 |  مائیکروسافٹ کی مشکلات میں اضافہ |
مائیکرسافٹ نے کہا ہے کہ اس کے تیار کردہ مشہور آپریٹنگ سسٹم ونڈوز کے خفیہ کوڈ کا کچھ حصہ انٹرنیٹ پر شائع ہو گیا ہے۔ مائیکروسافٹ نے فوری طور پر یہ نہیں بتا سکی کہ یہ خفیہ کوڈ کس نے افشا کیا ہے البتہ اس نے قانون نافذ کرنے والے اداروں سے رابطہ کر لیا ہے۔ ٹیکنالوجی کے امور سے وابستہ ماہرین کا کہنا ہے کہ یہ خفیہ تفصیلات باہر آ جانے کے باعث ہیکروں کے لئے ان کروڑوں کمپیوٹروں کو نشانہ بنانا قدرے آسان ہو جائے گا جن پر ونڈوز نامی آپریٹنگ سسٹم پر کام ہوتا ہے۔ اس بات کا بھی اندیشہ ہے کہ ونڈوز کے مقابل کمپنیاں انٹرنیٹ سے یہ کوڈ چرا کر استعمال کر سکتی ہیں۔ |  ایک ہفتے میں دو مسائل کا اعلان کیا |
مائیکروسافٹ کے ترجمان ٹوم پیلا کے مطابق انہیں اس بات کا علم نہیں ہے کہ ونڈوز کا خفیہ کوڈ کس حد تک انٹرنیٹ پر شائع کیا گیا ہے اور کتنے لوگوں کو اس کوڈ تک رسائی حاصل ہوئی ہے۔ حالیہ ہفتے کے دوران مائکروسافٹ نے کمپیوٹر سافٹ ویئر کی سیکیورٹی کے حوالے سے پیش آنے والے دوسرے مسئلے کا اعلان کیا ہے۔ کمپنی نے بدھ کو اعتراف کیا تھا کہ اس کے نئے ونڈوز آپریٹنگ سسٹم میں ایسی ’سنگین‘ خرابی رہ گئی ہے جس سے ہیکرز کے لئے کسی کے کمپیوٹر تک رسائی آسان ہو جائے گی۔ | 
یہ صفحہ دوست کو ای میل کیجیئے
پرِنٹ کریں
