افغانستان میں اتحاددی اور افعان فوج القاعدہ اور طالبان مزاحمتکاروں کے خلاف جنگ کر رہی ہے۔

سید ہاشمی کو گزشتہ ہفتے برطانیہ نے امریکہ کے حوالے کیا تھا تاکہ وہ خود پر لگنے والے دہشت گردی میں اعانت کرنے کے الزامات کا سامنا کر سکیں۔

ان پر الزام ہے کہ انہوں نے القاعدہ کے لیے واٹرپروف یا پانی کو روکنے والا سازو سامان حاصل کیا تھا۔

اگر ہاشمی پر یہ الزام ثابت ہوگیا تو انہیں پچاس قید کی سزا ہو سکتی ہے۔

ان کا کہنا ہے کہ انہوں نے دو ہزار چار میں محض ایک دوست کی مدد کرنے کے لیے مذکورہ اشیاء اپنے گھر میں رکھی تھیں۔

مگر استغاثہ کا اصرار ہے کہ ہاشمی کو اس بات کا علم تھا کہ یہ برساتیاں، اور پانی سے بچاؤ کی دوسری چیزیں افغانستان میں لڑنے والے القاعدہ کے ارکان کے لیے حاصل کی گئی تھیں۔

سید ہاشمی نے ان الزامات کی صحت سے انکار کیا ہے۔