 | | | کارروائی مکمل ہونے میں کئی روز لگ سکتے ہیں |
عراق میں اتوار کو ان چار امریکی فوجیوں کے خلاف قانونی کارروائی شروع ہو جائے گی جن پر الزام ہے کہ انہوں نے ایک عراقی لڑکی کے ساتھ زنا بالجبر کیا اور اس کے خاندان کو قتل کر دیا۔ کارروائی کی روشنی میں ان فوجیوں کے خلاف فوجی قوانین کے تحت مقدمہ چلانے یا نہ چلانے کا فیصلہ کیا جائے گا۔ مبینہ واقعہ مارچ کے مہینے میں عراقی شہر محمودیہ میں پیش آیا۔ یہ کارروائی عراق میں امریکی فوجیوں کے خلاف زیادتی کے لگنے والے الزامات کے سلسلے میں سے ایک ہے۔ قانونی کارروائی جسے شق بتیس کی کارروائی بھی کہا جا رہا ہے بغداد میں امریکی فوجی اڈے میں ہوگی۔ چاروں فوجیوں پر ایک چودہ سالہ لڑکی کے والدین اور اس کی پانچ سالہ بہن کو مارنے کے بعد اس کے ساتھ زنا بالجبر اور اس کے قتل کا منصوبہ بنانے کا الزام ہے۔
کہا گیا ہے کہ ان فوجیوں نے مبینہ طور پر اپنے ایک ساتھی کو جو اب فوج چھوڑ چکے ہیں منصوبہ بندی، عمل درآمد اور اپنے فعل کو راز رکھنے میں مدد دی۔ فوج چھوڑ جانے والے فوجی پر امریکہ کی وفاقی عدالت میں مقدمہ چلایا جا رہا ہے۔ بند کمرے میں ہونے والی کارروائی کے دوران عراقی گواہ شہادت دیں گے۔ | 
امریکی فوجی، قتل اور ریپ کا الزام
