عمر خیام: عمر چھبیس سال عمر خیام: سزا عمر قید، کم سے کم چالیس سال

برطانیہ میں انسداد دہشت گردی کے مقدمے میں مجرم قرار دیئے جانے والے پانچ افراد میں سے چار پاکستانی نژاد ہیں جنہیں القاعدہ کا حامی بتایا گیا ہے۔ ان کے نام جاوید اکبر، عمر خیام، صلاح الدین امین، وحید محمود اور اینتھونی گارسیا ہیں۔ ان میں سب سے کم عمر تئیس سالہ اکبر ہیں اور سب سے بڑے وحید محمود کی عمر پینتیس سال ہے۔

جواد اکبر، عمر تیئس سال جواد اکبر: سزا عمر قید

وحید محمود، عمر پینتیس سال وحید محمود: عمر قید

ان پانچوں افراد پر الزام تھا کہ یہ برطانیہ میں ایک کاروباری مرکز، نائٹ کلب اور گیس کے نظام کو بموں سے نشانہ بنانا چاہتے تھے۔ ان میں سے تین افراد کے بارے میں کہا گیا ہے کہ ان کا برطانوی معاشرے سے فکری تضاد تھا جو یا تو شروع ہی سے ان کی شخصیت کا حصہ بنا یا بعد میں ان کے اندر آنے والی تبدیلیوں کا نتیجہ تھا۔

صلاح الدین امین، عمر بتیس سال صلاح الدین امین: پینتیس سال

اینتھونی گارسیا، عمر چوبیس سال اینتھونی گارسیا: سزا کم از کم چالیس سال

بتایا گیا ہے کہ ان لوگوں نے 600 کلوگرام امونیم نائٹریٹ حاصل کر لی تھی جسے ہینویل کے ایک گودام میں رکھا گیا تھا۔ ان لوگوں کو احساس نہیں ہوا کہ ان میں سے کچھ پر پہلے ہی ایم آئی فائیو کی نظر تھی اور گودام کے عملے نے بھی پولیس کو مطلع کر دیا تھا۔