Bi ibugbamu ado oloro lati Iran ṣe ko jinni-jinni

Ọsẹ meji ti wọn bẹrẹ ,awọn eeyan agbaye si ti n ri ọwọja ija yii kaakiri

Ikede kan to n waye lati gba agbara ado oloro Iran, ti ikọ ogun oju omi rẹ ati erongba yowu ti won ni lati ṣe nnkan ija ogun ti da rogbodiyan to n dunkoko mọ iduro ṣinṣin ọrọ aje lẹka-jẹka ati kari aye silẹ.

Bi ijiya to lagbara si ti kọlu wọn to, ikọ Iran ṣi duro, wọn n sa agbara lọna tuntun to kun fun ewu.

Ẹkun Aarin Ila-Oorun paapaa n mi titi pẹlu bi nnkan ṣe n tuka, eyi ti Aarẹ Donald Trump juwe rẹ bii iriri ti ko ni i pẹ́

Fun awọn eeyan Iran, ti Trump n rọ lati gba ijọba wọn,asiko yii nira pupọ.

Iran-ni awọn adojukọ kan. O tobi gidi gan ju Iraq ati Afghanistan ti wọn jẹ alamuleti rẹ lọ bi a ba pa awọn iyẹn pọ-Orilẹede meji ti idasi US pada di ija nibẹ fun ọpọ ọdun.

Awọn nnkan elo ologun rẹ, bii eto ṣiṣẹ nnkan ija ogun pọ kaakiri orilẹede nla kan, nigba mi-in abẹ ilẹ lori apata ni wọn yoo lọ ri i mọ́.

Awọn eeyan rẹ ti wọn le ni miliọnu marundinlaadọrun-un jẹ ẹya oriṣiriṣi-Idaji wọn jẹ ẹya Persia, amọ awọn ti wọn ko pọ bii ẹya naa wa pẹlu, to fi mọ Azerbaija, Kurds ati awọn Arab.

Lati ọdun 1979 ni wọn ti bẹrẹ ijọba ẹsin Islam nibẹ, o si fẹsẹ mulẹ gidi pẹlu eto to ṣe rẹgi.

Pẹlu bi ikọlu mẹrin ṣe ti waye ṣaaju loṣu Kẹrin ọdun 2024, ti Israel gbe ikọlu de, ti US naa kọlu lẹẹkan, bi wọn ṣe mu agbara koko ko ruju rara, wọn ṣe afihan rẹ loṣu Kin-in-ni, nigba to koju awọn iwọde ọlọpọ eeyan ti ko ba waye.

Laaarin pipa awọn olufẹhonuhan to ti ọwọ awọn to n ṣelu wa loṣu Kin-in-ni,awọn eeyan Iran gbọ ti Trump n ṣeleri pe iranlọwọ de tan.

Nigba to de tan lopin oṣu Keji, inu awọn kan dun si i. Fidio ṣafihan awọn eeyan Iran to n ṣajọyọ pe wọn ti pa olori wọn.

Ṣugbọn bi onka iku awọn araalu naa ṣe ti pọ si,ireti wọn ti di ibẹru. Ninu ikọlu kan to waye nile ẹkọ alakọọbẹrẹ ni Minab, o kere tan, eeyan ọgọjọ ti pupọ wọn jẹ ọmọde ni wọn pa. Ninu ikọlu mi-in, wọn n wa awọn to yè labẹ ilẹ kan ti ikọlu ba ni Ila-Oorun Tehran ni.

Ajọ UN sọ pe o to miliọnu mẹta ati ẹgbẹrun meji eeyan to ti di alainile lori , bawọn eeyan Iran ati awọn ogunlende ọlọdun pipẹ ṣe n kuro niluu naa lati wa ibugbe si apa ibomiran. Ni Guusu Lebanon, o kere tan eeyan ẹgbẹrun lọna ẹgbẹrin (800,000) lo ti di dandan fun lati fi ibugbe wọn silẹ lẹyin aṣẹ to ni ki wọn kuro.

