پینٹاگون کا کہنا ہے کہ اس کے جہاز بین الاقوامی پانیوں میں تھے

امریکی محکمۂ دفاع کا کہنا ہے کہ اس اختتام ہفتہ آبنائے ہرمز میں پانچ ایرانی کشتیاں تین امریکی جنگی جہازوں کے قریب آئیں اور کچھ دیر کے لیے ان کو دھمکایا کہ وہ انہیں اڑا دیں گی۔

ایرانی رد عمل  اس طرح کا واقعہ فریقین کے درمیان کبھی کبھار پیش آ جاتا ہے اور شناخت کے بعد معاملہ رفع دفع ہو جاتا ہے۔   محمد علی حسینی

ایرانی وزارت خارجہ کے ترجمان محمد علی حسینی نے کہا کہ اس طرح کا واقعہ فریقین کے درمیان کبھی کبھار پیش آ جاتا ہے اور شناخت کے بعد معاملہ رفع دفع ہو جاتا ہے۔

اس سے قبل گزشتہ مارچ میں ایرانی پاسداران انقلاب نے پندرہ برطانوی فوجیوں کو پکڑ لیا تھا جنہیں دو ہفتے بعد چھوڑا گیا تھا۔ ایران نے کہا تھا کہ برطانوی فوجی ایرانی حدود میں داخل ہو گئے تھے۔ برطانیہ نے اس الزام کی تردید کی تھی۔

دنیا میں استعمال ہونے والے تیل کا پانچواں حصہ آبنائے ہرمز سے گزرتا ہے۔ اس لحاظ سے اسے دنیا کی اہم ترین آبی گزرگاہ سمجھا جا سکتا ہے۔