Нархлар ошаётган Тожикистонда Рамазон қандай ўтмоқда

Тожикистонда нарх-наволарнинг ошиб бориши Рамазонда одамларни жипслаштиргандек. Айрим тадбиркорлар Рўзага бағишлаб маҳсулотлари нархини туширган. Бироқ қимматчилик барибир ўз сўзини айтмоқда.

Сурат тагсўзи, Ҳар йили Тожикистонда муборак Рамазон ойи келиши билан хайру саховат, яхшилик қилиш истагида бўлган кишилар кўпаяди. Бу дўкон эшигига харидорларга қарата «Сиз қилган харид маблағининг 5 фоизи кам таъминланганларга берилади», деб ёзилган.
Сурат тагсўзи, Фақат кам таъминланганлар эмас, муҳтожлик туфайли тиланчилик қилишга мажбур бўлаётганлар ҳам оз эмас.
Сурат тагсўзи, Манови ўспирин эса, асли нархи 3 ярим сомонийлик нонларни 2 ярим сомонийдан олишга таклиф этади.
Сурат тагсўзи, «Ҳожилар ошхонаси» номи билан танилган бу ошхона Рамазон кириши билан эшикларини ёпади.
Сурат тагсўзи, Лекин ишламаётган ошхона ва таом тайёрлаб, сотиш нуқталаридан кўра ишлаётганлари кўп.
Сурат тагсўзи, Хўжандликлар ифторда чанқоқбосди тарвузларни ейишни яхши кўришади. Бу тарвузлар мамлакат жанубидаги Хатлон вилоятидан келтирилган. Лекин нархи бироз «чақаётганлиги» учун харидорлар ҳозирча кўп эмас.
Сурат тагсўзи, Кўрган кўзни қувонтирадиган бу қимматбаҳо неъматларни эса, кўпчилик эмас, ўзига тўқлар, кўпроқ ифторлик зиёфати бераётган кишилар сотиб олишга қодирдирлар.
Сурат тагсўзи, Хўжанд бозорларида истаган маҳсулотни топиш мумкин. Лекин нархнинг ошириб юборилгани боис харидорлар оз. Ҳукуматдорларнинг Рамазонда нархни тушириш борасидаги чоралари, руҳонийларнинг Рамазонда молларни арзон сотиш савоблиги борасидаги ундовлари кўпчилик сотувчиларга таъсир кўрсатмайди.
Сурат тагсўзи, Нархи қимматлаб кетгани боис, қозони ҳафталаб гўшт кўрмайдиган оилалар сони кўпайган.
Сурат тагсўзи, Хўжанддаги машҳур «Пайшанбе» бозорида қўшни мамлакатлардан келган сотувчилар ҳам эркин савдо қила олишади.
Сурат тагсўзи, Рамазонда Хўжанддаги марказий «Шайх Маслаҳатуддин» масжидига ибодат қилиш учун келаётган намозхонлар сони сезиларли кўпайган.
Сурат тагсўзи, Масжиддан чиқиб, бозор томон бораётганларнинг кўпчилиги бир ўйда: уйга қуруқ қайтмасмиканман?