عبدالرشید شکور بی بی سی اردو ڈاٹ کام بنگلور

انضمام الحق نے گوتم گمبھیر اور سہواگ کے خلاف وکٹوں کے پیچھے کیچ کی اپیلیں مسترد کئے جانے پر سخت ردعمل ظاہر کیا تھا۔

میچ ریفری نے لیول ون کی خلاف ورزی پر انضمام الحق پر میچ فیس کا تیس فیصد جرمانہ عائد کیا ہے جبکہ لیول ٹو کی خلاف ورزی پر وہ ایک ٹیسٹ کی پابندی کی زد میں آئے ہیں اس طرح وہ ویسٹ انڈیز کے خلاف پہلا ٹیسٹ نہیں کھیل سکیں گے۔

پاکستانی ٹیم کے منیجر سلیم الطاف نے کہا ہے کہ انضمام الحق کے خلاف ایک ٹیسٹ کی پابندی کے فیصلے کی کاپی تحریری طور پر ملنے کے بعد اپیل کی جائے گی۔