 |  چین ایک تعمیراتی انقلاب سے گزر رہا ہے۔ |
چین کا جنوبی شہر گوانگ ژُو میں حکام نے دنیا کا سب سے اونچا ٹاور بنانے کے منصوبے کا اعلان کیا ہے۔ اس ٹاور پر،جو پانچ سو اسی سے لیکر چھ سو میٹر تک بلند ہوگا، کام جلد ہی شروع ہوجائے گا۔ اس منصوبے کا اعلان ایک ایسے وقت پر ہوا ہے جب چین ایک طرح سے تعمیراتی انقلاب سے گزر رہا ہے اور بہت سی نئی اور بڑی عمارتیں تیار کی جارہی ہیں اگرچے کچھ پراجیکٹس کو مالی امداد میں کمی کا بھی سامنا ہے۔ کہا جارہا ہے کہ اگر ملکوں کا قومی افتخار بلند عمارتوں سے ناپا جائے تو چین اس وقت یقیننا بہت آگے جا رہا ہے۔ گوانگ ژُو شہر میں ٹی وی ٹاور کینیڈا میں دنیا کے سب سے بلند سی این ٹاور اور ورلڈ ٹریڈ سینٹر کی جگہ بننے والے ٹاور سے بھی بلند ہوگا جس کی اونچائی پانچ سو اکتالیس میٹر ہوگی۔ اس منصوبے کے لئے تین غیر ملکی کمپنیاں ٹھیکہ حاصل کرنے کی کوشش کر رہی ہیں اور اس سلسلے میں تنقید بھی کی جارہی ہے کہ یہ ٹھیکے غیر ملکی کمپنیوں کو کیوں دئے جارہے ہیں۔ لیکن چین میں اس وقت جتنے تعمیراتی پراجیکٹ پر کام ہورہا ہے اس سے ظاہر ہوتا ہے کہ یہ ملک آرکیٹیکٹس کے لئے اس وقت ایک جنت بنا ہوا ہے۔ | 
یہ صفحہ دوست کو ای میل کیجیئے
پرِنٹ کریں
