 |  کیمپ وکٹری امریکی فوج کا اڈہ ہے |
امریکہ میں وزارتِ خارجہ نے اعلان کیا ہے کہ اس کا ایک سفارتکار عراق میں شدت پسندوں کے حملے میں ہلاک ہو گیا ہے۔ اعلان کے مطابق بغداد میں امریکی سفارتخانے کے اسسٹنٹ ریجنل سکیورٹی آفیسر ایڈ زیتز ایک مارٹر حملے میں ہلاک ہو گئے۔ ان پر یہ حملہ بغداد کے ہوائی اڈے کے نزدیک امریکی فوجی اڈے کیمپ وکٹری پر کیا گیا۔ عراق میں پولیس نے کہا ہے کہ اسے انچاس نئے بھرتی ہونے والے عراقی فوجیوں کی لاشیں ملی ہیں۔ یہ لاشیں شمال مشرق میں ایران کی سرحد کے نزدیک ملی ہیں۔ پولیس کے مطابق یہ لاشیں قطاروں میں رکھی ہوئی ملی ہیں اور انہیں پہلے زمین پر لٹایا گیا اور پھر گولیاں مار کر ہلاک کیا گیا۔ عراقی انتظامیہ کے مطابق یہ افراد ایک نزدیکی فوجی کیمپ میں ابھی تربیت لے حاصل کر رہے تھے اور چھٹی لے کر گھروں کو جا رہے تھے۔ | 
یہ صفحہ دوست کو ای میل کیجیئے
پرِنٹ کریں
