سٹاک ویل جہاں شک کی بنا پر برازیلی باشندہ پولیس کے ہاتھوں ہلاک ہوا

پولیس کا یہ بھی کہنا ہے کہ اس کا لندن کے ناکام بم حملوں سے کوئی تعلق نہیں تھا۔

اس سے پہلے لندن پولیس کے ایک بیان میں میں کہا گیا تھا کہ اس نے تسلی کر لی ہے کہ گزشتہ روز جنوبی لندن کے علاقے میں پولیس کے ہاتھوں ہلاک ہونے والے شخص کا لندن میں ہونے والے ناکام بم حملوں سے کوئی تعلق نہیں تھا۔

میٹروپولیٹن پولیس کے حکام نے اس واقعے پر افسوس کا اظہار کیا ہے جب کے سکاٹ لینڈ یارڈ نے اس طرح گولی مارے جانے کو ’سانحہ‘ قرار دیا ہے۔

اس سلسلے میں جو بیان پڑھ کر سنایا گیا۔ اس میں کہا گیا ہے کہ ’ہم سمجھتے ہیں کے اب ہم اس شخص کی شناخت کے بارے میں زیادہ بہتر طور پر جانتے ہیں جسے جمعہ 22 جولائی 2005 کو لندن کے زیر زمین سٹاک ویل سٹیشن گولیاں ماری گئیں‘۔

’ہم اب مطمئن ہیں کہ اس کا 21 جولائی کے واقعات سے تعلق نہیں تھا۔ اس طرح کے حالات میں کسی کا اس طرح جان سے جانا ایک سانحہ ہے اور میٹروپولیٹن پولیس کو اس واقعے پر افسوس ہے‘۔