Ogun yii ko mu idẹrun ba awọn to bẹrẹ rẹ naa. US ati Israel naa ti padanu diẹ ninu awọn ọmọ ogun wọn. Awọn araalu naa ti ku pẹlu, titi kan awọn ọmọ Israeli mẹsan-an to ku nigba ti ado oloro Iran ba ibudo bọọmbu niluu Beit Shemesh lọjọ kin-in-ni, oṣu Kẹta.

US ti fi ọpọ ọsẹ ko ikọ ologun to tobi julọ jọ latigba ti wọn ti wọ Iraq ni 2003, to fi mọ ikọ onikọlu meji ati ọpọ baaluu.

Israel ati US, laaarin wọn, ni gbogbo nnkan ija ti eeyan le ronu ẹ. Wọn le yin awọn ado oloro to yara ti ko si ki n tase, lati ọna jinjin lati kapa agbara yowu ti ologun Iran ba fẹ sa. Wọn si le mu un ni koko pẹlu obitibiti bọọmu ti iye rẹ fẹrẹ ma tan mọ.

Iran naa ko kere, bo ti ẹ n dinku ni ipele awọn nnkan ija ati duroonu , o le maa tọju awọn kan, ṣugbọn lẹyin ọsẹ meji, eyi ti wọn n lo n dinku si i ni.

Amọ o ṣi ku lara wọn naa, bi wọn ṣe kọlu awọn tanka loju omi pẹlu lilo awọn nnkan ija ti ko han ati iku ologun oju omi. Duroonu ti fi han pe yoo ṣoro lati ridi eyi tabi lati ba a jẹ, o si le mu ogun yii pẹ si i .

Ọwọja ogun yii ti kari ọrọ aje agbaye lọna ti ile agbara America paapaa ko rokan.

Ọna tin-in-rin Hormuz, nibi ti o kere tan, ida ogun epo agbaye n gba kọja ni wọn ti di pa..

Ọpa epo Saudi kan lapa Okun Pupa, ati ọna kekere to ja si Oman lati United Arab Emirates, le ṣe iranwọ lati ri ojutuu si didipa yii. Ṣugbọn lasiko yii na, ai to epo ati afẹfẹ gaasi jẹ iṣoro to kari aye.

Koda, o ṣoro lati sọ pe ibi kan wa ti ko maa koju iṣoro yii lẹka ọrọ aje lagbaaye, bẹrẹ lati ẹka irinna ofurufu titi de ọgbin,ike ati gbigbe wọn kọja.

Ni Philippines, awọn oṣiṣẹ kan n ṣiṣẹ fun ọjọ mẹrin laarin ọsẹ lati din irinajo ku. Ni Thailand, wọn n gbe ẹrọ amuletutu wọn si odiwọn 26C (79F) ninu awọn ọfiisi ijọba lati din bi wọn ṣe n lo ina ku. Ni Myanmar, ijọba ologun to wa nibẹ ti ni ọkọ adani ki i ṣe wiwa lojoojumọ mọ, ki wọn maa yọ ọ sira wọn ni.

Ni Britain ati Europe, ijọba sọ pe oun yoo gbe igbesẹ lori awọn to n fowo kun un, wọn ni o jọ pe awọn ileeṣẹ agbara n fi ohun to n ṣẹlẹ yii pawo sapo ara wọn.

Ni US,owo epo bentiroolu n gunke si i, pẹlu bi Trump ṣe leri lati mu un wa silẹ to.

Irinajo ati afẹ paapaa ti tọ wo ninu inira yii, paapaa ni Qatar ati UAE, ibi meji pataki lagbaaye. Papakọ ofurufu Dubai, to n ṣakoso eeyan to to igba ati aabọ ero ọkọ lojumọ nibẹrẹ ọdun 2025, ni ikọlu ado oloro Iran ti ba lọpọ igba bayii.

Ẹgbẹẹgbẹrun arinrinajo lo ti sa kuro nibẹ latigba ti ogun yii ti bẹrẹ.

