ذیابیطس کے مریضوں کو روزانہ انجیکشن لگا کر انسولین لینے کے بجائے اب صرف ایک جل نگلنی پڑے گی۔ اس نئی دریافت پر تجربات ابھی جاری ہیں۔

ذیابیطس کے لیے کھائی جانے والے اس دوا پر پہلے بھی تجربے کیے جا چکے ہیں لیکن یہ کامیاب نہیں ہو سکے کیونکہ انسانی پیٹ میں موجود تیزابی مادوں کی وجہ سے یہ دوا کارگر نہیں ہوتی۔

بھارتی سائنسدانوں کے مطابق یہ جل اس دوا کی حفاظت کرتی ہے اور اس وقت تک گھلنے نہیں دیتی جب تک یہ دوا بڑی آنت میں نہیں پہنچ جاتی جہاں پر یہ جل دوا کو جزب ہونے میں مدد دیتی ہے۔

اب سائنسدان اس دوا کا انسانوں پر تجربہ کر رہے ہیں اور انہیں توقع ہے کہ ایک دن وہ اس سے نہ صرف ذیابیطس بلکہ کینسر کا علاج بھی کیا جا سکے گا۔