مصر اور اسرائیل کے درمیان 1979 سے امن قائم ہے

اسرائیلی فوجی ریڈیو کے مطابق جنوبی غزہ میں ایک ٹینک نے ان پولیس اہلکاروں پر فائرنگ کر دی جس کے نتیجے میں یہ تینوں اہلکار ہلاک ہو گئے۔

غزہ کے اس علاقے میں اسرائیلی فوجیوں اور فلسطینی شدت پسندوں کے درمیان جھڑپیں ہوتی رہتی ہیں۔

اسرائیلی دفترِخارجہ کے ترجمان کے مطابق یہ واقعہ مصر اور اسرائیل کی سرحد کےاس حصے میں پیش آیا جہاں در اندازی اور ہتھیاروں کی سمگلنگ کے واقعات پیش آتے رہتے ہیں۔

اسرائیل کے نائب وزیرِ دفاع زیو بوئم نے اس واقعہ پر افسوس کا اظہار کیا ہے۔

اسرائیلی فوج کی جانب سے اس واقعہ کی اعلیٰ سطح پر انکوائری کی جا رہی ہے۔