhageessiseera.

   Ji'a tokkoo oliif Iraan irratti haleellaa addaan hin cinne raawwachaa kan jiru Pirezidant Tiraamp, murtee Faransaay kanaan baayyee kan dheekkame yoo ta'u, barreeffama maxxanse kanaan dhrokaa Faransaay "Ameerikaan hin dagattu" jechuun cimsee qeeqeera.

   Dabalataan Xaaliyaanis xiyyaarri waraanaa Ameerikaa tokko buufata xiyyaaraa Sigooneellaa jedhamu kan kutaa biyya Xaaliyaan Siisiilii keessatti argamu keessa akka hin qubanne dhorkuu ishee miidiyaaleen biyyattii gabaasaniiru.

   Buufanni waraanichaa, buufata humna qilleensaa Xaaliyaan yoo ta'u, humni galaanaa Ameerikaas bakka qubateerudha.

   Kanaan dura ammoo ministeerri dhimma alaa Ispeen xiyyaaronni waraanaa lola Iraan keessatti gaggeeffamurratti hirmaatan daanqaa qilleensaashee akka hin fayyadamne cufuu beeksiseera.

3. 1 Ebla 2026'Waliigaltee qabaannus qabaachuu baannus, US torban lama ykn sadii keessatti Iraan gadhiisti' -Tiraamp

   

   Madda suuraa, EPA

   Pirezidant Doonaald Tiraamp US turban lamaa hanga torban sadii keessatti Iraan keessaa ni baati jedhe. Kun ammoo yoo mootummaan “waggootaaf” meeshaa waraanaa ijaaruu akka hin dandeenye mirkaneeffatedha jedhe.

   Waajira Ovaal keessaa dubbii taasiseen Tiraam Iraan “waliigalteerra gahuuf kadhachaa jirti” garuu kun taes, ta’uu baates yeroo turtii Ameerikaatiif kun “hiika hin qabu” jedhe.

   Kana dursee pirezidantiin Iraan Masuud Pezeshikiyaan diinonni ishee waraanni kun akka deebiyee hin kaane wabi ikan kennaniif taanaan waraana kana dhaabuudhaaf Teehraan “fedhii barbaachisu ni agarsiisfti” jedhee ture.

   Pirezidantiin Chiinaa SHii Jiiping ammoo carraaqqii waraanni kun itti dhaabbachuu danda’u taasisu cimsaa jiraachuu gabaasaan BBC Beejing jiru ibseera.

4. 1 Ebla 2026ASHAMAA!

   Akkam jirtu hordoftoota keenyaa?

   Toora tamsaasa kallattiin oduu isin biraan geenyu kan Ebla 1, 2026 jalqabneerra.

   Waliigaltee qabaannus qabaachuu baannus, US torban lama ykn sadii keessatti Iraan gadhiisti' -Tiraamp

   Odeeffannoo wayitawwaa kana Marsaritii, YouTube, Whatsapp, fi Facebook irraan ni argattu.

   Tiraamp biyyoota Awurooppaa waraanicha irratti ilaalaniin 'si achi US isin hin gargaartu' jedhe

   Carraan US waraana lafootiin Iraan weeraruu hagami?

   Kanneen jedhaniifi kaan hedduu argattu.

   NU HORDOFAA!