Laipẹ yii ni awọn tanka naa koju ikọlu lati Iran. .Bi agbara nla lati Israel ati US si ṣe doju kọ wọn, o han pe Iran naa ti pinnu lati maa koju wọn lọna ti ko le, ti ko na wọn lowo pupọ ṣugbọn ti ipa rẹ buru jọjọ

Orilẹede meji pere lo fẹ ogun yii. Benjamin Netanyahu, Olootu ijọba Israel ti fi han tipẹ pe oun fẹ rẹyin ijọba kan ti oun ati ọpọ ọmọ Israeli gba pe o le fopin si iwalaaye awọn Jew. Donald Trump n fẹ pana erongba nnkan agbara Iran lọwọ kan.

Ṣugbọn bawọn olori mejeeji ṣe ni erongba ijẹgaba kan naa, ko foju han boya boya ẹnikẹni ninu wọn ti ro ohun ti yoo ṣẹlẹ lẹyin rẹ. Ohun ti awọn mejeeji n sọ ni pe awọn fẹ kawọn eeyan Iran le da duro ni, ṣugbọn idaamu ti ogun naa le mu wa ko jọ pe o kan eyikeyi ninu wọn.

Fun awọn ọre Washington nilẹ Araabu, titi kan Saudi Arabia ati UAE, iyalẹnu nla ni ogun yii jẹ fun wọn.Pupọ wọn n fura si Iran, ẹru si n ba wọn de aaye kan, ṣugbọn wọn ti jagbọn ọna ti wọn fi n ba awọn ẹni nla ti wọn mule ti yii ṣe. Wọn mọ pe Iran le da rogbodiyan ti yoo mi agbaye silẹ, ṣugbọn yoo wu wọn lati sọ asọye ju lilo ipa lọ. Oman ro pe oun ti ri aṣeyọri ṣe lati mu alaafia wa laaarin US ati Iran lori nnkan ija ogun. Wakati diẹ si igba ti ogun naa yoo bẹrẹ, lati le sare dẹkun wahala, minisita ọrọ ilẹ okeere rẹ gba ori amohunmaworan US lọ, o si ni adehun kan wa ni ikawọ awọn.

Siwaju si i,awọn alajọ US mi-in n koju idaamu gidi. Ẹni to si jọ pe idaamu naa ba ju ni Olootu ilẹ UK;Sir Keir Stamer, ẹni to ti tiraka lati ma ṣe da si ogun naa ati titẹle ohun ti UK n fẹ pẹlu awọn alajọṣe .Nigba ti ọrọ nipa boya ki wọn ran ikọ ogun naa le jẹ sisọ lọna ofin, bo ṣe ṣoro lati ṣe ti fi han pe agbara ikọ ologun oju omi Britain ti ko ṣee koju tẹlẹ ti di ofege.

Lara awọn alajọṣe Tehran, Russia le kabaamọ ibajẹ to ṣẹlẹ si Iran, ṣugbọn bi adinku ṣe ba owo to n wọle lati ibi epo yoo fun Moscow ni agbega laaarin ogun ọwọngogo to n ja ni Ukraine.

China, ilu to n lewaju ninu awọn to n ko epo Iran wọle lagbaaye, yoo maa wa ọna abayọ mi-in bayii pẹlu owo to ju ti tẹlẹ lọ. Bakan naa ni Beijing ko ti i ri ọna lati dena ikọlu lori orilẹede to ni ajọṣe to kun rẹrẹ pẹlu.

Awọn aarẹ US to ti gba ipo yii kọja ti sọrọ nipa pe kawọn kuku maa ba Asia sọrọ, kawọn si kọju si igbiyanju US lati koju iṣoro ọrọ aje ati ti ologun ti China n gbe wa. Ogun to n lọ ni Iran yii tun fi han pe agbegbe Middle East to tobi ni ọna kan to le gba mu America. Ilana aabo Trump ti wọn gbe jade loṣu Kọkanla to kọja, ṣalaye pe agbara Iran ti lọ silẹ gidi, ati pe agbegbe Aarin Ila-Oorun ti ṣe bẹẹ di ibi ti ijangbọn wọn ti dinku.

"Awọn ọjọ ti Aarin Ila-Oorun gba ofin America kari fun igba pipẹ ati fun lilo lojoojumọ." wọn ni awọn dupẹ pe iru rẹ ti kọja lọ.

Afi to ba jẹ pe.